Norræn jól : ársrit Norræna félagsins - 01.12.1952, Blaðsíða 55

Norrœn jól
og rækilega. Sú kynning leiddi til áhuga hans á norrænu samstarfi. Og
hann lét ekki við áhugann einn sitja. Þau voru mörg störfin og mikils
virði, er hann lagði fram þessum áhugamálum sínum til eflingar.
Og það var líka önnur hlið á þessari kynningu, er hafði sitt að segja.
Margir norrænir menn áttu skipti við Svein Björnsson forseta. Við það
óx álit þeirra á honum, og þeir urðu þess varir að þar var á ferðinni full-
trúi íslands, er vakti traust og vann heils hugar að áhugamálunum. Hef
ég oft orðið þess var, hvað margir áhrifamenn á Norðurlöndum mátu
Svein Björnsson mikils, og hversu gott og gagnlegt þeim þótti að eiga við
hann samstarf um sameiginleg áhugamál Norðurlanda.
Og öllum þessum málefnum sinnti Sveinn Bjömsson með sinni al-
kunnu lægni og háttvísi, gætti þess vel að standa á verði fyrir land sitt
og þjóð, um leið og hann vann að því að efla eftir mætti samtök og gagn-
kvæman skilning Norðurlandaþjóðanna. Hann var þar, eins og annars-
staðar, ágætur og virðulegur fulltrúi. Enginn einn íslenzkur maður, lagði
að mörkum jafn mikil störf og með jafn góðum árangri, varðandi norrænt
samstarf, eins og Sveinn Björnsson, á árunum 1920—1940. Hann var höfuð
tengiliður Islands við hin Norðurlöndin, á þessum áratugum. Hann var
sístarfandi fulltrúi Islands á norrænum vettvangi. Og árangurinn af þess-
um störfum hans var mikill. Norrænt samstarf var honum innilegt
áhugamál.
Sveinn Björnsson forseti íslands skildi það vel, hversu merkur og
mikill þáttur sjálf norrænu félögin voru í samstarfi frændþjóðanna. Þess
vegna var hann einnig sístarfandi fyrir Norræna félagið á Islandi. Hann sat
ótal fundi fyrir félagið og vann ötullega að málefnum þess. Einmitt vegna
þessa miklu og margháttuðu starfa Sveins Bjömssonar forseta, fyrir Nor-
ræna félagið á Island, sá það sérstaka ástæðu til þess að heiðra hann á
einstæðan hátt. Félagið ákvað því að gera hann að einasta heiðursfélaga
sínum, og var það gert fyrir 8 árum síðan. Með því móti vildi félagið sýna
þakkir sínar og virðingu, þeim manni, er flestum eða öllum framar,
hafði unnið fyrir áhugamál þess.
Við fráfall Sveins Bjömssonar forseta, harmar Norræna félagið á
Islandi af heilum huga, heiðursfélaga sinn og minnist hans með þakklæti
og virðingu.
Stefán Jóh. Stefánsson.
53