Þingtíðindi - 01.12.1947, Blaðsíða 22

3. Lánstími fastra lána eða stofnlána útgerðarinn-
ar og fyrirtækja, sem rekin eru í beinu sambandi
við útgerðina skal lengdur verulega frá því sem
nú er. Þannig skal miðað við að lán út á ný skip
og báta, og nýjar verksmiðjur séu 20 til 30 ára
lán.
4. Til lækkunar á viðhaldskostnaði útgerðarinnar
skal afnumin sú regla sem heimilar verkstæð-
unum fasta hundraðstölu-álagningu á efni og
vinnulaun. Strangar reglur séu settar um verð-
lagningu verkstæðanna og fái samtök útvegs-
manna vald til að fylgjast nákvæmlega með
framkvæmd þeirra.
5. Vátryggingariðgjöld vélbáta verði lækkuð veru-
lega, eða miðað við að iðgjöld af nýjum bátum
verði 3%—4%.
6. Veiðarfærakostnaður útgerðarinnar verði lækk-
aður m. a. með því að ríkisvaldið veiti samtökum
útvegsmanna aðstöðu til að hafa með höndum
alla verzlun og innlenda framleiðslu veiðarfæra.
Á meðan samtök útvegsmanna hafa enn ekki
veiðarfæraverzlunina með höndum skulu þau
hafa vald til að fylgjast nákvæmlega með að
hlýtt sé settum reglum um verðlag veiðarfæra.
7. Olíuverðið sé lækkað m. a. með því að ríkið
taki að sér allan innflutning á olíum og hafi með
höndum heildsölu þeirra. Samtök útvegsmanna
hafi fulltrúa í stjóm olíuverzlunar ríkisins. Olíu-
samlög útvegsmanna annist dreifinguna, þar
sem því verður við komið.
20