Vasakver : með almanaki fyrir árin 1939-1943 - 01.01.1939, Qupperneq 83

79
4. Ef illgresi spírar á vorin, áður en sáð er, er gott að herfa
svæðið og láta yfirborðið liggja laust nokkra daga, þá
skrælnar mikið af illgresinu.
5. Illgresi er hægt að eyðileggja með því að sprauta yfir það
uppleysingu af járn-vitrioli. Þetta á að gera í þurrviðri, þá
er illgresið er farið að spretta. Hæfilegt er að leysa upp
20 kg. af járnvitrioli í 80 lítrum af vatni. Þetta nægir á
eitt gl. Sérstakar sprautur eru notaðar til að dreifa vökv-
anum. Þessi vökvi eyðileggur arfa og flest annað illgresi,
en eigi þola rófur, jarðepli, kál eða aðrar garðjurtir hann,
og verður því að nota hann áður en þessar jurtir fara að
vaxa. Handhægra til notkunar er Tröllamél. Af því þarf að
dreifa um 50 kg. á gl. Það drepur arfa, en garðjurtir þola
það eigi. Þarf því að notast snemma, áður en matjurtir
koma upp.
Hafiö gát á jurtasjúkdómum.
Eftir Ingólf Daviðsson.
Myglan er argasti óvinur jarðeplaræktarinnar. Á jarðepla-
grösin koma grágrænir sviðnir blettir. Stækka þeir óðum ef vot-
viðrasamt er, verður jarðeplagrasið svart að lokum og getur ger-
fallið. Á jarðeplin koma blýgráir blettir. Veikin berst með út-
sæði og á sumrum geta kím (sveppgróin) borizt milli garða með
vindi. Þurfa því að vera samtök með varnirnar, einkum í þéttbýli.
Helztu varnirnar eru þessar:
1) Notið heilbrigt útsæði og ræktið aðeins mygluharðgerðar
tegundir jarðepla. Veljið útsæði á haustin undan beztu grösunum.
Tegundirnar Akurblessun (Ackersegen). Alpha, Deodara, Gull
jarðar (Erdgold), Eyvindur, Jubel, Stóri Skoti o. fl. þola myglu
sæmilega.
2) Notið Bordeaux eða koparsódaduft eða vökvið árlega til
varnar á myglusvæðunum.
Annar erkifjandi jarðeplanna er stöngulveikin. Ber talsvert
á henni árlega. Stöngullinn verður svartur og linur niður við
jörðu, jarðeplin verða blaut innan og rotna. Veikin berst með
útsæðinu, breiðist veikin út frá móðurplöntunni eftir spírunum
og inn í nafla ungu jarðeplanna. Getur veikin breiðst út í
görðum á sumrin. Grafið stöngulveik grös upp á sumrin jafn-
óðum og flytjið þau og jarðeplin burtu úr garðinum. Takið aldrei
útsæði undan veikum grösum.