Bændablaðið - 21.07.2022, Side 33

33Bændablaðið | Fimmtudagur 21. júlí 2022
Kæru björgunaraðilar um allt land!
Af eigin reynslu af björgunarstörfum og skorti á úrræðum með léttan búnað í leitum á
hálendi. Þróaði ég samanbrjótanlegar sjúkrabörur til að bera á baki í leitum og flýta fyrir
björgun slasaðra á fjöllum. Markmiðið var að gera björgunarstörf léttari fyrir okkur og auka
öryggi slasaðra á fjöllum, með því draga úr hættunni á vindkælingu með meira skjóli.

Eiginleikar: Aðeins 4,9kg, 30cm hlífðarkantar, áföst hitahlíf til fóta, mjúk lega, einangrandi
stífur botn og mjúk handföng. Í heimsókn til Landhelgisgæslunnar, kom í ljós; að
sjúkrabörurnar passa í þyrlukörfur, sjúkrabílakerrur og beint á gólf lítilla flugvéla án þess að
flugsæti þurfi að fjarlægja. *Fyrsta verðlaun á Ítalíu 2018, fyrir besta hugvitið!

„Hallas Rescue Stretchers“ hafa verið til sölu hérlendis seinustu fimm ár. Keyptar af
björgunarsveitum um allt land, ferðafélögum í fjallaskála, ýmsum leiðsögufélögum,
skíðaskálum o.fl. Nú er Hallas ehf. að stofna fyrirtæki erlendis fyrir alheimsmarkað og mun
hætta sölu hérlendis í lok þessa árs. Enn eru til nokkrar sjúkrabörur á lager. www.hallas.is
Takk fyrir mig frábæra fólk, sem lætur líf og öryggi ferðamanna skipta máli. Halla Eysteins

Íslensk framleiðsla
á Bílskúrs- og Iðnaðarhurðum
564-0013 | 865-1237
Garðyrkjuskólinn á Reykjum:
Nýnemar hittust í
Grasagarðinum
Nýnemar við Garðyrkjuskólann á Reykjum í Ölfusi hittust fyrir skömmu á
Café Flóru í Grasagarðinum í Reykjavík. Myndir / Garðyrkjuskólinn á Reykjum
Þann 28. júní síðastliðinn
gafst nýnemum og kennurum
Garðyrkjuskólans á Reykjum í
Ölfusi kostur á að hittast í fyrsta
sinn í Café Flóru í Grasagarðinum
í Reykjavík. Samtals eru
skráðir í nám rúmlega 140
nemendur á hinum ýmsu stöðum
námsframvindunnar.
Bóknámið við skólann tekur
tvö ár í staðarnámi en fjögur ár í
fjarnámi og við bætist 60 vikna
verknámstími til fullnaðarútskriftar
sem fullnuma garðyrkjufræðingur.
Færst hefur í vöxt að nemendur kjósi
að stunda fjarnám við skólann og
nú er meirihluti nemenda fjarnemar.
Námið kynnt
Brautastjórar kynntu sex ólíkar
námsbrautir sem kenndar eru
en þær eru: Skrúðgarðyrkju-,
Blómaskreytinga- og Ylræktarbraut,
Braut um lífræna ræktun grænmetis,
Garð- og skógarplöntubraut og
Skógur og náttúra.
Allir kennarar við skólann
hafa áratuga reynslu í sérfögum
garðyrkjunnar og hafa stundað
kennslu árum saman við skólann.
Deildarfulltrúi sagði frá sínum
störfum, einkum þeim sem lúta
að samskiptum við nemendur og
starfsfólk.
Auk þess sem Hjörtur
Þorbjörnsson, forstöðumaður
Grasagarðsins í Reykjavík, kynnti
fjölbreytta starfsemi garðsins.
Nám í garðyrkju til FSu
Olga Lísa Garðarsdóttir, skóla-
meistari Fjölbrautaskóla Suður-
lands, gerði grein fyrir nýrri
stöðu garðyrkjunámsins. Sú
grundvallarbreyting hefur orðið að
Garðyrkjuskólinn er ekki lengur
hluti af Landbúnaðarháskóla Íslands
frá og með komandi skólaári, en
heyrir alfarið undir Fsu.
Kennslan mun áfram vera á
Reykjum og farið verður rólega
í breytingar. Vonir standa til
að húsakostur skólans verði
endurnýjaður á næstu árum,
sérstaklega með þarfir verklegrar
kennslu í huga. Þá er sú nýbreytni
í vinnslu að nemendur munu geta í
framtíðinni lokið námi við skólann
með stúdentspróf frá FSu, auk
garðyrkjuréttinda.
Guðríður Helgadóttir starfs-
menntanámsstjóri tók nýnema í
verklegar æfingar í Grasagarðinum.
Nemendur skulu skila safni
þurrkaðra íslenskra plantna í
áfanga um Íslensku flóruna en til
þess þurfa þeir að kynnast réttum
vinnubrögðum. Einnig var skoðaður
sýnisgarður matjurta sem þar er að
finna. / Ingólfur Guðnason
Streymi heildverslun ehf.
Goðanesi 4
603 Akureyri
S
N
V
588 2544
streymi@streymi.is
www.streymi.is
Olga Lísa Garðarsdóttir, skóla­
meistari Fjölbrautaskóla Suðurlands,
gerði grein fyrir nýrri stöðu garð­
yrkjunámsins.