Leikhúsmál - 01.12.1995, Page 20
LEIKHUSMAL
Bréf frá stjórn
4. deildar FÍL
(Deild lausráðinna leikara)
Nú í vor var kosin ný stjórn 4. deildar
FÍL. Hana skipa Edda Björgvins-
dóttir, Þorsteinn Guðmundsson og
Margrét Ákadóttir. Stjórnin var kos-
in einróma af fundarmönnum sem margir
hverjir Iýstu ánægju sinni með árangur þann
sem þeir töldu hafa náðst í kjölfarið á ráð-
stefnum þeim sem Reykjavíkurborg hafði þá
nýlega staðið fýrir en þar komu umræddir
einstaklingar allir við sögu.
Með nýrri stjórn verða nýjar áherslur. Og
skulu hér nefndir nokkrir málaflokkar sem
nú þegar eru nokkuð á veg komnir.
Nýja stjórnin hefur mikinn áhuga á því að
vinna að málum lausráðinna leikara, ekki síst
þeirra sem ekki hafa verið í lausamennsku í
stóru leikhúsunum. Fjórða deildin er nú
langstærsta deild félagsins og fer ört stækk-
andi því á hverju ári bætast við leikarar sem
hlotið hafa tilskilda menntun hér heima eða
erlendis. Þessari miklu fjölgun lausráðinna
leikara telur stjórnin nauðsynlegt að svara.
Næsta vetur verður lögð áhersla á að
kynna meðlimi 4. deildar fyrir atvinnurek-
endum. Menningarhandbókin Leikur og list
mun helga þessu máli eina síðu í hverjum
mánuði og verða þar birtar myndir af laus-
ráðnum leikurum ásamt stuttri umfjöllun.
Þess má geta að Margrét Ákadóttir og Edda
Björgvinsdóttir eru báðar eigendur að blaði
þessu sem dreift verður inn á hvert einasta
heimili á Stór-Reykjavíkursvæðinu. Þá hefur
einnig komið upp sú hugmynd að gefa út
dagatal 4. deildar og fer vinna við það af stað
nú í haust.
Unnið verður að bættri stöðu leikara í
þjóðfélaginu og hefúr Margrét Ákadóttir
ásamt Aidísi Baldvinsdóttur nú lagt í mikla
vinnu til að kynna sér réttarstöðu leikara í
samanburði við nágrannalönd okkar en ljóst
er að hagur íslenskra leikara er mjög fýrir
borð borinn.
Þá hefur stjórnin ritað leikhússtjórum LR
og Þjóðleikhússins bréf þar sem stungið er
upp á því að í hvert skipti sem ráðist er í nýtt
verkefni verði haldnar áheyrnarprufur. Til
þess liggja margvísleg rök að mati stjórnar.
Helsta röksemdin er þó sú að það sé réttur
hvers vinnandi manns að hann geti á ein-
hvern hátt nálgast þá vinnu sem hann hefur
menntað sig til og sé ætlunin að fagleg sjón-
armið ráði því hverjir hljóti þá vinnu sem
býðst, verður eitthvað að liggja til grundvall-
ar annað en persónuleg yfirsýn og smekkur
leikstjóra og leikhússtjóra hverju sinni.
Stjórnin leggur á það ríka áherslu að leikarar
eigi kost á því að fara frekar í viðtal kjósi þeir
það heldur, og hafa fjölmargar góðar tillögur
um hvernig best verði staðið að áheyrnar-
prófum borist stjórninni í hendur. Leikhús-
stjórarnir hafa báðir svarað erindi stjórnar-
innar og taka þeir misvel í þessar hugmyndir
en vilja þó báðir funda með stjórninni um
þetta mál og verður það gert á næstu dögum.
Næsta vetur verður svo stefnt að sérstöku
kvikmyndaþingi. Þar verða kvikmyndaleik-
stjórar kallaðir til samstarfs en þó nokkurt
sambandsleysi virðist ríkja milli leikara og
kvikmyndaleikstjóra þó svo að hvorugur geti
án hins verið þegar gera á góðar kvikmyndir.
Mikillar óánægju hefur gætt meðal leikara
hvernig staðið hefur verið að þessum málum
og er það von stjórnarinnar að þessi mál
megi laga með samvinnu og fræðslu.
Stjórn 4. deildar hefur nú fjöldamörg önn-
ur mál á sinni könnu enda af nógu að taka
eigi að skapa Iausráðnum leikurum þann
starfsgrundvöll sem skyldi. Þess vegna hvetur
stjórnin alla sem áhuga hafa á þessum mála-
flokk að Iáta í sér heyra því það hefur sýnt sig
að fjöldahreyfmg eins og lausráðnir leikarar
geta áorkað því sem þeir vilja standi þeir
sameinaðir að sínum málum.
STUNDIMYNTSAFNINU
íslensk mynt og seðlar, íslenskir vöruseðlar
og brauðpeningar, minnispeningar,
heiðursmerki, orður
- erlend mynt sem tengist íslenskri sögu.
Myntir hafa verið slegnar síðan á 8. öld f.Kr. og
eru meðal frumheimilda um menningar- og verslunar-
sögu fyrri alda. í Myntsafni Seðlabanka og Þjóðminja-
safns eru nú um sextán þúsund myntir.
Stofninn í myntsafninu er íslensk mynt og seðlar
og erlendir peningar frá fyrri öldum. Meðal sýningar-
efnis eru peningaseðlar frá 18. öld, sem heimilt var að
nota hér á landi og síðan allar gerðir innlendra seðla
frá upphafi íslenskrar seðlaútgáfu árið 1886.
Safn af skemmtilegum fróðleik.
Opið virka daga á skrifstofutíma og á sunnu-
dögum kl. 14-16.
Sérfræðingur er til leiðsagnar. Aðgangur ókeypis.
MYNTSAFN
Seðlabanka og Þjóðminjasafns
Einholti 4 Reykjavík Sími 569 9964