Morgunblaðið - 04.08.2022, Qupperneq 24

24 FRÉTTIR
Innlent
MORGUNBLAÐIÐ FIMMTUDAGUR 4. ÁGÚST 2022
ULLARJAKKAR
Íslensk ullareinangrun, fullkomin fyrir útivistina
NÝSKÖPUN
Á HLÝJUM GRUNNI
Biskup Íslands auglýsti fyrir nokkru
eftir presti til þjónustu í Glerár-
prestakalli á Akureyri. Umsóknar-
frestur rann út 17. júlí síðastliðinn og
voru umsækjendur þrír.
Valnefnd prestakallsins kaus
Helgu Bragadóttur guðfræðing til
starfans og hefur biskup Íslands, sr.
Agnes M. Sigurðardóttir, staðfest
ráðningu hennar.
Helga Braga-
dóttir er fædd ár-
ið 1991 á Akra-
nesi og ólst upp í
Siglufirði og síðar
í Hafnarfirði.
Hún lauk stúd-
entsprófi frá
Menntaskólanum
í Reykjavík árið
2011 og hóf nám
við guðfræði- og
trúarbragðafræðideild Háskóla Ís-
lands haustið 2014. Helga útskrifað-
ist með mag. theol.-próf frá Háskóla
Íslands veturinn 2021. Hún lauk
framhaldsmenntun í sálgæslu hjá
Endurmenntun Háskóla Íslands
vorið 2022.
Helga hefur starfað í unglinga-
starfi og sunnudagaskóla í Grafar-
vogskirkju og í barnastarfi og
sunnudagaskóla í Víðistaðakirkju
ásamt því að gegna starfi kirkju-
varðar í afleysingum.
Sambýliskona Helgu er María Ósk
Jónsdóttir, grafískur hönnuður hjá
Já. Þær eiga fimm ára gamlan
dreng.
Helga er þriðji ættliðurinn sem
vígist til prestsþjónustu, að því fram
kemur á vef þjóðkirkjunnar. Faðir
hennar, sr. Bragi J. Ingibergsson, er
sóknarprestur í Víðistaðakirkju í
Hafnarfirði, áður í Siglufirði, og afi
hennar sr. Ingiberg J. Hannesson,
fv. prófastur, þjónaði alla sína starfs-
ævi í Dölunum.
Í Glerárprestakalli er ein sókn,
Lögmannshlíðarsókn. Sóknin er á
samstarfssvæði með Akureyrar-
sókn, sem myndar Akureyrar- og
Laugalandsprestakall. Sóknarprest-
ur er sr. Sindri Geir Óskarsson.
sisi@mbl.is
Valin til þjón-
ustu á Akureyri
Morgunblaðið/Sigurður Ægisson
Glerárkirkja Nýr prestur til starfa.
Helga
Bragadóttir
Sigtryggur Sigtryggsson
sisi@mbl.is
Borgarráð hefur samþykkt að aug-
lýsa að nýju eftir samstarfsaðila um
þróun og uppbyggingu Toppstöðv-
arinnar í Elliðaárdal. Viðræður hafa
staðið yfir í tvö ár við félög og aðila
sem tengjast jaðaríþróttum um
starfsemi í húsinu en þeim er nýlok-
ið án niðurstöðu.
Í greinargerð fjármála- og
áhættustýringarsviðs borgarinnar,
sem lagt var fyrir borgarráð, kemur
fram að Toppstöðin í Elliðaárdal,
Rafstöðvarvegi 4, sé mikilvæg eign
borgarinnar. Mikil hugmyndavinna
hafi átt sér stað á vegum borg-
arinnar um framtíðarhlutverk henn-
ar. Toppstöðin er rúmlega sex þús-
und fermetra bygging sem var tekin
í notkun árið 1948 sem olíu- og kola-
kynt vararafstöð til þess að taka á
móti toppálagspunktum í raforku-
þörf og hitaveitu og dregur nafn sitt
af því hlutverki. Starfsemi rafstöðv-
arinnar sem varaaflstöð lagðist að
mestu leyti af 1981.
Haustið 2016 samþykkti borgar-
ráð nýja stefnu um þróun Elliðaár-
dals undir heitinu „Sjálfbær Elliða-
árdalur“.
Hætt var við niðurrif hússins
Þar var m.a. horfið frá fyrri hug-
myndum um niðurrif Toppstöðv-
arinnar og þess í stað lagt til að leit-
að yrði eftir samstarfsaðilum. Þá
var gerð tillaga um að endurunnið
yrði húsamat á Toppstöðinni. Unnin
var úttekt á tækifærum og mögu-
leikum hússins ásamt uppfærðu
húsamati og er á grundvelli úttekt-
arinnar lagt til að auglýst verði eftir
samstarfsaðila um þróun og upp-
byggingu hússins.
Á fundi borgarráðs 3. september
2020 var samþykkt að forgangs-
röðun um uppbyggingu íþrótta-
mannvirkja, sem fram kemur í
skilabréfi stýrihóps um stefnu í
íþróttamálum, verði höfð til hlið-
sjónar við undirbúning 10 ára fjár-
festingaráætlunar Reykjavíkur-
borgar. Hús fyrir jarðaríþróttir var
eitt þeirra verkefna og raðaðist
efst í forgangsröðinni. Í kjölfarið
auglýsti Reykjavíkurborg eftir
hugmyndum um nýtingu og end-
urgerð Toppstöðvarinnar í Elliða-
árdal.
Barst erindi frá fjárfestum sem
voru áhugasamir um að leigja hús-
næðið og breyta því í fjölbreytta
miðstöð jaðaríþrótta. Þann 19. nóv-
ember 2020 samþykkti borgarráð
viljayfirlýsingu um verkefnið til að
viðkomandi aðilar gætu fullkannað
fjármögnun og leigusamninga við
aðila og félög tengd jaðaríþróttum.
Á vordögum 2022 var viðræðum við
viðkomandi aðila hætt, þar sem
samningar tókust ekki.
Fjármála- og áhættustýringar-
svið borgarinnar hefur því lagt til
að auglýst verði á nýjan leik eftir
samstarfsaðila um þróun og upp-
byggingu Toppstöðvarinnar með
það að markmiði að starfsemin
skapi nýjan og áhugaverðan áfanga-
stað í Elliðaárdal.
Endurbætur fyrir 200 milljónir
Sérstök áhersla verður lögð á jað-
aríþróttir og samfélagsleg verkefni
sem eru opin almenningi. Dæmi um
slíkt er til dæmis heilsueflandi
starfsemi, frumkvöðlasetur og sýn-
inga-, menningar- og fræðslu-
starfsemi.
Reykjavíkurborg gerir ráð fyrir
að setja 200 milljónir króna í við-
hald og endurbætur á húsinu á
næstu tveimur árum. Af hálfu borg-
arinnar verður forgangur settur í
aðgerðir sem lúta að grunnviðhaldi
og öryggismálum í húsinu. Vænt-
anlegur samstarfsaðili mun því fjár-
magna allar endurbætur, umfram
framkvæmdir borgarinnar, sem eru
nauðsynlegar til þess að búa það
undir nýja starfsemi. Ekki er gert
ráð fyrir að byggt verði við húsið.
Í auglýsingunni verður tekið fram
að Reykjavíkurborg hafi hug á að
leigja til baka hluta af húsnæðinu
fyrir jaðaríþróttir og greiða fyrir af-
notin 2.300 kr. á mánuði fyrir hvern
fermetra. Nánari útfærslur verði
skilgreindar í húsaleigusamningi.
Morgunblaðið/sisi
Fyrir Svona lítur Toppstöðin út í dag. Húsið þarfnast lagfæringa.
Tölvumynd/Trípólíarkitektar
Eftir Svona gæti Toppstöðin litið út að loknum endurbótum, sem Reykjavíkurborg hyggst ráðast í á næstu árum.
Hver vill leigja Toppstöðina?
- Auglýst verður að nýju eftir samstarfsaðila - Áform um miðstöð jaðaríþrótta gengu ekki upp