Morgunblaðið - 04.08.2022, Blaðsíða 30

FRÉTTASKÝRING
Gísli Freyr Valdórsson
gislifreyr@mbl.is
Eftir nokkurn lækkunarfasa á liðn-
um mánuðum rétti íslenski hluta-
bréfamarkaðurinn aðeins úr sér í
júlí. Í Hagsjá Landsbankans sem
birt var í gær kemur fram að 12
mánaða ávöxtun á íslenska mark-
aðnum sé þó aðeins 1,6%.
Af þeim 22 félögum sem skráð eru
á aðallista kauphallarinnar hækkaði
gengi 19 félaga í júlí en gengi
þriggja félaga lækkaði. Icelandair
Group hækkaði mest í júlí, eða um
35,4%. Gengi bréfa í félaginu hefur
rokkað nokkuð frá því að innrás
Rússlands inn í Úkraínu hófst í lok
febrúar. Í kjölfar hennar tók félagið
töluverða dýfu, gengið hækkaði aft-
ur frá lokum mars fram í miðjan
apríl en lækkaði aftur töluvert fram í
miðjan júní. Icelandair hefur þó sem
fyrr segir hækkað nokkuð frá því í
byrjun júlí en frá áramótum hefur
gengi bréfa í félaginu hækkað um
6%, sem endurspeglar að nokkur
leyti fyrrnefndar sveiflur. Eins og
fram kom á mbl.is í gær tók gengið
þó kipp upp á við eftir að gos hófst á
Reykjanesskaga og stóð við lok
markaða í 1,9 kr. á hvern hlut.
Sátt við SKE jók verðmæti
Þá hækkuðu bréf í Eimskip um
20% í júlí en gengi bréfa í félaginu
tók stóran kipp upp á við eftir að það
sendi frá sér jákvæða afkomuviðvör-
un snemma í mánuðinum. Eimskip
hefur nú hækkað um 13,9% frá ára-
mótum og um 50,1% á einu ári. Eim-
skip hækkaði síðan aftur um 5,5% í
gær eftir að fréttir bárust af góðri
afkomu danska flutningarisans Ma-
ersk en samkvæmt samtölum Morg-
unblaðsins við markaðsaðila þóttu
þær fréttir fela í sér jákvæðar horf-
ur fyrir flutningastarfsemi Eim-
skips.
Þess má geta að frá því að Eim-
skip gerði sátt við Samkeppniseft-
irlitið um miðjan júní í fyrra hefur
gengi bréfa í félaginu hækkað um
90,4%.
Síldarvinnslan og Brim hækka
Origo hækkaði um 16,4% í júlí en
hefur lækkað um 6,3% frá áramót-
um. Hagar og Festi hækkuðu um
12,3% og 8,7% í júlí. Gengi bréfa í
Högum hefur hækkað um 5,2% frá
áramótum á meðan Festi stendur í
stað. Síldarvinnslan hækkaði um
tæp 10% í júlí, eftir að tilkynnt var
um kaup félagsins á útgerðarfélag-
inu Vísi í Grindavík. Síldarvinnslan
hefur þó aðeins hækkað um 3% frá
áramótum en aftur á móti um 55% á
einu ári. Hin sjávarútvegsfélögin í
Kauphöllinni, Iceland Seafood og
Brim hækkuðu um 3,1% og 2,3% í
júlí. Gengi þeirra er þó ólíkt þegar
horft er lengra aftur, því Iceland
Seafood hefur lækkað um 33,5% frá
áramótum og 41% á einu ári á meðan
Brim hefur hækkaði um 14% frá
áramótum og 58% á einu ári.
Síminn og Nova lækka
Gengi bréfa í fjarskiptafélögunum
er einnig nokkuð misjafnt. Sýn
hækkaði um rúm 12% í júlí en stend-
ur nokkurn veginn í stað frá áramót-
um. Félagið hefur þó hækkað um
tæp 63% á einu ári. Síminn og Nova,
sem ásamt Regin voru einu félögin
sem lækkuðu í júlí. Síminn hefur
lækkað um 4,2% frá áramótum en
félagið tók dýfu niður á við um miðj-
an júlí þegar í ljós kom að Sam-
keppniseftirlitið setti sig upp á móti
kaupum franska fjárfestingasjóðsins
Ardian á dótturfélagi Símans, Mílu,
sem setti viðskiptin í uppnám. Nova
var skráð á markað að loknu útboði í
júní en gengi bréfa í félaginu hefur
leitað nokkuð niður á við frá skrán-
ingu. Nova hefur á þessum tæpa
eina og hálfa mánuði lækkað um
rúm 10% frá útboðsgengi.
Ölgerðin var sömuleiðis skráð á
markað að loknu útboði í byrjun júní
en félagið hefur frá þeim tíma hækk-
að um 14,6%. Marel hefur hins vegar
átt erfitt uppdráttar á hlutabréfa-
markaði að undanförnu. Félagið
hækkaði um 2% í júlí en hefur lækk-
að um 31,8% frá áramótum og um
36,2% á einu ári.
Hlutabréfamarkaðurinn
rétti aðeins úr kútnum í júlí
Morgunblaðið/Sigurður Bogi
Flug Gengi bréfa í Icelandair hefur verið á uppleið á liðnum vikum.
Hlutabréf
» Ytri aðstæður hafa haft mik-
il áhrif á gengi Icelandair
» Eimskip hefur verið á sigl-
ingu
» Þróun fjarskiptafélaga hefur
verið ólík – sem og sjáv-
arútvegsfélaga
» Ölgerðin hefur hækkað frá
skráningu í sumar en Nova
lækkað
» Marel hefur lækkað um
þriðjung frá áramótum
- Icelandair og Eimskip hækkuðu mikið í júlí - Ólíkt gengi félaga innan sömu geira
30 FRÉTTIR
Viðskipti | Atvinnulíf
MORGUNBLAÐIÐ FIMMTUDAGUR 4. ÁGÚST 2022
Fiskislóð • Bíldshöfði • Smáratorg • Helluhraun • Baldursnes
www.gaeludyr.is
Njótið
sumarsins
4. ágúst 2022
Gjaldmiðill Gengi
Dollari 136.25
Sterlingspund 166.5
Kanadadalur 105.93
Dönsk króna 18.715
Norsk króna 14.027
Sænsk króna 13.395
Svissn. franki 142.96
Japanskt jen 1.0403
SDR 180.43
Evra 139.3
Meðalgengi/Viðskiptavog þröng 172.0267
« Úrskurðarnefnd um upplýsingamál
hefur staðfest ákvörðun fjarskiptasjóðs
frá því í október í fyrra um að synja
fjarskiptafélaginu Sýn um aðgang að
gögnum úr botnrannsókn sem gerð
var fyrir lagningu fjarskiptastrengs milli
Íslands og Írlands.
Málið á rætur sínar að rekja til þess
að fjarskiptasjóður hafði, fyrir hönd ís-
lenska ríkisins, samið við ríkisfyrirtækið
Farice um að framkvæma botnrann-
sókn til að undirbúa lagningu nýs sæ-
strengs milli Íslands og Evrópu (Ír-
lands). Rannsókninni lauk í ágúst 2021
en í samningi um framkvæmd hennar
kemur fram að niðurstöður hennar yrðu
eign fjarskiptasjóðs en ekki Farice.
Sýn, sem lengi hefur sýnt því áhuga
að leggja fjarskiptastreng á milli Íslands
og Evrópu, óskaði eftir gögnum úr
rannsókninni þar sem þau gögn væru í
opinberri eigu. Fjarskiptasjóður bar þá
beiðni undir Farice sem lagðist gegn
því að Sýn fengi aðgang að niðurstöð-
unum, eins og greint var frá í ítarlegri
úttekt í ViðskiptaMogga í júní sl.
Þá hefur fjarskiptasjóður einnig vísað
til þess að niðurstöður rannsóknarinnar
varði þjóðaröryggismál. Úrskurðar-
nefnd um upplýsingamál fellst á það
með fjarskiptasjóði að mikilvægir
öryggishagsmunir íslenska ríkisins
geti staðið til þess að leynd ríki um þau
gögn sem safnað var með botnrann-
sókninni. Því telur nefndin að fjar-
skiptasjóði hafi verið heimilt að synja
Sýn um aðgang að gögnum úr rann-
sókninni.
Sýn fær ekki aðgang að
gögnum úr botnrannsókn
STUTT
Ferðaþjónustan hefur verið á góðri
siglingu undanfarna mánuði. Aðilar á
markaði telja að sumarið hafi verið
sambærilegt því sem sást hér fyrir
faraldurinn, árin 2018 og 2019. Óvíst
er þó hvernig haustið og veturinn
verði en samkomutakmarkanir í Asíu
gætu vegið þungt þar sem Asíubúar
sóttu landið mikið heim veturna fyrir
faraldurinn.
Sumt mætti bæta
Gréta María Grétarsdóttir, for-
stjóri Arctic Adventures, segir sum-
arið hafa gengið mjög vel en auðvitað
mætti sumt bæta. Nefnir hún þar
helst að fjölga mætti gistirýmum úti á
landi og bæta aðgengi að rútum.
Hvernig er bókunarstaðan inn í
haustið?
„Bókunarfyrirvarinn er styttri en
hann var fyrir faraldurinn en bókun-
arstaðan fyrir næstu mánuði er fín.
Svo eru líka þjóðir sem voru sterkar
eins og frá Asíu sem voru að koma á
veturna en við erum ekki að gera ráð
fyrir þeim í vetur. Því má gera ráð
fyrir að veturinn verði ekki alveg jafn
góður eins og fyrir faraldurinn. En
annars er almennt mikill ferðavilji,
svo erum við að vona að önnur þjóð-
erni komi sterk inn í vetur,“ segir
hún.
Stefna ekki á markað í ár
Gréta segir að vegna skorts á bíla-
leigubílum haldi ferðamenn sig frek-
ar í höfuðborginni eða fari í dagsferð-
ir út á land. Annars sé það almennt
svo að ferðamenn sem komi á sumrin
leigi sér bíl og skoði landið.
„Við erum með mikið af ferðum
sem ferðamaðurinn vill sjá, eins og ís-
göngin á Langjökli, snorkl í Silfru eða
jöklagöngur. Fólk vill fara í
ævintýraferðir og búa til minningar,“
segir hún og bætir við: „Þetta er
ennþá ung grein og hún á eftir á
þróast. Það er hellingur sem við
eigum inni, við erum rétt að byrja.“
Spurð um hvort Arctic Adventures
stefni á markað í ár svarar Gréta því
neitandi og segir fyrirtækið stefna á
markað á næsta ári. logis@mbl.is
Morgunblaðið/Kristinn Magnússon
Ferðir Vel hefur gengið í sumar.
Ferðaþjónustan
eigi helling inni
- Sambærileg staða nú og fyrir faraldur