Morgunblaðið - 21.09.2022, Blaðsíða 6

6 FRÉTTIR
Innlent
MORGUNBLAÐIÐ MIÐVIKUDAGUR 21. SEPTEMBER 2022
Vinnuflokkur ÍAV er um þessar
mundir að undirbúa skjólgarð við
höfnina á Brjánslæk á Barðaströnd.
Innan á garðinum mun svo koma
flotbryggja fyrir smábáta. Grjót-
garðurinn verður byggður í haust
og vetur en flotbryggjan sett niður
næsta vor, samkvæmt upplýsingum
frá Vegagerðinni.
Í verkefni þessu er útlögn á
grjóti og kjarna úr námu og af lag-
er samtals um 27 þúsund rúmmetr-
ar. Þá er allmikið af efni tekið upp
á staðnum og því endurraðað. ÍAV
sinnir verkinu samkvæmt útboði og
fær fyrir 115 milljónir króna.
„Að þessari framkvæmd er mikil
bót,“ segir Elfar Steinn Karlsson,
byggingafulltrúi og hafnarstjóri í
Vesturbyggð. Í framtíðinni segir
hann að hægt verði að tryggja við-
legu smábáta á Brjánslæk árið um
kring. Í dag geti þeir ekki legið við
á þessum stað nema á sumrin, því
vegna aðstöðuleysis þurfi flot-
bryggjuna yfir veturinn. Nokkur
útgerð er frá Brjánslæk; smábátar
sem eru á grásleppu og strandveið-
um. sbs@mbl.is
Smábátaaðstaðan bætt í höfninni á Brjánslæk á Barðaströnd
Flotbryggja
verður var
í veðrunum
Morgunblaðið/Sigurður Bogi
Ragnheiður Birgisdóttir
ragnheidurb@mbl.is
Áform eru um að gera breytingar á
gatnamótum Hofsvallagötu og
Hringbrautar í Reykjavík en mikil
óánægja ríkir meðal íbúa um hvernig
staðið hefur verið að málinu.
Vegagerðin vill ráðast í fram-
kvæmdir til þess að auka umferðar-
öryggi og felast þær meðal annars í
því að malbika upp á nýtt, stækka
miðeyjur og bæta lýsingu. Bílastæði
næst gatnamótunum verði aflögð,
annars vegar til að gefa gangandi
meira rými og hins vegar til að
lengja vinstribeygjuvasa fyrir um-
ferð sem ekur vestur Hringbraut og
beygir suður Hofsvallagötu.
Íbúar við gatnamótin eru margir
ósáttir við að missa bílastæðin og
hafa áhyggjur af því að hætta skap-
ist við að umferðin verði færð nær
íbúðarhúsunum við götuna.
Þá ríkir mikil óánægja meðal íbúa
með það hvernig staðið var að kynn-
ingu á framkvæmdum við gatnamót-
in. Kynningarbréf um málið barst
aðeins sumum íbúum og þótti bréfið
þess utan afar torskilið. Þar hafi auk
þess ekkert verið minnst á að leggja
ætti af bílastæði næst gatnamótun-
um.
Þá hafa íbúar við gatnamótin tekið
eftir því að framkvæmdir við um-
ferðarljós á gatnamótunum eru
hafnar og þykir það merki um að
ekki standi til að hlusta á íbúa, sem
samkvæmt kynningarbréfi höfðu
frest til 21. september til þess að
skila inn athugasemdum. Undir-
skriftum hefur verið safnað í húsa-
lengjunni Hringbraut 52-58 og and-
mælum skilað til borgarinnar.
Í svörum Vegargerðarinnar og
Reykjavíkurborgar kemur hins veg-
ar fram að breytingar á umferðar-
ljósunum séu framkvæmd sem sé
óháð frekari framkvæmdum við
gatnamótin.
Hringbraut er skilgreind sem
þjóðvegur í þéttbýli og er þess vegna
á vegum Vegagerðarinnar en ekki
Reykjavíkurborgar. Katrín Hall-
dórsdóttir hjá Vegagerðinni segir þó
að Vegagerðin verði að fá fram-
kvæmdaleyfi frá borginni og eftir því
sé enn beðið. Það sé því ekki þannig
að ráðast eigi í þessar framkvæmdir
áður en borgin hafi séð um að kynna
umsóknina um framkvæmdaleyfi
fyrir íbúum með grenndarkynningu.
Guðbjörg Lilja Erlendsdóttir,
yfirverkfræðingur skipulagsmála
hjá Reykjavíkurborg, segist vel
skilja óánægju íbúa en að bílastæðin
verði samt sem áður aflögð vegna
þess að umferðaröryggi skipti meira
máli en hagsmunir einstakra íbúa.
Framkvæmdir eigi þó ekki að hefj-
ast fyrr en þær hafi verið kynntar
fyrir íbúum og samráð haft við þá.
Deilt um framtíð gatnamóta
Morgunblaðið/Óttar Geirsson
Framkvæmdir Óánægja ríkir um hvernig staðið var að grenndarkynningu á framkvæmdum við gatnamótin.
- Áform eru um breytingar á gatnamótum Hringbrautar og Hofsvallagötu - Vegagerðin bíður fram-
kvæmdaleyfis - Íbúar mótfallnir hugmyndum og óánægðir með hvernig staðið var að kynningu
Líney Sigurðardóttir
Þórshöfn
Síldarvertíðin er nú komin í fullan
gang hjá Ísfélagi Vestmannaeyja á
Þórshöfn. Siggeir Stefánsson,
framleiðslustjóri Ísfélagsins á
Þórshöfn, greindi frá því helsta í
vinnslunni.
Heimaey landaði síðasta makríl-
farminum að sinni á laugardaginn
og var einnig með síld. Makríllinn
veiddist í Síldarsmugunni og skipið
endaði ferðina með því að taka tvö
hol af norsk-íslenskri síld út af
Glettingi. Síldin sem er verið að
veiða núna er aðallega norsk-
íslensk síld en einnig er hluti henn-
ar íslensk sumargotssíld. Sigurður
VE og Suðurey VE höfðu áður
landað síld á Þórshöfn.
Undanfarin tvö ár hefur síldin
haldið sig út af Austfjörðum fram á
vetur sem hefur auðveldað veið-
arnar til mikilla muna, bæði hefur
verið góð veiði og stutt að fara en
það er um sjö stunda stím til Þórs-
hafnar. Það lítur út fyrir að síldin
ætli að halda sig á sömu slóðum í
ár og síðustu árin. Síldin er stór og
falleg og hæf til manneldis, norsk-
íslenska síldin er stærri en sú ís-
lenska. Skólafólki sem starfar á
vertíðinni byrjaði að fækka um og
upp úr 20. ágúst og í byrjun sept-
ember voru þau öll farin en sum
þeirra koma heim um helgar til að
vinna í makríl eða síld ef þannig
stendur á. Í stað þeirra hefur er-
lendu starfsfólki fjölgað en illa
gengur að manna vertíðir eingöngu
með innlendu starfsfólki.
Ísfélag Vestmannaeyja er að-
allega að framleiða núna heila síld
og roðlaus síldarflök. Makríl- og
síldarafurðir eru seldar aðallega
inn á lönd í Austur-Evrópu eins og
Pólland, Úkraínu, Hvíta-Rússland
og fleiri. Stríðið sem geisar núna í
Úkraínu hefur mikil áhrif á sölu-
málin á marga vegu og óljóst
hvernig þau mál munu þróast
næstu mánuði. Stríðið hefur bæði
bein og óbein áhrif mjög víða, þar á
meðal rekstrarkostnað fyrirtækja
á þessu svæði vegna mikilla hækk-
ana á öllum aðföngum og einnig
minnkandi kaupgetu hjá almenn-
ingi á þessum svæðum.
Góður gangur á síldarvertíðinni
Morgunblaðið/Líney
Síld landað Uppsjávarskipin Sigurður VE-15 og Heimaey VE-1 lönduðu bæði síld á Þórshöfn í síðustu viku.