Morgunblaðið - 21.09.2022, Blaðsíða 10

10 FRÉTTIR
Innlent
MORGUNBLAÐIÐ MIÐVIKUDAGUR 21. SEPTEMBER 2022
AGM
ra ey
Rvk •
Tr fagleg Ve
ra ey
ELTAK sérhæfir sig
í sölu og þjónustu
á vogum
Bjóðum MESTA úrval
á Íslandi af smáum
og stórum vogum
Kristinn Jónsson,
prentari og fyrrverandi
formaður Knattspyrnu-
félags Reykjavíkur, lést
á Landspítalanum á
mánudaginn, 81 árs að
aldri. Kristinn fæddist
22. nóvember 1940 í
Reykjavík, foreldrar
hans voru Jón Jóhannes
Veturliðason mat-
reiðslumaður og María
Bóthildur Jakobína
Eyjólfsdóttir.
Kristinn hóf nám í Félagsprent-
smiðjunni 1957 og lauk sveinsprófi
1961. Hann starfaði í Félagsprent-
smiðjunni til 1966, en flutti sig þá til
Plastprents. Árið 1970 stofnaði
Kristinn eigið fyrirtæki, Form-
prent, og stýrði því allar götur síð-
an.
Kristinn lék knattspyrnu með
meistaraflokki KR á gullaldarárum
félagsins og hóf meistaraflokksferil
sinn sumarið 1959. Hann lék 81 leik
fyrir félagið og varð Íslandsmeist-
ari með KR 1965 og bikarmeistari
1962, 1964, 1966 og
1967.
Kristinn sinnti félag-
inu af alúð alla tíð.
Hann var formaður
knattspyrnudeildar KR
árin 1976-1980. Árið
1991 varð hann formað-
ur félagsins og gegndi
því starfi allt til ársins
2003. Kristinn var
sæmdur gullstjörnu
KR 1999 og var síðar
gerður að heiðurs-
félaga. Kristinn vann einnig ómet-
anlegt starf fyrir íslenska knatt-
spyrnuhreyfingu og hlaut hann
silfurmerki KSÍ árið 1987 og gull-
merki þess árið 1992.
Kristinn var ætíð mikill sjálf-
stæðismaður og sinnti ýmsum
störfum innan flokksins.
Eiginkona Kristins er Björk
Aðalsteinsdóttir. Börn þeirra eru
Jón Aðalsteinn, Guðný Hildur,
Hilmar Þór og Arna Björk. Barna-
börn þeirra eru átta talsins og
barnabarnabörn fimm.
Andlát
Kristinn Jónsson
„Þegar beiðnir um breytingar á
samþykktum berast ráðuneytinu er
það verklag viðhaft að leitað er um-
sagnar Fjármálaeftirlitsins, sem nú
er orðið hluti af Seðlabankanum.
Hafi eftirlitið athugasemdir er við-
komandi lífeyrissjóði boðið að tjá
sig um þær áður en ráðuneytið tek-
ur ákvörðun. Þetta ferli getur í
sumum tilvikum dregist á langinn
af ólíkum ástæðum. Þessi vinna
stendur enn yfir í tilviki viðkom-
andi lífeyrissjóðs,“ segir í svari
fjármála- og efnahagsráðuneytisins
við fyrirspurn Morgunblaðsins.
Hún var um hvers vegna stjórn-
völd hafi ekki enn samþykkt breyt-
ingar á lífeyrisréttindum sameign-
ardeildar Lífeyrissjóðs verslunar-
manna (LIVE) sem ætlunin var að
tækju gildi í þessum mánuði.
Þær varða aðlögun réttinda-
kerfis sameignardeildar að hækk-
andi lífaldri sjóðfélaga, aukna
tryggingarvernd þeirra og aukinn
sveigjanleika við lífeyristöku,
ásamt hækkun á réttindum vegna
góðrar stöðu sjóðsins. gudni@mbl.is
Réttindabreytingar
LIVE enn í skoðun
Morgunblaðið/Kristinn
LIVE Vill auka réttindi sjóðfélaga sinna.
Helgi Bjarnason
helgi@mbl.is
Örnefnanefnd telur nöfnin Þórsnes-
þing, Stykkishólmsbæ og Sveitarfé-
lagið Stykkishólm, fyrir sameiginlegt
sveitarfélag Stykkishólms og Helga-
fellssveitar, falla best að nafngifta-
hefð í landinu. Nefndin telur einnig
koma til greina að kenna sveitarfé-
lagið við Helgafell en að ekki fari vel
á því að nota eftirliðinn sveit í því
sambandi. Nefndin leggst gegn öðr-
um tillögum. Umsögnin og tillög-
urnar verða lögð fyrir íbúaþing áður
en sveitarstjórn tekur ákvörðun.
Fjöldi tillagna barst þegar íbúum
var gefinn kostur á að stinga upp á
nöfnum. Sveitarstjórn valdi átta til-
lögur og óskaði umsagnar örnefna-
nefndar um þær, eins og skylt er. Ör-
nefnanefnd mælir með Þórsnesþingi,
meðal annars með vísan til þess að
það er vel þekkt og rótgróið örnefni
sem vísar til svæðis í hinu sameinaða
sveitarfélagi og að nafnið Þórsnes-
þing hafi miklsverða sögulega skír-
skotun. Nefndin telur vel fara á því
að kenna sveitarfélagið við Stykk-
ishólm sem er rótgróið örnefni í
sveitarfélaginu og landsþekkt og
mælir því með nöfnunum Stykkis-
hólmsbær og Sveitarfélagið Stykk-
ishólmur.
Örnefnanefnd mælir ekki með
nafninu Helgafellssveit. Telur ekkert
því til fyrirstöðu að kenna sveitarfé-
lagið við Helgafell sem er rótgróið og
vel þekkt örnefni í sveitarfélaginu. Á
hinn bóginn sé eftirliðurinn sveit
ekki lýsandi fyrir byggðarmynstrið.
Nefndin leggst beinlínis gegn
nafninu Stykkishólmsbær og Helga-
fellssveit, nafninu sem notað hefur
verið frá því sveitarfélögin samein-
uðust eftir kosningarnar í vor. Þá er
hún einnig mótfallin styttri útgáfunni
sem er Stykkishólmur og Helga-
fellssveit. Rökin eru meðal annars
þau að sveitarfélagið muni þá heita
tveimur nöfnum og nafngiftin sé
óþjál og þung í vöfum. Einnig leggst
nefndin gegn nöfnunum Breiðafjarð-
arbær og Breiðafjarðarbyggð með
þeim rökum að nýsameinað sveitar-
félag nái aðeins yfir lítinn hluta
byggðar við Breiðafjörð og örnefnið
því ekki vel til þess fallið að einkenna
það.
Lagt fyrir fund íbúa
Næstu skref sveitarfélagsins eru,
samkvæmt upplýsingum Jakobs
Björgvins Jakobssonar bæjarstjóra,
að boða til íbúafundar til þess að
kynna fyrirliggjandi umsögn og
ræða málið þannig nánar við íbúana.
Segir hann það í anda þess þátttöku-
lýðræðis sem lögð hafi verið áhersla
á að vinna eftir í þessu máli. Málið
kemur að lokum til sveitarstjórnar
sem tekur lokaákvörðun um nafn-
giftina.
Mælt með Þórsnesþingi eða Stykkishólmi
- Örnefnanefnd leggst gegn nafninu Helgafellssveit og Stykkishólmsbæ og tengingu við Breiðafjörð
Morgunblaðið/Sigurður Bogi
Stykkishólmur Bærinn stendur vissulega við Breiðafjörð en örnefnanefnd
telur fleiri þurfi að vera með til þess að hægt sé að nota heiti í þeim anda.
Endurupptökudómur hefur hafnað
beiðni Erlu Bolladóttur um endur-
upptöku á dómi Hæstaréttar frá
árinu 1980. Þá var Erla dæmd í
þriggja ára fangelsi fyrir fjársvik og
rangar sakargiftir á hendur Magnúsi
Leópoldssyni, Einari Gunnari Bolla-
syni, Valdimar Olsen og Sigurbirni
Eiríkssyni um að þeir hefðu átt hlut í
dauða Geirfinns Einarssonar, sem
leiddi til þess að þeim var gert að
sæta langvinnu gæsluvarðhaldi í
þágu rannsóknar Geirfinnsmálsins
svonefnda.
Engin ný gögn
Ekki var óskað endurupptöku á
dómi Hæstaréttar að því er tekur til
fjársvika og tengdra brota. Endur-
upptökudómur segir, í úrskurði sín-
um, að ekki verði fallist á að komið
hafi fram ný gögn eða upplýsingar,
sem ætla megi að hefðu verulega
miklu skipt fyrir
niðurstöðu máls
Erlu, ef gögnin
eða upplýsing-
arnar hefðu kom-
ið fram áður en
dómur gekk.
Þá er ekki fall-
ist á að ætla megi
að lögregla,
ákærandi, dóm-
ari eða aðrir hafi
haft í frammi refsiverða háttsemi í
því skyni að fá fram þau málalok
sem orðin eru, svo sem ef vitni eða
aðrir hafa vísvitandi borið ranglega
fyrir dómi eða fölsuð skjöl verið lögð
fram og það hefur valdið rangri nið-
urstöðu málsins. Ekki er heldur fall-
ist á að verulegar líkur hafi verið
leiddar að því að sönnunargögn, sem
færð voru fram í máli Erlu, hafi ver-
ið rangt metin svo að áhrif hafi haft á
niðurstöðu þess. Loks er því hafnað
að verulegir gallar hafi verið á með-
ferð málsins þannig að áhrif hafi haft
á niðurstöðu þess.
Var það niðurstaða Endurupp-
tökudómsins að hafna beiðininni,
sem fyrr segir, og er Erlu jafnframt
gert að greiða þriggja milljóna kr.
þóknun skipaðs verjanda síns.
Í ágúst 2018 sýknaði Hæstiréttur
þá Sævar Marinó Ciesielski, Krist-
ján Viðar Viðarsson, Tryggva Þór
Leifsson, Guðjón Skarphéðinsson og
Albert Klahn Skaptason af þeim
ákæruatriðum í málinu er lutu að því
að hafa orðið Guðmundi Einarssyni
og eða Geirfinni Einarssyni að bana
eða að hafa átt þátt í að tálma rann-
sókn málanna.
Í Endurupptökudómi sátu Aðal-
steinn E. Jónasson, Eyvindur G.
Gunnarsson og Jóhannes Karl
Sveinsson.
Beiðni Erlu Bolladóttur
um endurupptöku hafnað
- Engin ný gögn talin komin fram að mati Endurupptökudóms
Erla
Bolladóttir