Morgunblaðið - 21.09.2022, Blaðsíða 22

Gísli Þorgeir Kristjánsson, leikstjórnandi
Magdeburg í Þýskalandi og íslenska lands-
liðsins í handknattleik, er klár í slaginn á nýj-
an leik eftir að hafa meiðst á hné um nýliðna
helgi. Þetta tilkynnti þýska félagið á heima-
síðu sinni í gær en Gísli Þorgeir meiddist á
hægra hné í leik Göppingen og Magdeburgar
á sunnudaginn síðasta. Hann gekkst undir
rannsóknir og að þeim loknum varð ljóst að
meiðslin væru ekki eins alvarleg og óttast var
í fyrstu.
„Eftir frekari rannsóknir er ljóst að leik-
maðurinn er ekki alvarlega meiddur og hann
verður væntanlega klár um næstu helgi,“
segir í tilkynningu félagsins.
Betur fór en á
horfðist hjá Gísla
Ljósmynd/Magdeburg
Jákvætt Meiðsli Gísla Þorgeirs Kristjáns-
sonar eru ekki eins alvarleg og óttast var.
22 ÍÞRÓTTIR
MORGUNBLAÐIÐ MIÐVIKUDAGUR 21. SEPTEMBER 2022
Meistaradeild kvenna
2. umferð, fyrri leikir:
Köge – Juventus ...................................... 1:1
- Sara Björk Gunnarsdóttir lék ekki með
Juventus, þar sem hún meiddist í upphitun.
Real Sociedad – Bayern München......... 0:1
- Glódís Perla Viggósdóttir lék allan leik-
inn með Bayern München og var fyrirliði.
Karólína Lea Vilhjálmsdóttir og Cecilía
Rán Rúnarsdóttir léku ekki með Bayern
vegna meiðsla.
>;(//24)3;(
Svíþjóð
Helsingborg – Önnered ...................... 27:29
- Ásgeir Snær Vignisson skoraði ekki fyr-
ir Helsingborg.
E(;R&:=/D
Subway-deild kvenna
Valur – Breiðablik ................................ 84:46
Staðan:
Valur 1 1 0 84:46 2
Fjölnir 0 0 0 0:0 0
Grindavík 0 0 0 0:0 0
Haukar 0 0 0 0:0 0
ÍR 0 0 0 0:0 0
Keflavík 0 0 0 0:0 0
Njarðvík 0 0 0 0:0 0
Breiðablik 1 0 1 46:84 0
>73G,&:=/D
Sigþóra Brynja Kristjánsdóttir náði
frábærum árangri í hálfmaraþoni í
Kaupmannhafnaramaraþoninu sem
fram fór í Danmörku um nýliðna
helgi. Sigþóra Brynja kom í mark á
tímanum 1:19,13 sem er fjórði besti
tími íslenskrar konu í greininni frá
upphafi.
Andrea Kolbeinsdóttir á Íslands-
metið í greininni en hún kom í
mark á tímanum 1:17,52 í október
árið 2020.
Íris Anna Skúladóttir og Íris
Dóra Snorradóttir tóku einnig þátt
í Kaupmannahafnarmaraþoninu en
Íris Anna kom í mark á tímanum
1:19,22 og Íris Dóra á tímanum
1:21,01.
Fjórði besti
tíminn
KNATTSPYRNA
Meistaradeildin, 2. umferð, fyrri leikur:
Origo-völlur: Valur – Slavia Prag ............ 17
KÖRFUKNATTLEIKUR
Úrvalsdeild kvenna, Subway-deildin:
HS Orku-höll: Grindavík – Fjölnir ..... 18.15
Ásvellir: Haukar – ÍR........................... 19.15
Blue-höll: Keflavík – Njarðvík ............ 20.15
Í KVÖLD!
Sara Björk Gunnarsdóttir átti að vera
í byrjunarliði Juventus er liðið gerði
1:1-jafntefli við Køge, topplið dönsku
úrvalsdeildarinnar, á útivelli í fyrri
leik liðanna í 2. umferð Meist-
aradeildar Evrópu í fótbolta í gær-
kvöldi. Sara meiddist hins vegar í
upphitun og var því ekki með ítalska
stórliðinu. Madalyn Ann Pokorny
kom Køge yfir strax á áttundu mínútu
en Amanda Nildén jafnaði fyrir Ju-
ventus á 21. mínútu. Sigurliðið úr ein-
víginu fer í riðlakeppni Meistaradeild-
arinnar. Seinni leikurinn fer fram í
Tórínó næstkomandi miðvikudag.
Sara meiddist í
upphitun
Morgunblaðið/Eggert
Meidd Sara Björk Gunnarsdóttir meiddist í upphitun
fyrir leik Juventus og Köge í Meistaradeildinni.
JAMAÍKA
Bjarni Helgason
bjarnih@mbl.is
Knattspyrnuþjálfarinn Heimir Hall-
grímsson á mjög góðar minningar
frá Jamaíku eftir að hafa eytt sum-
arfríi sínu á eyjunni fyrir tíu árum
síðan ásamt eiginkonu sinni, Írisi
Sæmundsdóttur.
Heimir var ráðinn landsliðsþjálf-
ari karlaliðs Jamaíku á föstudaginn
síðasta og skrifaði hann undir fjög-
urra ára samning við jamaíska
knattspyrnusambandið.
Þjálfarinn hefur verið án starfs
síðan hann lét af störfum hjá efstu-
deildarliði Al-Arabi í Katar í maí á
síðasta ári en hann stýrði áður ís-
lenska karlalandsliðinu.
Hann var aðstoðarþjálfari Lars
Lagerbäck með karlalandsliðið frá
2011 til 2013 áður en hann og Lag-
erbäck stýrðu liðinu saman fram yfir
Evrópumótið í Frakklandi árið 2016.
Heimir stýrði liðinu svo einn eftir
það en lét af störfum eftir heims-
meistaramótið í Rússlandi árið 2018.
Þá hefur hann einnig þjálfað karla-
og kvennalið ÍBV á þjálfaraferlinum.
„Aðdragandinn var ansi stuttur
og eftir að forráðamenn jamaíska
knattspyrnusambandsins höfðu
fyrst samband við mig gerðust hlut-
irnir hratt,“ sagði Heimir í samtali
við Morgunblaðið.
„Allar viðræður fóru nánast fram
án umboðsmanna og þremur dögum
eftir að ég fór í formlegar samninga-
viðræður við knattspyrnusambandið
þá var ég búinn að skrifa undir
samning við þá. Það er stutt í næsta
leik hjá þeim og það voru allir sam-
mála því, sem að viðræðunum komu,
að klára þetta sem fyrst.“
Mikið rúm fyrir bætingu
Gengi liðsins á vellinum hefur
ekki verið upp á marga fiska síðustu
ár og það verður því áskorun fyrir
þjálfarann að snúa því við.
„Ég hef eytt smá tíma á Jamaíku í
gegnum tíðina og við konan mín fór-
um í sumarfrí hingað árið 2012.
Þetta var mjög gott frí í alla staði og
ég á því góðar minngar héðan. Þegar
að ég heyrði fyrst af áhuga þeirra
fór ég að skoða landsliðið og gengi
liðsins undanfarin ár. Gengið hefur
ekki verið neitt sérstaklea gott,
þrátt fyrir að liðið hafi spilað marga
leiki síðustu ár. Þetta eru um fimm
sigrar hjá liðinu í 40-50 leikjum og
ég sá það því strax að það var mikið
rúm fyrir bætingu.
Jamaíka á marga mjög góða
knattspyrnumenn og þetta eru flest-
allt leikmenn sem spila í sterkum
deildum sem mér fannst mjög
spennandi. Það hefur líka verið
ákveðin ólga í kringum knattspyrnu-
sambandið hérna og umræðan hefur
verið helst til neikvæð. Mér fannst
þetta því mjög spennandi verkefni
og ég var ekki lengi að slá til.“
Brunað út í sveit
Heimir var kynntur sem nýr
landsliðsþjálfari Jamaíku á föstu-
daginn en strax á þriðjudaginn byrj-
uðu að berast fréttir af því að hann
væri að taka við liðinu.
„Þeir sem stjórna knattspyrnu-
sambandinu hérna úti vissu að ég
myndi ekki fá mikinn frið frá fjöl-
miðlum ef fólk vissi almennt að ég
væri kominn til landsins. Um leið og
ég kom var mér því kippt beint upp í
bíl og það var bara brunað út úr
bænum og upp í sveit. Ég hef dvalið í
lítilli íbúð fyrir utan höfuðborgina
þar sem ég hef fengið algjöran frið
frá öllu og ég hef nýtt tímann vel í að
koma mér af stað í þeirri vinnu sem
fram undan er.
Ég sá það strax á fyrsta blaða-
mannafundinum, þar sem ég var
kynntur til leiks, að það er mjög erf-
itt að ætla stjórna aðstæðum hérna.
Menn eru mikið að berjast fyrir sínu
og sínum miðli. Þetta er allt öðruvísi
umhverfi en heima á Íslandi og ég
get alveg viðurkennt það að ég var
aðeins með í maganum á þessum
fyrsta fundi mínum með fjölmiðlum.
Þetta var mjög eftirminnilegur
fundur og flestar spurningarnar sem
ég fékk voru á þá leið hvað ég ætlaði
mér að gera sem landsliðsþjálfari.“
Vanir ákveðinni umgjörð
Þjálfarinn hefur úr öflugum leik-
mönnum að velja en þar ber eflaust
hæst að nefna Michail Antonio,
framherja West Ham, Leon Bailey,
sóknarmann Aston Villa, og Bobby
Reid, sóknarmann Fulham.
„Ég hef ekki miklar áhyggjur af
hugarfari leikmannanna. Mesta
áskorunin hjá mér verður að búa til
umgjörð fyrir leikmennina sem er á
pari við þá umgjörð sem þeir eru
vanir hjá sínum félagsliðum. Þetta
eru stórir leikmenn sem leika með
stórum atvinnumannaliðum. Þeir
eru vanir ákveðnum hlutum hjá sín-
um félögum og það er undir okkur
komið að búa til sama umhverfi fyrir
þá þegar að þeir mæta í landsliðs-
verkefni.
Ég tek svo tvo þjálfara með mér,
Svíann John Erik Wall sem verður
annar af aðstoðarþjálfurum mínum
og svo Guðmund Hreiðarsson mark-
mannsþjálfara. Gummi er hæfasti
markmannsþjálfari sem ég hef
kynnst og hann er góð manneskja
líka. Hann er líka búinn að vinna
mikið í þjálfaramenntun í gegnum
UEFA sem mun nýtast jamaíska
sambandinu vel. Sömu sögu er að
segja af Wall sem er mjög vel að sér
í tæknimálum tengdum fótboltanum
sem mun líka nýtast vel því mark-
miðið er að reyna að efla þjálfara-
menntun hérna úti.“
Enginn óskamótherji
Það er lítið framundan hjá jama-
íska liðinu á næstunni, að und-
anskildum vináttulandsleik gegn
Argentínu í næstu viku í New York í
Bandaríkjunum.
„Það er vináttulandsleikur fram-
undan hjá okkur og ég get alveg sagt
þér það að ef ég hefði fengið að velja
mér óskamótherja í fyrsta verkefn-
inu mínu þá hefði það ekki verið
Argentína. Við horfum samt á þetta
með jákvæðum augum og það er
klárt mál að þeir munu sýna okkur
alla okkur veikleika. Þetta er líka
gott verkefni upp á einbeitingu leik-
manna og sjá hvar þeir standa þar.
Næsta verkefni er svo ekki fyrr
en í mars á næsta ári, allavega eins
og staðan er í dag. Ég á því von á því
að ég fari heim til Íslands eftir Arg-
entínuleikinn og snúi svo aftur til Ja-
maíku eftir áramót og komi mér al-
mennilega fyrir hér. Mér finnst það
algjörlega nauðsynlegt að nýr þjálf-
ari sé á staðnum og það er í raun
bara lágmarksvirðing ef svo má
segja. Það er mitt hlutverk að kynna
mér fótboltann í landinu og menn-
inguna í kringum hann. Ég þarf að
þekkja fólkið sem ég starfa með og
til þess að kynnast því sem best þarf
ég að vera á staðnum. Vinnan verður
líka mun markvissari þegar maður
er á staðnum.“
Kitlar ótrúlega mikið
Jamaíka er sem stendur í 62. sæti
heimslista FIFA en liðið tók síðast
þátt í lokakeppni HM árið 1998 í
Frakklandi.
„Það kitlar mig ótrúlega mikið að
ná alvöruárangri með þetta lið. Það
er gríðarlega mikill fótbolta- og
íþróttaáhugi hérna á eyjunni. Marg-
ir af bestu spretthlaupurum heims
koma frá Jamaíku og þeir eru vanir
því að ná góðum árangri í íþróttum.
Fótboltinn er mjög stór hérna og
það myndi gleðja fólkið hérna mikið
að ná árangri í fótboltanum líka. Það
væri ótrúlega gaman fyrir mig per-
sónulega að vera þáttakandi í því að
ná árangri með liðið. Það væri vissu-
lega gaman að komast í lokakeppni
HM 2026 og það er eitt markmið.
Það er hins vegar næg vinna fram
undan og við þurfum að bretta upp
ermar og byrja strax,“ bætti Heimir
við.
Myndi gleðja fólkið mik-
ið að ná góðum árangri
- Þjálfarinn Heimir Hallgrímsson skrifaði undir fjögurra ára samning á Jamaíku
Morgunblaðið/Eggert
Jamaíka Heimir Hallgrímsson vonast til þess að leika eftir afrek sín með íslenska karlalandsliðið á Jamaíku.
Röng dagsetning
hjá Akureyringum
Í blaðinu í gær var rangt farið með
þegar sagt var frá Evrópuleikjum
KA/Þórs gegn Gjorche Petrov-
WHC frá Norður-Makedóníu í 2.
umferð Evrópubikars kvenna í
handknattleik. Leikirnir fara fram 7.
og 8. október á Akureyri, ekki 7. og
8. nóvember eins og sagt var í
blaðinu í gær. Beðist er velvirðingar
á mistökunum
LEIÐRÉTT