Morgunblaðið - 21.09.2022, Blaðsíða 24

24 MENNING
MORGUNBLAÐIÐ MIÐVIKUDAGUR 21. SEPTEMBER 2022
vinnuföt fást einnig í
Hágæða
vinnuföt
í miklu úrvali
Sérmerkjum fyrir fyrirtæki
Verkfæri og festingar
HAGI ehf • Stórhöfða 37 • 110 Reykjavík • S. 414 3700 • hagi@hagi.is • hagi.is • Hagi ehf HILTI
Opið: 8-18 virka daga – 10-12 laugardaga
(Í júní – ágúst er lokað á laugardögum)
Mikið úrval af öryggisvörum
Helgi Snær Sigurðsson
helgisnaer@mbl.is
Margrét, fyrsta breiðskífa tónlistar-
mannsins In3dee, kom út fyrir viku
á vegum plötuútgáfunnar Skúla-
götu. Margrét sú sem platan er
kennd við er kónguló, tarantúla
nánar tiltekið af tegundinni Brachy-
pelma hamorii og var hún gæludýr
listamannsins þegar hann bjó í
Berlín en núna í pössun hjá fyrrver-
andi sambýlingi hans.
En best að snúa sér fyrst að tón-
listinni og svo að kóngulónni.
Víða komið við
In3dee heitir réttu nafni Indriði
Örn Ingólfsson og hefur hann verið
iðinn í tónlistarbransanum í um
fimmtán ár, fyrst með þungarokks-
sveitinni MUCK og svo sem
söngvaskáld. Sem slíkt skáld gaf
hann út hljómplöturnar Makril og
Dingding í gegnum Figureight,
plötuútgáfu Shazhads Ismailys, árin
2016 og 2018. Hefur hann verið við-
riðinn ýmis önnur tónlistarverkefni
og starfað sem hljóðfæraleikari á
tónleikaferðalögum og við plötu-
upptökur.
In3dee er enn ein hliðin á Ind-
riða, rafdanstónlistarhliðin, og gaf
hann í fyrra út sitt fyrsta raf-, dans-
og klúbbalag, að eigin sögn, með að-
stoð plötuútgáfu Bjarka Sigurðs-
sonar, bbbbb records. Hófst með
því ferill In3dee. „Ég gaf tvö, þrjú
lög út á safnplötum í fyrra og er að
fara af stað með þetta, er aðeins að
skipta um hlutverk, fara frá því að
vera með gítar og í hljómsveitum og
að syngja yfir í elektróníkina,“ segir
Indriði um In3dee. Nú fær raf-
tónskáldið að skína. „Ég er búinn
að pródúsera raftónlist lengur en
allt hitt, hef alltaf verið með hana í
gangi,“ segir Indriði frá og að í
Covid-faraldrinum hafi raftónlistin
tekið við af annarri tónlist hjá hon-
um þar sem hann var búsettur í
Berlín.
Frá Skúlagötu í Borgartún
Indriði flutti aftur til Íslands fyr-
ir um ári og er í raftónlistarhópnum
Skúlagötu sem hélt einmitt upp á
útgáfu Margrétar og annarrar
plötu, Kúlomb eftir Kraftgalla, fyrir
fáeinum dögum. Indriði segir
Skúlagötu hafa orðið til í hljóðveri
við Skúlagötu en nú er hópurinn
með hljóðver í Borgartúni. „Okkur
langaði að búa til vettvang til að
búa til safnplötur svo þessi tónlist
myndi ekki glatast en svo vatt þetta
upp á sig og við fórum að gefa út
eigin plötur og standa líka að við-
burðum,“ segir Indriði um Skúla-
götu og geta þeir sem vilja kynna
sér tónlist hópins gert það á so-
undcloudsíðu hans.
Nú er danstónlist býsna stórt
mengi og Indriði er beðinn að
þrengja það og lýsa betur hvers
konar danstónlist hann skapar.
„Þetta er mjög hröð og ágeng dans-
tónlist og kannski svona klúbba-
tónlist í agressívari kantinum. Þetta
er mun hraðara en gengur og ger-
ist,“ útskýrir Indriði. Tónlistinni sé
best lýst sem „tilraunakenndri,
hraðri og ágengri rafdanstónlist“.
En er þá erfitt að dansa við þessa
tónlist? „Það finnst mér ekki, alls
ekki. Það er einhver bylgja í dag,
fólk er opnara fyrir svona ágengri
músík á dansgólfinu, t.d. á Húrra og
Bravó,“ svarar Indriði.
Eitt lag plötunnar minnir blaða-
mann á „Born Slippy“ með Under-
world frá árinu 1995, lag sem var
eftirminnilega í kvikmyndinni
Trainspotting. Indriði segir þetta
vel athugað og að finna megi skír-
skotun í tíunda áratuginn með sínu
taktfasta teknói og e-pillum. „Fyrsti
geisladiskurinn sem ég eignaðist
þegar ég var sex ára var með Pro-
digy,“ segir Indriði og því sé tónlist
æskunnar mögulega að skila sér
yfir í þessa raftónlist hans.
Stærri, litríkari og loðnari
Ljósmynd af tarantúlunni Mar-
gréti prýðir umslag plötunnar,
gælukónguló Indriða. Blaðamaður
fær hroll af tilhugsuninni um gælu-
kónguló, hvað þá tarantúlu, enda
afar lítið fyrir kóngulær. Margrét
bjó í hljóðveri Indriða þegar hann
vann að plötunni og dag einn tók
hann eftir því að Margrét hafði
lagst á bakið í búri sínu og var að
hefja hamskipti. Úr hamnum skreið
hún eftir átta klukkustundir og þá
stærri, litríkari og loðnari, eins og
því er lýst í tölvupósti. „Sem mann-
eskja er stundum mikilvægt að hafa
hamskipti. Skilja við eldri arfleifð
sína, hætta að reyna að koma öllum
sínum verkefnum í höfn. Snúa við
þeim bakinu og hefja nýja leit,“ seg-
ir þar og greinilegt að Indriði er að
líkja sínu sköpunarferli við ham-
skiptin.
„Ég tengdi við þessi hamskipti,
að skilja það gamla eftir og vaxa í
nýja hlutverkið. Þetta er bara mynd
sem ég tók á símann minn, þetta er
hún í miðjum hamskiptum,“ segir
Indriði og blaðamaður segir um-
slagið minna á plötu Prodigy, The
Fat of the Land, þar sem vígalegur
krabbi virðist vera í árásarham. Nú
eða í dansstuði. „Það er einmitt
fyrsti geisladiskurinn sem ég eign-
aðist,“ segir Indriði. Hann hafi þó
ekki verið að reyna að líkja eftir því
umslagi, tarantúlan hafi fylgt hon-
um í sköpunarferlinu og síðan skipt
um ham, sem fyrr segir. Þannig hafi
hún smollið við skífuna.
Gæf tarantúla
Indriði segist alltaf hafa haft mik-
inn áhuga á skordýrum og ætlað að
verða skordýrafræðingur þegar
hann var lítill. Að eiga tarantúlu sé
fyrir honum meira vísindalegt
áhugamál en gæludýrahald. Spurð-
ur hvort kóngulóin fái að fara úr
búrinu og ganga um laus, af og til,
segir Indriði að stundum fái hún að
gera það.
Hún er þá vonandi ekki eitruð,
eða hvað? Jú, en bara lítið, svarar
Indriði. Að vera bitinn af Margréti
sé ekki miklu verra en að vera
stunginn af býflugu. Verra sé þó
bitið fyrir þá sem eru með bráðaof-
næmi.
Margrét er sem betur fer ósköp
gæf og hefur ekki bitið eiganda
sinn. Indriði segir þessa tilteknu
tegund, ættaða frá Mexíkó, nokkuð
gæfa en þær asísku öllu árás-
argjarnari. Gott fyrir þá að vita sem
hafa í hyggju að fá sér tarantúlu.
Hlusta má á tónlist In3dee á
Spotify og Soundcloud og mynd-
band við eitt laga plötunnar, „Úti á
túni í helvíti“, má nú sjá á YouTube.
Í blómabeði Tónlistarmaðurinn tók sér listamannsnafnið In3dee og hefur nú gefið út plötuna Margréti.
Margrét Plötuumslagið prýðir
mynd af tarantúlunni Margréti.
Hamskipti eru stundum mikilvæg
- In3dee sendir frá sér fyrstu breiðskífuna, Margréti, sem heitir eftir gæludýri hans sem er kónguló
- Tilraunagjörn, hröð og ágeng rafdanstónlist, segir tónlistarmaðurinn um lögin á plötunni
Tónleikar verða haldnir í kvöld kl.
21 í Mengi á Óðinsgötu 2 í Reykja-
vík. Á þeim koma fram franski
bandoneonleikarinn Olivier Man-
oury og Kjartan Valdemarsson
píanóleikari sem hafa margoft spil-
að saman. Munu þeir flytja heims-
tónlist, allt frá djassi til latíntón-
listar með áhrifum frá franskri og
íslenskri tónlist þar sem spuni leik-
ur stórt hlutverk, skv. tilkynningu,
og mun Olivier einnig kynna nýjan
geisladisk, DUOSOLO, sem hann
tók upp í einangrun í París.
„Ég tók upp þennan geisladisk á
heimili mínu í Parísarborg þegar
kórónuveirufaraldurinn skall á. Út-
göngubann stóð yfir í margar vikur
og jafnvel mánuði og mátti ég ein-
ungis fara út í eina klukkustund á
dag og í eins ferkílómetra fjarlægð
frá heimilinu. Allt tónleikahald
lagðist niður á svipstundu og ég gat
ekki hitt og spilað með píanistanum
mínum og félögum. Þannig fæddist
sú hugmynd að taka upp þennan
disk í einangruninni heima hjá mér
þar sem ég spila bæði á accordína
og á píanó,“ skrifar Olivier.
Olivier og Kjartan
leika í Mengi
Dúett Kjartan og Olivier.
Hádegistónleikar verða haldnir í
Salnum í Kópavogi í dag kl. 12.15 á
dagskrá viðburðaraðarinnar Menn-
ing á miðvikudögum. Á þeim verð-
ur djassplatan More Than You
Know flutt en hún kom út á vínyl í
byrjun sumars. Um flutning sjá
Silva Þórðardóttir sem syngur og
Steingrímur Teague sem leikur á
wurlitzer og filtdempað píanó
ásamt því að raula annað slagið.
„Fyrir utan eitt örstutt bassa-
klarinettsóló – sem Jóel Pálsson
leikur upp úr þurru í bláendann –
koma engir aðrir flytjendur við
sögu á plötunni,“ segir í tilkynn-
ingu og að lítið sé um flugelda og
bellibrögð í hljóðfæraleik og hverf-
andi áhersla lögð á hefðbundna
sveiflu. Þess í stað sé áhersla lögð á
lögin sjálf og að skapa þeim bæði
veglega og sérstæða umgjörð. Silva
og Steingrímur fá til liðs við sig á
tónleikunum Daníel Friðrik Böðv-
arsson sem leikur á hljóðgervil og
gítar.
Aðgangur er ókeypis.
Djasstónleikar í
hádeginu í Salnum
Samstillt Steingrímur og Silva.