Borgfirðingabók - 01.12.2011, Blaðsíða 231

231Borgfirðingabók 2011
2000 stóð félagið fyrir svokallaðri Tófugleði sem ætlað var að brúa
bil skemmtanaglaðra félagsmanna á milli þorrablóta. Þar var boðið
uppá skemmtidagskrá og slegið upp dansleik á eftir. Þrátt fyrir að
hinum landsfræga skemmtikrafti Ómari Ragnarssyni væri tjaldað til
sem leynigesti í fyrra skiptið reyndist ekki grundvöllur fyrir þessum
skemmtunum og lögðust þær því af. Á síðari áratugum hélt félagið
jólatrésskemmtanir þar sem dansað var kringum jólatréð og sveinki
og bræður hans lítu jafnan við með eitthvað gómsætt í pokahorninu
fyrir börnin. Þessar skemmtanir voru jafnan vel sóttar, en undir það
síðasta var heldur tekið að fækka í salnum, enda jólaböll að ryðja sér
mjög til rúms víða hjá hinum ýmsu starfsmannafélögum.
Í annað sinn á ævi sinni lagðist félagið í hálfgerðan dvala, í þetta
sinn árið 2003, og lagðist starfsemin að mestu niður þó þorrablót
félagsins hafi ætíð verið haldið og staðið vel fyrir sínu. Í janúar árið
2009 þótti nokkrum félagsmönnum reynandi að blása auknu lífi í
félagið, ekki hvað síst vegna þeirrar staðreyndar að stórafmæli væri
í nánd. Boðað var til félagsfundar þar sem ákveðið var að koma fé-
laginu á réttan kjöl á nýjan leik. Í kjölfarið stofnaði ný stjórn félagsins
fésbókarsíðu á netinu og fréttabréfið Þrastarunginn leit dagsins ljós
í fyrsta sinn. Svipuð fréttabréf, nafnlaus þó, voru gefin út 15 árum
fyrr með fréttum úr starfi félagsins, en segja má að samskiptasíðan
og Þrastarunginn séu liður í því starfi stjórnarinnar að styrkja sam-
bandið við félagsmenn. Þá var í fyrra bryddað upp á þeirri nýjung að
efna til skautaferðar til Reykjavíkur fyrir íbúa í Hvalfjarðarsveit var
þó einkum höfðað til barna. Skemmst er frá því að segja að þátttaka
var mjög góð og ferðin þótti takast vel í alla staði. Vonandi verður
um árlegan viðburð að ræða í framtíðinni. Þá var Jónsmessugangan
einnig endurvakin við góðan orðstír.
Eins og áður greinir fagnaði félagið 60 ára afmæli sínu síðastliðið
haust og efnt var til afmælisfagnaðar í Miðgarði þann 9. október.
Skipuð var sérstök afmælisnefnd sem starfaði með stjórn félagsins
að skipulagningunni. Þar var starfsemi liðinna ára rifjuð upp á ýmsan
hátt og boðið uppá skemmtiatriði. Meðal annars var gamalt myndefni
frá starfi félagsins sýnt á breiðtjaldi, en um langt árabil voru þorra-
blót félagsins tekin upp á myndband. Það verður að teljast mikill
fengur að því efni, ekki hvað síst þegar lengra líður frá viðburðunum.
Eftirlifandi stofnmeðlimum var sérstaklega boðið til þessa afmælis-
fagnaðar og voru þeir heiðraðir fyrir framlag sitt. Sex stofnfélagar