Fréttablaðið - 04.02.2023, Qupperneq 8

Mikið hefur verið um
lokanir í frjálsíþrótta-
höllinni undanfarið.
Með nýrri tækni og
betri búnaði eru eldri
vandamál mögulega úr
sögunni.
Guðjón Helga-
son, upplýsinga-
fulltrúi Isavia
Verði af uppsetningu snjó-
bræðslukerfis á Keflavíkur-
flugvelli gætu fjögur stæði
með upphitun verið tekin í
notkun á næsta ári. Hitakerfi
frá 1986 þótt of dýrt auk þess
að valda vandræðum og var
aflagt á árunum fyrir hrun.
gar@frettabladid.is
FLUGMÁL Hitakerfi sem var sett
undir sex f lugvélastæði á Kef la-
víkurflugvelli árið 1986 var tekið úr
notkun um tveimur áratugum síðar.
Eins og komið hefur fram í Frétta-
blaðinu skoðar verkfræðideild
Keflavíkurflugvallar nú möguleika
á að koma aftur upp hituðum stæð-
um á vellinum. Mikill vandi getur
skapast í hálku, líkt og gerðist síðast
nú í janúar, og það átt þátt í að ekki
er unnt að koma farþegum frá borði
eftir lendingu.
„Hitakerfið sem var sett undir
stæði númer 1 til 6 árið 1986 og var
aflagt á árunum 2005 til 2008 virk-
aði þokkalega en hafði þó marga
ókosti,“ segir Guðjón Helgason, upp-
lýsingafulltrúi Isavia.
„Kostnaður við að reka kerfið var
mikill og á mörkum þess sem var
brætt og ekki brætt myndaðist oft
10 til 15 sentimetra hæðarmunur
sem olli miklum vandræðum,“
útskýrir Guðjón.
Að sögn Guðjóns eru þau stæði
sem hafa síðan verið byggð á vell-
inum á undanförnum árum fjær
flugstöðinni. Því hafi ekki verið eins
ákjósanlegt að hafa snjóbræðslu í
þeim.
„Í dag erum við að meta kosti,
galla og kostnað við uppsetningu
og rekstur á snjóbræðslu en með
nýrri tækni og betri búnaði eru eldri
vandamál mögulega úr sögunni. Ef
valið yrði að setja snjóbræðslu undir
ný stæði við flugstöðina yrðu fjögur
ný slík stæði tekin í notkun árið
2024,“ segir Guðjón.
Fyrrnefndu stæðin sex munu
fara undir nýbyggingar samkvæmt
framkvæmdaáætlum. „Í uppbygg-
ingunni er gert ráð fyrir nýrri bygg-
ingu sem tengir saman norður- og
suðurbyggingar f lugstöðvarinnar
með nýjum verslunum, veitinga-
svæðum, biðsvæðum og landa-
mærum. Hönnun á þeirri byggingu,
sem fer yfir stæði 1 til 6, er nú í gangi
og ráðgert að hún verði byggð á
árunum 2025 til 2030,“ segir Guðjón.
Aðspurður hvort snjóbræðslu-
kerfi hefði breytt einhverju í tilviki
þotu sem rakst í landgang á f lug-
stöðinni við fyrrnefndar aðstæður
í janúar segir Guðjón erfitt að meta
það. „Miðað við fyrri ágalla á kerf-
inu hefði það mögulega geta valdið
meira tjóni. Tilvikið sem um ræðir
er í skoðun.“ n
Snjóbræðsla fyrir þotustæði
jafnvel í notkun á næsta ári
Stæðin á Keflavíkurflugvelli sem voru með snjóbræðslukerfi í tuttugu ár víkja fyrir uppbyggingu. FRÉTTABLAÐIÐ/VILHELM
benediktboas@frettabladid.is
VESTMANNAEYJAR Ekki er komin
tímasetning frá Landsneti á því
hvenær viðgerð geti hafist og hve
lengi hún mun standa yfir á Vest-
mannaeyjastreng 3 sem bilaði í
byrjun vikunnar. Rafmagnsleysið í
Vestmannaeyjum var rætt á bæjar-
ráðsfundi í gær.
Nú er ljóst að bilun varð á Vest-
mannaeyjastreng 3 til Eyja um það
bil einn kílómetra frá landi. Raf-
magn til Vestmannaeyja er núna
flutt um Vestmannaeyjastreng 1 og
varaaflsvélar HS-veitna og færan-
legar varaf lsvélar frá Landsneti
sem eru staðsettar í Eyjum sjá um
raforkuþörf þangað til að viðgerð
verður lokið á Vestmannaeyjar-
streng 3.
Landsnet kom með tvær færan-
legar varaaflsvélar til Eyja á fimmtu-
dag, til viðbótar við þær þrjár sem
fyrir eru í Eyjum.
Í bókun bæjarráðs segir að bæjar-
ráð leggi áherslu á að nægt rafmagn
verði tryggt í Vestmannaeyjum á
meðan viðgerð á VM3 stendur yfir.
„Fram undan er loðnuvertíð sem
er mjög mikilvæg bæði fyrir Vest-
mannaeyjar og um leið þjóðarbúið
allt,“ segir í bókun bæjarráðs.
Bæjarráð leggur jafnframt áherslu
á að lagningu Vestmannaeyja-
strengs 4 (VM4) verði flýtt og farið í
þá framkvæmd eins fljótt og auðið
er til að tryggja afhendingaröryggi
rafmagns til Vestmannaeyja til
framtíðar. n
Engin tímasetning komin á viðgerð
Íris Róberts-
dóttir, bæjar-
stjóri Vest-
mannaeyja
benediktboas@frettabladid.is
ÍÞRÓTTIR „Það fjarar undan góðum
grunni þegar áhugi yfirvalda er
nánast enginn og mánuð eftir
mánuð þarf að fara með hópinn
í sund, á skauta eða eitthvað sem
kemur frjálsum lítið við,“ segir í
bréfi frjálsíþróttadeilda Reykja-
víkur til menningar-, íþrótta- og
tómstundaráðs borgarinnar þar
sem óskað er eftir auknum aðgangi
íþróttafólks félaganna að frjáls-
íþróttahöllinni í Laugardal.
Í bréfinu er bent á að mikið hafi
verið um lokanir í höllinni bæði í
september og október. Lokanirnar
komu sér illa bæði fyrir afreksfólk
og barna- og unglingastarf hverfa-
félagsins Ármanns sem er að reyna
að byggja upp frjálsíþróttadeild.
„Á sama tíma og aðgengið er heft
eða ekki nægjanlegt er gerð krafa
um árangur á stórmótum sem þykir
hafa verið undir væntingum síðast-
liðin ár,“ segir í bréfinu.
Nú þurfi að stíga fast til jarðar ef
íþróttafólkið eigi einhvern mögu-
leika á að ná framförum. „Við
biðjum um ykkar hjálp við að efla
starfið svo það megi dafna og verða
Reykjavík til sóma og unnt verði að
skapa flottar fyrirmyndir.“ n
Æfa frjálsar en fara í sund og á skauta
Frá Reykjavíkurleikunum í frjálsum íþróttum. FRÉTTABLAÐIÐ/VALLI
kristinnhaukur@frettabladid.is
SJÁVARÚTVEGUR Iceland Seafood
hefur hætt við að hætta starfsemi
sinni í Bretlandi. Fyrirtækið rekur
fiskvinnslustöð í borginni Grimsby.
Alls var tapið á fyrstu níu mánuð-
um síðasta árs tæpir 1,5 milljarðar
króna. Þann 17. nóvember var til-
kynnt að fyrirtækið hygðist hverfa
af Bretlandsmarkaði.
Þann 6. desember var svo til-
kynnt að kaupandi að starfseminni
væri fundinn. Ekki var gefið upp
hver það væri né hvað viðkomandi
myndi borga. Aðeins að það væri
stór aðili á breskum fiskmarkaði.
Sú tilkynning virðist hafa verið
frumhlaup því í gær var það til-
kynnt að samningar um kaup
hefðu ekki náðst. Hefur stjórnin því
ákveðið að setja söluferlið í pásu og
halda áfram rekstrinum. n
Hætta við að
hætta í Bretlandi
6 FRÉTTIR FRÉTTABLAÐIÐ 4. FEBRÚAR 2023
LAUGARDAGUR