Bændablaðið - 03.11.2022, Síða 7

7Bændablaðið | Fimmtudagur 3. nóvember 2022
Góður fjárhundur er gulls ígildi.
LÍF&STARF
S íðustu vísnaþættir hafa alfarið
verið tileinkaðir minningu
nýlátins hagyrðings, Jóns Ingvars
Jónssonar. Jón Ingvar, sem átti ættir sínar
í Skagafjörð, víkur um stund fyrir bónda
úr næstu sýslu, Austur-Húnavatnssýslu,
Sigurjóni Stefánssyni, bónda á Steiná í
Svartárdal. Líkt og fjölmargir sýslungar
hans fæst hann ögn við yrkingar, en veifar
þeim varlega. Stökur birtast þó af og til í
símanum hjá mér, einkum þegar hinn aldni
bóndi skreppur til heiðarinnar og horfir
yfir, oft eftir kindum sínum. Nátengdur
er Sigurjón landinu sem fóstrað hefur
hann í 84 ár. Á 84. afmælisdegi sínum
19. október síðastliðinn orti hann:
Fallegur dagur fer í hönd,
frekar gæfulegur.
Horfi ég inn á heiðarlönd,
hugann þangað dregur.
Svo er Sigurjón sem oftar kominn fram
að Fossum í Svartárdal:
Mosató á melnum grær,
marglit blöðin hanga á grein.
Í kverk við fjallið kúrir bær,
kliðar lækur rétt við stein.
Ég falaði vísu af Sigurjóni og mér
virtist honum strax léttara um gang:
Póstinn frá þér fengið hef,
fannst hann nokkuð góður.
Fyrir þessu sætt ég sef,
sjálfsagt eykst minn hróður.
Kristján frá Djúpalæk heimsótti
Halldóru B. Björnsson, og stóð þannig
á að Halldóra var að mála íbúð sína.
Hann kvaddi auðvitað með vísu þegar
hann fór:
Að ég komið hafi hér
harður sýnir kviður.
Liptons-teið líkar mér
en lyktin nokkru miður.
Halldóra svaraði um hæl:
Komdu, Stjáni, í kofann minn,
kvæðaslána-foringinn.
Það er að skána þefurinn,
þú ert nánast velkominn.
Andrés Björnsson kom frekar
rotinpúrulegur til ritstjórnar Þjóðviljans.
Starfsmenn fýsti að vita gjör um útganginn
á honum.
Andrés kvaðst hafa verið alla
nóttina með Magnúsi Björnssyni, sem
kunningjarnir kölluðu „Langa djöful“.
Andrés áréttaði málið með þessari vísu:
Ekki er von mér verði rótt,
ég var í gær með bullum
og á túr í alla nótt
með andskotanum fullum.
Theódóra Thoroddssen gaf Andrési
fertugum tóbaksdós með ágrafinni þessari
vísu:
Nú ertu komin á þau ár,
sem er vor mesta hrelling,
en þú ert laus við þess kyns fár.
Þiggðu í nefið. Kerling.
Guðmundur Þorsteinsson frá Lundi
kom inn á kamar á Kópaskeri og allir
veggir útkrotaðir með klámi og lélegum
kveðskap. Hann orti þá:
Fuglar þeir, er fíflskapinn
fengið hafa á sálina,
létu betur leirburð sinn
leka niður í skálina.
Eftir heimsókn á Kópasker orti svo
Jón Guðmundsson í Garði:
Kalt var mér á Kópaskeri,
kórbekk sat þar rausnin hallt,
alúð þó á borð þeir beri
í búrinu Mammon skammtar allt.
Umsjón:
Árni Geirhjörtur Jónsson
kotabyggd1@gmail.com
308MÆLT AF
MUNNI FRAM
Landskeppni smalahunda:
Þrefaldur sigur Aðalsteins
Aðalsteinn Aðalsteinsson verðlaunahafi A-flokks með hunda sína Burndale Biff, Doppu og Gló. Með honum á mynd er Hilda Linnea. Mynd / HTH
Rekið í rétt.
Landskeppni Smalahundafélags Íslands
var haldin á Húsatóftum á Skeiðum
helgina 15.–16. október sl.
Smalahundadeild Árnessýslu hélt mótið
á Húsatóftum á Skeiðum og lék veðrið við
keppendur og áhorfendur. Keppt var í tveimur
flokkum, Unghundaflokki og A-flokki.
„Í keppni sem þessari þarf hundurinn að
sækja hóp kinda sem er staðsettur á enda
brautar, reka í gegnum hlið, taka kindur frá
hópnum og reka í litla rétt. Lengd brautar
er misjöfn eftir flokkum og eru minni
kröfur gerðar á unghunda en í A-flokk
þar sem reyndustu hundarnir keppa,“
segir Hrafnhildur Tíbrá Halldórsdóttir hjá
Smalahundafélagi Íslands. Jónleif Jørgensen
frá Færeyjum og Sverrir Möller frá Ytra-Lóni
dæmdu keppnina en alls tóku tíu hundar þátt.
Þrír hundar Aðalsteins Aðalsteinssonar
röðuðu sér í þrjú efstu sæti A-flokks hunda
og tók hann því við öllum verðlaunum
í þeim flokki. Er það í fyrsta sinn í sögu
Smalahundafélagsins sem það gerist. Úrslit
voru sem hér segir:
Unghundaflokkur:
1. Maríus Snær Halldórsson og
Míla frá Hallgilsstöðum
2. Hrafnhildur Tíbrá Halldórsdóttir og
Flís frá Hjartarstöðum
3. Marzibil Erlendsdóttir og Snúður frá
Hjartarstöðum
A-flokkur:
1. Aðalsteinn Aðalsteinsson og
Burndale Biff frá Bretlandi
2. Aðalsteinn Aðalsteinsson og
Doppa frá Húsatóftum
3. Aðalsteinn Aðalsteinsson og
Gló frá Húsatóftum.
Að taka eina merkta kind frá hópnum krefst góðrar samvinnu manns og hunds. Myndir / Björgvin Sigurbergsson
Kokkanemendur Menntaskólans
í Kópavogi heimsóttu íslenska
garðyrkjubændur á dögunum.
Undanfarin ár hefur Sölufélag
garðyrkjumanna ásamt Matar-
tímanum farið í sveitaferðir með
kokkanema Menntaskólans í
Kópavogi (MK) í samstarfi við
kennara. „Við fræðum nemendur
um starfsemi Sölufélagsins og
kynnum þá fyrir bændum til að
þau geti upplifað ræktunina frá
fyrstu hendi. Nemendur spyrja
margra spurninga og eru mjög
fróðleiksfúsir. Kokkanemarnir
hafa mikinn áhuga á hráefninu,
sem þau eru kynnt fyrir og eru
þessar ferðir fléttaðar inn í
námsefnið,“ segir Kristín Linda
Sveinsdóttir hjá Sölufélagi
garðyrkjumanna.
Teknar voru upp gulrætur, blóm- og
spergilkál hjá garðyrkjustöðinni Jörfa á Flúðum
undir handleiðslu Ragnheiðar Georgsdóttur.
Tilgangurinn var að taka með sér
grænmeti í skólann þar sem nemendur vinna
sértæk verkefni er tengjast nýtingu og geymslu
grænmetis. Ragnheiður fræddi þau einnig um
ræktun Flúðasveppa.
Óli Finnsson hjá garðyrkjustöðinni
Heiðmörk í Laugarás fræddi nemendur um
íslenska eldpiparinn, sem þau fengu einnig
að smakka við mikla hrifningu. Þá sögðu
Hlynur og Ljúpa á garðyrkjustöðinni Kinn
í Hveragerði frá sinni starfsemi við ræktun
á blaðkáli (Pak choi). Magnús og Sigurlaug
á garðyrkjustöðinni Hveratúni í Laugarási
fræddu þau um ræktun rósasalats, klettasalats
og grandsalats og Helena á Friðheimum í
Reykholti leiddi þau um gróðurhúsin og sagði
frá allri þeirra starfsemi og sýndi þeim inn í
stóreldhús staðarins.
Að lokum var farið í heimsókn til
Gunnars Þorgeirssonar og Sigurdísar Eddu
Jóhannsdóttur í Ártanga í Grímsnesi þar sem
nemendurnir fengu fróðlegar upplýsingar um
þær fjölmörgu kryddtegundir sem ræktaðar eru
á garðyrkjustöðinni.

Kristín Linda segir að hópurinn hafi alls
staðar fengið frábærar móttökur og að
garðyrkjubændur fagni alltaf þegar þeir fái
tækifæri til að kynna starfsemi sína.
„Það er margt sem kemur nemendum á
óvart og við finnum hversu mikilvægt það er
að gefa þeim tækifæri að komast í snertingu
við ræktunina og ná tengingu við bændurna
og vita hvaðan íslenska grænmetið kemur,“
segir Kristín Linda og bætir við.
„Mikilvægi þess að matreiðslumenn
viti hvaðan hráefnið kemur og hvernig
það er ræktað er mjög mikils virði. Einnig
er mikilvægt að mynda tengingu beint við
bóndann til að geta leitað til hans í framtíðinni.
Það er mikið og gott starf sem er unnið í MK
og við reynum að vera framsækin og fylgja því
sem er að gerast á markaðinum hverju sinni,“
segir Hinrik Carl Ellertsson, kennari í MK.
/MHH
Upplifðu ferskleika íslenska
grænmetisins frá fyrstu hendi
Kokkanemendur Menntaskólans í Kópavogi, ásamt Hinriki Carli, kennara sínum (með appelsínugulu derhúfuna), heimsóttu garðyrkjubændur og voru alsælir þegar heim var komið eftir frábæran dag. Myndir /KLS
Hér er verið að kynna sér svepparæktina hjá
Flúðasveppum á Flúðum.
Gulrætur teknar upp.