Skipulagsmál höfuðborgarsvæðisins - 01.08.1987, Page 5

Slcipulagsmál
5
AÐFARARORÐ
í þessu tölublaði Skipulagsmála
verður fjallað sérstaklega um
ferðamál á höfuðborgarsvæðinu
og birtur úrdráttur úr erindum,
sem flutt voru á Ferðamála-
ráðstefnu höfuðborgarsvæðisins
5. júní s.l.
Ferðamál á höfuðborgarsvæðinu
eru nú orðin mikil og vaxandi
atvinnugrein. Þó eru fjölmörg
atriði sem tengjast ferðamálum,
sem nauðsynlegt er að taka á í
samvinnu sveitarfélaga á höfuð-
borgarsvæðinu og hagsmunaaðila
eins og greinilega komy fram á
ofangreindri ráðstefnu. I þessari
atvinnugrein eru að eiga sér stað
umtalsverðar breytingar, sem
nauðsynlegt er að fylgjast vel
með. Ef við ætlum að mæta
þessari þróun er ekki nægilegt að
gera átak á einu eða tveimur
sviðum, heldur næst mestur
árangur með samhæfðu átaki sem
flestra hlutaðeigandi aðila.
Ef litið er á þróun þessara mála
undanfarna áratugi og reynt að
meta þær blikur sem hæst ber, þá
eru nokkur atriði, sem vert er að
drepa sérstaklega á.
Frá lokum síðari heimstyrjaldar
hafa fólksflutningar milli landa
aukist stöðugt og þá sérstaklega
síðustu 20 áx. Nú er áætlað að
fjöldi flugfarþega tvöfaldist á
næstu 15 árum. Ekki verður
annað séð en hér verði um
áframhald í uppbyggingu ferða-
mála að ræða.
Þótt aðgerðir öfgamanna hafi haft
mikil áhrif á ferðamál víða um
heim undanfarin ár, höfum við
hingað til getað boðið upp á
tiltölulega öruggt umhverfi hér á
landi.
Ferðakostnaður er að lækka og er
það þakkað meiri flutningum og
aukinni samkeppni. Nú er einnig
gert ráð fyrir að 1000 manna
flugvélar verði í notkun um næstu
aldamót og að þá komi einnig til
sögunnar flugvélar, sem fljúga
með allt að fimmföldum hljóð-
hraða.
Á næstu árum og áratugum má
einnig gera ráð fyrir að hluti
fullorðinna og aldraðra ferða-
manna aukist verulega. Sama
máli gegnir um kvenfólk, sem
ferðast nú mun meira en það
gerði áður, og hina svonefndu
"uppa" eða ungt fólk með góðar
tekjur, sem vill líka fá góða
þjónustu og skemmtilegt um-
hverfi. Ferðir, þar sem boðið er
upp á sérstaka lífsreynslu
(adventure trips), hafa einnig
aukist mikið að undanfömu.
Af öðrum atriðum sem fyrir-
sjáanlegt er að hafi veruleg áhrif á
ferðamál á komandi árum er
aukin áhersla á heilbrigði og
heilsu. Fólk vill nú í vaxandi
mæli geta notið heilsusamlegs
umhverfis í fríum og borðað
hollan mat, þannig að það þurfi
ekki að taka sér frí til að ná sér
eftir "fríið".
Góðir fjarskiptamöguleikar við
umheiminn eru einnig mjög
mikilvægir til þess að geta veitt
þá þjónustu sem ferðamenn og
viðskiptaaðilar óska eftir. Nú er
talið að videofundum og ráð-
stefnum muni fara talsvert
fjölgandi, þótt alltaf verði þörf
fyrir fundi og ráðstefnur með
hefðbundnu sniði.
Ferðalög og ferðamennska er nú
þegar orðin fjórða stærsta grein
viðskipta í heiminum. í öllum
sveitarfélögum á höfuðborgar-
svæðinu eru miklir möguleikar til
þess að stunda þessa atvinnu-
grein í mun ríkari mæli en nú er
gert, en þessa möguleika getum
við ekki nytt til fullnustu nema
við fylgjumst mjög vel með þeirri
þróun, sem er að eiga sér stað og
tökum upp víðtækt samstarf um
að færa okkur hana í nyt. Flest
sveitarfélög á höfuðborgarsvæð-
inu utan Reykjavíkur hafa samt
farið varhluta af þessari þróun á
undanförnum áratugum.
Stjórn Samtaka sveitarfélaga á
höfuðborgarsvæðinu hefur nú
ákveðið að láta þetta mál sér-
staklega til sín taka og vinna að
því að stofna ferðamálasamtök
höfuðborgarsvæðisins með aðild
sveitarfélaga og hagsmunaaðila á
þessu svæði til þess að vinna
þessum málum brautargengi.
Hér er um mjög mikið hags-
munamál allra þessara aðila að
ræða sem nauðsynlegt er að hafa
gott samstarf um, ef vel á að
vera.
Gestur Ólafsson.