Harmonikublaðið - 15.05.2020, Qupperneq 9

Kveðja frá fráfarandi stjórn FHS
Nýja stjómin. Sigurður Baldursson, Steinunn Arnljótsdóttir og Helga Hjálmarsdóttir
Fráfarandi stjórn: SigriSur í MiShúsum, Gunnar formaSur og RagnheiSur í Marbxli
Á þessum tímamótum langar okkur að endurlifa
ferðalagið í gegnum árin, rifja upp starfsemi
félagsins og minnast allra þeirra með þakklæti
sem við kynntumst á leiðinni og komu að
starfseminni í áranna rás. Fyrsta verk Gunnars
Ágústssonar sem formanns var að taka á móti
sænska tríóinu Nya Bröderne Fárm ásamt
fylgdarliði 10. júní 1998. Voru það Friðjón
Hallgrímsson og Guðný kona hans, Sigrún
Bjarnadóttir og hennar maður Valur ásamt
bílstjóranum Stefáni Leifssyni. Hélt tríóið
tónleika að Hótel Varmahlíð. Þetta er ekki eini
erlendi snillingurinn sem félagið hefur fengið
í heimsókn. Gary Blair skoskur harmonikuleikari
kom og spilaði í Fjölbrautaskólanum á
Sauðárkróki 22. maí 2004. Voru það hinir
skemmtilegustu tónleikar. Þegar björtust var
sumarnóttin 19.- 21. júní var fyrsta
Jónsmessuhátíðin haldin í Húnaveri í samstarfi
við HUH sem er Félag harmonikuunnenda í
Húnavatnssýslum. Hélst samstarf um
skemmtanir Jónsmessuhelganna fram til ársins
2011 þá urðu breytingar og FHS hefur staðið
eitt að hátíðinni síðan, um árabil í Húnaveri en
frá 2015 í Árgarði. Hljómsveit félagsins sem
og stakir félagar hafa spilað við ýmis tækifæri í
gegnum árin svo sem í leikskólum, haldið uppá
Harmonikudaginn, leikið áýmsum dansleikjum
eins og t.d. fyrir eldridansaklúbbinn Hvell,
Karlakór Bólstaðarhlíðarhrepps og ýmis
félagasamtök.
Við höfum tekið á móti góðum gestum t.d.
Félagi harmonikuunnenda í Reykjavík. Var
móttakan í Árgarði 13. maí 2000. Var efnt til
borðhalds í samvinnu beggja félaga og voru
menn glaðir og reifir. Var þetta góð stund og
eftirminnileg. Aðalfundir SIHU hafa líka verið
haldnir hér norðan heiða. I fyrsta sinn haustið
1999 í samstarfi við Húnvetninga. Var
fundurinn haldinn í Miðgarði en gisting á Hótel
Varmahlíð og Löngumýri. Aftur héldum við
aðalfund SÍHU það var haustið 2004 en þá
varð Árgarður fyrir valinu. Framkvæmd bæði
haustin gekk vel og var skemmtileg tilbreyting
í starfinu. Landsmót ungra harmonikuleikara
var svo haldið í Árgarði 22. maí 2004 í samvinnu
við SIHU. Það var fengur að sjá og njóta
tónlistar unga fólksins. FHS lagði til mann í
stjórn SIHU um tíma, Gunnar Ágústsson
starfaði með þeim sem gjaldkeri í sex ár. Við
gerðum eitt sumarið góða ferð suður Kjöl á
vinafund þegar Harmonikufélag Rangæinga
bauð til sumarhátíðar. Áttum við þar
skemmtilega helgi og nutum gestrisni
Sunnlendinga í fallegu veðri. Gátum við
endurgoldið þeim síðar með boði á
Jónsmessuhátíðina á Steinsstöðum. Bættust þá
í hópinn Árnesingar og Selfyssingar Það er
ómetanlegt að kynnast og njóta samveru félaga
vítt um land. Snillingurinn Aðalsteinn Isfjörð
gekk til liðs við félagið uppúr aldamótunum og
styrkti það félagið mjög.
FHS hefur staðið fyrir ýmsum tónleikum í
gegnum tíðina. „Tekið í belg“ voru haldnir voru
á þremur stöðum í héraðinu í desember og
janúar 2008 og 2009. Þar léku Aðalsteinn
Isfjörð, Jón Þorsteinn Reynisson,
Miðhúsabræður Jón og Stefán, Kristján Þór og
Tanja. Gaman er að geta þess að hún er
barnabarn Aðalsteins Isfjörð. Kynnir var
Gunnar Rögnvaldsson. Tónleikahaldið hélt
áfram og á tónleikum um sæluviku vorið 2009
kom snillingurinn Ragnar Bjarnason og söng
með hljómsveit félagsins. Var það afar
skemmtileg kvöldstund. Ragnar heillaði alltaf
áheyrendur með einstökum söng og framkomu.
Félagið tók einnig þátt í samkomu/dagskrá sem
haldin var 2010 á Ketilási, um skáldkonuna
Guðrúnu frá Lundi. Að sönnum sveitasið var
klykkt út með dansleik á eftir.
Stærsta verkefni sem félagið stofnaði til var
tónleikaröðin „Manstu gamla daga“. Þar flutti
hljómsveit félagsins tónlist sem spannaði
árabilið frá stríðsárunum. Inn á milli laga flutti
Björn Björnsson fyrrum skólastjóri, sannar eða
ekki, sögur af samtímafólki af stakri snilld. Þessi
dagskrá var flutt í sex ár. Nýtt árabil var tekið
fyrir í hvert sinn. Hljómsveitarstjóri öll árin var
Guðmundur Ragnarsson. Með honum spiluðu
Kristján Þór Hansen, Rögnvaldur Valbergsson,
Aðalsteinn Isfjörð, Sigfús Benediktsson, Jón
Gíslason, Stefán Gíslason. Jóhann Margeirsson,
Margeir Margeirsson. Söngvarar voru Ásdís
Guðmundsdóttir, Stefán Jökull Jónsson,
Dagbjört Jóhannesdóttir, Róbert Ottarsson og
Guðrún Jónsdóttir. Mynddiskar voru gefnir út
með efni hvers árs og seldust þeir vel. Einn
geisladiskur SMS var tekinn upp, var hann með
lögum eftir Guðmund Ragnarsson, Aðalstein
Isfjörð og Stefán Jökul Jónsson.
Við fráfarandi stjórn FHS kveðjum ykkur
félagar vítt um land með kærum þökkum fyrir
gott samstarf og skemmtileg og ómetanleg
kynni.
Harmonikusafn
Ásgeirs S. Sigurðssonar
býður öldruðum harmonikum farsælf ævikvöld á
Byggðasafni Vestfjarða.
Sími 456 3291 - byggdasafn@isafjordur.is - www.nedsti.is
9