Harmonikublaðið - 15.05.2020, Síða 21

Bubbi Morthens
Bubbi Morthens er fæddur í Reykjavík 6. júní
1956. Það er enginn afgangurinn afþví að við
Islendingar getum eignað okkur hann, því
móðirin var dönsk og faðirinn hálfur
Norðmaður. Þetta virðist vera mikil úrvals
blanda, enda voru foreldramir ákaflega
listhneigt fólk. Hann ólst upp í Vogahverfinu
og það kom fljótlega í ljós að tónlistaráhuginn
var langt yfir meðallagi. Skólagangan varð
enginn dans á rósum en lesblinda var ekki
viðurkennd af kennurum á árunum milli
1960 og 1970, en hún truflaði hann verulega
eins og marga fleiri á þessum árum. En Bubbi
fann fljótlega fjölina sína í tónlistinni. Hann
var eldfljótur að læra lög og þegar hann
eignaðist gítar var lífsstarfið fundið, þó það
tæki smá tíma að koma því í verk. Hann
byrjaði sem farandverkamaður og
baráttumaður fyrir betri kjörum og í raun
hefur hann alltafverið það sem listamaður. A
þeim tíma byrjaði hann að setja saman lög og
texta, sem fljótlega vöktu athygli, enda
flutningurinn og túlkunin með allt öðrum
brag en áður hafði heyrst. Hver man ekki eftir
lögum eins og Stál og hnífur, ísbjarnarblús,
Segulstöðvarblús og Lög og regla. En Bubbi
hefur marga fleiri strengi í hljóðfærinu sínu.
Tregasöngvar eins og Syneta og Kveðja eru
sannkallaðir gullmolar í íslenskri
söngljóðagerð. Hann lék með vísnavinum og
alls staðar var tekið ofan fyrir honum. Astin
hefur einnig átt stóran þátt í lífi Bubba, enda
maðurinn óvenju hrifnæmur. Astarljóðin hans
eru fjölmörg og mörg hreinustu perlur. Þar
má nefna lög eins og Fallegur dagur, Kona,
Það er gott að elska og An þín, sem öll geta
flokkast undir sígildar perlur í íslenskri tónlist.
Enginn íslenskur tónlistarmaður hefur selt
fleiri hljómplötur en Bubbi Morthens. Lagið
Strákarnir á Borginni var samið með tilvísun
til millistríðsáratímans í Þýskalandi, en þá
blómstraði hið ljúfa líf í Berlín með tilheyrandi
næturklúbbum og gleði, sem stundum var
galli blandin. Um þá tíma var m.a.
söngleikurinn Cabarett saminn en þar voru
margar söngperlurnar.
Bubbi Morthens er enn á fullu í listinni enda
á besta aldri og gaf t.d. út ljóðabók í fyrra sem
hlaut mjög góða dóma.
Munið myndasíðuna á netinu: www.harmoniku-unnendur.com
Fjölmennum og tökum
með okkur góða gesti
og gott skap
Félag harmonikuunnenda í Reykjavík
Símar 894 2322, 696 6422, 864 8539
„Nú er lag á Borg“
Hin árlega harmonikuhátíð FHUR
verður haldin á Borg í Grímsnesi um
verslunarmannahelgina 31. júlí - 3. ágúst
Samspil og söng'ur í félagsheimilinu á Borg
klukkan 14:00 á laugardag.
Á Borg eru góð hjólhýsastæði, stór danssalur,
glæsileg sundlaug, góð verslun sem hefur verið
opnuð að nýju, góðir harmonikuleikarar og
vonandi jafn gott veður.
Glæsileg dagskrá alla helgina, dansleikir,
markaðir, samsöngur, harmonikukynning
EG tóna og ýmislegt fleira.
21