Muninn - 01.08.2008, Side 19

19
H
ER
BE
RT
G
U
Ð
M
U
N
D
SS
O
N
Í
M
A
9. október 2008 er einn af merkari dögum
í Menntaskólanum á Akureyri. Þennan
dag stóð HEBBMA (Aðdáendafélag
Herberts Guðmundssonar) fyrir því að fá
Hebba sjálfan til að troða upp í skólanum.
Gríðarleg stemming var í skólanum og má
með sanni segja að sjaldan hafi annað
eins andrúmsloft verið hér. En hver er
þessi Herbert Guðmundsson sem er
svona hrikalega vinsæll í MA?
Herbert Guðmundsson er einn af
dáðustu íslensku tónlistarmönnum en
hann samdi ódauðlega 80‘s smellinn
Can‘t Walk Away. Herbert fæddist
15. desember 1953 og hefur verið frá
barnsaldri kenndur við tónlist. Eftir að hafa
sungið með hljómsveitum á borð við Eik,
Pelican og KAN frá Bolungarvík gerðist
Herbert sólólistamaður.
Í desember 1985 gerði Hebbi Can‘t
Walk Away og fór það strax í fyrsta sæti
á vinsældalista Rásar 2. Herbert varð þar
fyrsti íslenski sólólistamaðurinn til að ná
efsta sætinu á þeim lista. Árið 1986 kom
svo út hljómplatan The Dawn Of The
Human Revolution sem innihélt slagarann
góða. Síðar hafa plöturnar Being Human
(1993), Faith (1998), Ný spor á íslenskri
tungu (2001) og Spegill sálarinnar (2008)
fylgt á eftir.
Eftir að formaður HEBBMA hafði átt
í stöðugu símasambandi við Herbert
féllst hann á að koma til Akureyrar og
taka lagið fyrir nemendur MA. Það má
segja að stemmingin í Kvos MA hafi verið
rafmögnuð er Herbert var kynntur upp á
svið í löngu frímínútum. Hebbi kom með
miklum krafti fram á sviðið og tók lagið Day
of Freedom sem er einmitt í „power-play“
á Bylgjunni og á Rás 2. Því næst tók hann
aukalag af nýja diskinum sínum, sem er í
gospel kantinum.
Það ætlaði svo allt að verða vitlaust
þegar Hebbi kynnti næsta lag til sögunnar
en eins og Hebbi sagði sjálfur „lagið sem
gerði mig að því sem ég er í dag“. Kvosin
sem var smekkfull trallaði og klappaði
með enda fátt annað í stöðunni! Herbert
þakkaði fyrir sig að laginu loknu og gekk af
sviðinu, en áhorfendur létu vel í sér heyra
og heimtuðu meira. Herbert kom því aftur
upp á svið og tók Remix af Can‘t Walk
Away af sinni alkunnu snilld.
Herbert seldi svo hljómplötur sínar í
matarhléinu og veitti eiginhandaráritanir.
Það má með sanni segja að salan hafi tekist
vel og þá fékk fjöldinn allur af námsbókum
þann heiður að fá nafn Herberts á sig.
Herbert hitaði svo upp fyrir handboltaleik
um kvöldið hjá Akureyri og gerði það
gæfumuninn og vannst öruggur sigur á HK.
Rétt áður en ég kvaddi goðið á
flugvellinum eftir afar vel heppnaðan dag
tók ég örstutt viðtal við hann:
ÁS: Hvernig var að koma til Akureyrar?
Herbert: Það var hreint út sagt frábært
að koma hingað, mjög vel tekið undir í
Menntaskólanum og ég er ekki frá því að
MA sé allra flottasti skólinn á landinu, svo
var flott stemmning á vellinum þannig
að þetta var bara stórkostlegt. Alveg
æðislegt að koma norður.
ÁS: Nú er búið að vera starfræktur
aðdáendaklúbbur um þig í
Menntaskólanum í nokkur ár, er ekki
gaman að vita af því?
Herbert: Jú, það er bara meiriháttar.
Virkilega gaman af þér Ágúst sem og
forvera þínum honum Örlygi Hnefli
Örlygssyni. Þið eruð báðir flottir strákar, nú
er bara vonandi að þú finnir einhvern til að
taka við og halda þessu gangandi því ég vil
endilega koma oftar í MA!
ÁS: Eitthvað að lokum fyrir nemendur MA?
Herbert: Takk æðislega fyrir frábærar
móttökur. Munið bara að hafa gaman af
lífinu og vinna markvisst að því sem maður
er að stefna að.”
Ágúst Stefánsson, formaður HEBBMA