Ský - 01.04.2010, Blaðsíða 6

2.TBL. 2010
Jr
Útgefandi: Heimur hf. Ritstjórar og ábyrgðarmenn: Benedikt Jóhannesson og Jón G. Hauksson.
Útlitshönnun: Heimur. Ljósmyndir: Geir Ólafsson, Páll Stefánsson, Páll Kjartansson ofl.
Blaðamenn/greinarhöfundar: Gísli Kristjánsson, Hilmar Karlsson, Hrund Hauksdóttir, Margrét Þóra Þórsdóttir,
Páll Ásgeir Ásgeirsson, Páll Stefánsson, Sigmundur Ó. Steinarsson.
Auglýsingastjóri: Inga Halldórsdóttir Prentun: (safoldarprentsmiðja hf. Heimur hf. — Öll réttindi áskilin.
Ritstjórn, auglýsingar og afgreiðsla: Heimur hf. Borgartúni 23,105 Reykjavík. Sími: 512-7575
ÞEGAR GRÍNIÐ
ER FÚLASTA ALVARA
Sigur Besta flokksins í Reykjavík varð til þess að ýta við mörgum
stjórnmálamönnum. Það er merkilegt að það skuli hafa þurft
til. Það er margt að og í raun aðeins tveir kostir. Hefðbundnir
stjórnmálamenn hugsi málin upp á nýtt eða að það komi
nýtt fólk. A Islandi hefur verið margreynt að bjóða upp á
nýja flokka. Þjóðvarnarflokkurinn, Samtök frjálslyndra og vinstri manna,
Bandalag jafnaðarmanna, Kvennalistinn, Borgaraflokkurinn, Frjálslyndi
flokkurinn og Borgarahreyfingin eru nokkur dæmi um flokka sem
komu og fóru. Margir þessara flokka voru á sínum tíma klofningsfram-
boð úr öðrum flokkum. Margir fýlgismenn nýju framboðanna áttu
sér ekki sameiginleg stefnumál önnur en það að vera óánægðir með
ástandið eins og það var. Þeir voru í fylu út í heiminn og fóru fljótlega
í fylu hver við annan.
Besti flokkurinn er sprottinn úr allt öðru umhverfi. Nokkrir lista-
menn komu saman og stofnuðu flokk. Hann lofaði litlu fyrirfram og
enginn veit hvort hann meinti nokkuð af því sem hann lofaði. Oddvit-
inn er þekktur grínisti sem fæstir vissu fyrir kosningar hvaða skoðanir
hafði og hvort hann hefði nokkrar skoðanir yfirleitt. Hann boðaði
meiri gleði í borgarstjórn. „Hvers vegna fara menn í mótmælagöngur en
ekki meðmælagöngur?“ spurði hann. Hvers vegna ekki að leysa málin
allt öðruvísi en áður?
Frambjóðendur flokksins eru kannski ekki jafnmiklir gleðipinnar og
foringinn. Hann var svosem ekki alltaf glaður. Oft vafðist honum tunga
um tönn í sjónvarpsþáttum og svo virtist sem hann vissi ekki hvort
honum væri alvara eða ekki. En skuldir borgarinnar hverfa ekki þó að
sagðir séu fimmaurabrandarar eða farið með dýrara spaug. Það þarf
áfram að reka skóla, leikskóla, dvalarheimili, leggja malbik og skaffa
borgarbúum rafmagn og heitt vatn. Það verður að gera, hvort sem það
er gert með bros á vör eða ekki. Líklega er flest það sem sveitarstjórnar-
menn gera frekar leiðinlegt í augum almennings. Það á eftir að koma í
ljós hvort pönkið og glensið gera borgarstjórnina betri.
Margir kjósendur eru til í að velja hvað sem er í stað þess sem þeir
þekkja. Erlendis hafa menn valið dýr sem foringja. Kanadíski Nashyrn-
ingaflokkurinn valdi Kornilíus 1. sem foringja sinn. Kornilíus er nashyrn-
ingur. Flokkurinn fékk nokkurt fýlgi í þingkosningum í Kanada, en for-
maðurinn var ekki í framboði sjálfur. I Bandaríkjunum hafa látnir menn
verið kosnir á þing.
Eftir kosningar reyna allir að skilja hvað kjósendur meintu. Það er erfitt
enda vildu ekki allir það sama. Samt er enginn vafi á því að þegar tugir pró-
senta kjósenda ákveða að kjósa „einhvern annan“ sem vill gera „allskonar“
fýrir „aumingja“, þá er eitthvað að hjá þeim sem fýrir eru. SKV
Benedikt Jóhannesson
6 ský 2.tbl. 2010