Ský - 01.04.2010, Blaðsíða 41

FJÖLTEFLI VIÐ SEXTÍU UNGMENNI Á SKÍRDAG
Sverrir tefldi fjöltefIi við sextíu ungmenni á skírdag og stóðu
nokkur þeirra svo í meistaranum að hann bauð fimm jafn-
tefli. Var það samstundis handsalað, enda páskaegg í boði
fyrir þau sem ekki töpuðu. Eftir stuttar kennslustundir voru
haldin styttri mót þar sem þátttakendur sáu sjálfir um niður-
röðun á borð og skráningu úrslita. I lok ferðarinnar voru
haldin tvö mót, Páskamót Hróksins og Páskamót Tárnet þar
sem um 60 tóku þátt í hvort skipti.
Þó hart væri barist var gleðin allsráðandi og seint hefði
gengið ef Knud Eliassen, heiðursfélagi Hróksins númer 12,
hefði ekki séð um skráningu og innslátt. Eftir að allir kepp-
endur höfðu verið kallaðir upp og þeim afhentir vinningar,
myndaðir í bak og fyrir þannig að öllum liði sem sigurvegur-
um, afhenti Knud verðlaunapeninga og bikarinn sem alla
dreymdi um að hreppa. í fyrra mótinu sem var aldurskipt
fékk bikarinn hann Theodor Napatoq, 14 ára, en Lars Sivert-
sen sigraði í eldri flokki. í síðara mótinu sigraði Aqqalu
Brönlund og var aldeilis ekki ósáttur með lífið. Sérstaklega
var gaman að sjá hve margar stelpur mættu en þær gefa
strákunum ekkert eftir.
Sikkerninnguaq Lorentzen lærði mannganginn fyrir
þremur árum og hefur oftast náð á verðlaunapall eftir það,
varð þriðja í fyrra mótinu og fimmta í því síðara. Nokkuð
var um að foreldrar kíktu við í skólanum og mættu sendi-
boðarnir miklum velvilja hvar sem þeir komu. Var m.a. boðið
í mat hjá þeim heiðurshjónum Jaerus Arqe og Nikolinu Arqe-
Napatoq, en þau eiga sjö börn sem eru alveg æst í skák. Þar
var moskuxi eða sauðnaut á borðum, rostungur og fleira
góðmeti.
í gráu höllina, gamla og virðulega húsið sem leiðangurs-
menn fengu úthlutað, var straumur gesta á öllum aldri.
Yngsta fólkið kom prúðbúið að óska gleðilegra páska og
athuga hvort nammi leyndist í skápum en þau eldri vildu
bara halda áfram taflmennsku.
í SAMSTARFI MEÐ KALAK
Hrókurinn hefur verið í farsælu samstarfi með KALAK,
vinafélagi íslands og Grænlands, vegna ferða undanfarin
ár. Leiddi það samstarf af sér að börnum á ellefta ári, frá
þorpum a austurstraöndinni, er boðið árlega að koma til
íslands og læra að synda í tvær vikur. Búa þau í Kópavogi,
ganga þar í skóla og gera ýmislegt í fyrsta sinn á ævinni, svo
sem að fara í bíó, á hestbak, á veitingahús eða bara yfirleitt
að setjast upp í flugvél! Auk þess að fara í sund að sjálfsögðu.
En því verkefni stýrir KALAK af myndarskap og lætur skák-
mönnum og -konum eftir að glæða félagslífið í þorpum
okkar góðu granna hér rétt fyrir vestan sundið.
Án aðstoðar og velvildar væri þetta illmögulegt en Eym-
undsson, Actavis, Sandholt, Bónus og Arionbanki sáu til
þess að öll börn fengju veglega vinninga í öllum uppákom-
um auk þess sem Steingrímur Benediktsson gullsmiður í
Vestmannaeyjum gaf verðlaunapeninga á mótin. Flugfélag
íslands hefur einnig frá upphafi reynst Hróknum afar vel í
ferðum þessum.
Bæjarbúar tóku loforð skáktrúboðanna um að komið yrði
að sama tíma að ári. Svo sannarlega verður það efnt, enda
þarf ekki annað en hugsa til brosandi andlita þessara ótrúlega
kraftmiklu ungmenna til að komast í undirbúningsgírinn.
Sami staður, sami tími að ári! SKÝ
r
HRÓKURINN OG
Það var árið 2003 sem forseta Hróksins, Hrafni Jökulssyni,
flaug í hug að kynna skáklistina fyrir Grænlendingum.
Hélt hann með glæsilegan hóp skákfólks til Qaqortoq en
síðan hefur félagið einbeitt sér að austurströndinni, þar
sem þörfin fyrir tilbreytingu og nýjar áskoranir er meiri.
Á þessum árum hafa verið farnar um 20 ferðir í öll þorp
austurstrandarinnar og gefin um 800 taflsett. Afrakstur
skákvæðingarinnar er skákfélagið Biskupinn eða Löberen í
Tasiilaq sem er virkt allt árið með formann Polle Lind í farar-
broddi. Skákfélögin Riddarinn í Kulusuk og Hrókurinn
(Tárnet) eru ekki eins virk en allt fer á flug þegar von er á
Hróksmönnum á svæðið.
20102. tbi. ský 41