Ský - 01.04.2010, Blaðsíða 11

FRÓÐLEIKUR
NÚMER HVAÐ
VIÐ YONGE-STRÆTI?
Frá Ontario-vatni og gegnum hjarta Toronto gengur Yonge
Street og heldur síðan áfram, að Simcoe-vatni, norðar í
fylkinu. Yonge Street er 1.896 kílómetrar. Það gerir götuna
að lengstu götu veraldar samkvæmt heimsmetabók Guiness.
Strætið var hannað og tekið í notkun rétt um árið 1800.
Yonge fékk fyrstu neðanjarðarlest Kanada, í miðborg
Toronto, meira en 100 árum síðar.
ENSKI BOLTINN
Liverpool og Manchester United hafa oftast orðið enskir
meistarar í knattspyrnu, hvort lið átján sinnum. Arsenal hefur
verið lengst allra liða í efstu deild eða frá 1919, eða 84 ár
samfellt. Arsenal á líka metið, 14 sigurleikir í röð árið 2002.
Derby County á hins vegar fæsta sigra en fyrir tveimur árum
tókst þeim einungis að vinna einn leik á tímabilinu. Leikjamet
í efstu deild á markmaðurinn Peter Shilton 1005 leiki,
á árunum 1966 til 1997.
DAGLEG BLÖÐ
Þrjú af mest lesnu dagblöðum heims eru japönsk og öll
prentuð í um 5,5 til 6 milljónum eintaka á dag. Þetta eru blöðin
Yomiuri Shimbun, Asahi Shimbun og Mainichi Shimbun. Næst
kemur Bild í Þýskalandi með 3,8 milljónir eintaka. Wall Street
Journal er víðlesnasta blað Bandaríkjanna með rétt rúmlega
tvær milljón eintaka á dag. Stærst blaða í Stóra Bretlandi er
Sólin, The Sun, með þrjár milljónir eintaka á dag.
BARNALÁN
Konur í Afríkulýðveldinu Níger eiga mesta barnaláni að
fanga, þær eiga að meðaltali tæplega átta börn, Úganda sem
er í næsta sæti er nokkuð á eftir eða 6,7 börn að meðaltali.
Heimsmeðaltal er 2,56 börn á konu, efstir Evrópuþjóða eru
frændur vorir Færeyingar í 101. sæti með 2,44 börn, við erum
í þriðja sæti á eftir Frökkum með 1,90 barn. Langneðstar
eru Asíuþjóðirnar, Japan og Suður-Kórea, með 1,21 barn,
Tævan með 1,14 og síðastir í röðinni Singapúr með
aðeins 1,09 börn á konu.
VERTU í SAMBANDI
Vertu er lúxus-símamerkið frá Nokia. Fyrir áttahundruð þú-
sund og upp í nokkrar milljónir er hægt að fá síma frá þessu
fyrirtæki. Þetta eru sannkallaðir lúxus-símar, byggðir úr besta
eðalmálmi, og með demöntum, fyrir þá sem vilja. Hönnunin er
fyrsta flokks. En þetta er enginn iphone eða n97. Frekar tæki
til að svara og hringja, á fágaðan og flottan hátt.
www.vertu.com
HA OG HAOLDRUÐ
Hæstu tré veraldar eru rauðviður, í Redwood-þjóðgarðinum
í Norður-Kaliforníu, en meðalhæð þeirra er um 115 metrar.
Næstur er ástralski fjalla-askurinn sem vex í Tasmaníu en
hann verður 99,6 metra hár. Tuttugu sentimetrum hærri en
Douglas-furan í Oregon fylki. Great Basin Bristlecone Pine í
Utah fylki er ekki hávaxið tré, 10 metra hátt, en nær
háum aldri eða tæpum 5000 árum.
2010 2. tbl. ský 11