Ský - 01.04.2010, Blaðsíða 59

»» Leonardo DiCaprio
Leonardo DiCaprio skortir ekki stóru
hlutverkin og nú er hann að undirbúa
að leika hinn illræmda fyrrum FBI-
foringja, J. Edgar Hoover, í Hoover, sem
Clint Eastwood leikstýrir. Handritið skrif-
ar Dustin Lance sem fékk óskarsverðlaun
fyrir Milk. DiCaprio er ekki fyrsti leikar-
inn sem bregður sér í hlutverk Hoovers,
áður hafa leikið hann Billy Crudup, Ernest Borgnine,
Broderick Crawford og Bob Hoskins. Fleiri þekktar
persónur eru á lista hjá DiCaprio. Martin Scorsese er
enn að gæla við að gera kvikmynd um fyrrum forseta
Bandaríkjanna Teddy Roosevelt og þá er í undirbúningi
The Beautiful and the Damned þar sem DiCaprio leikur
rithöfundinn F. Scott Fitzgerald.
»» Michael Douglas
I Eins og kunnugt er mun Michael Douglas
I bregða sér aftur í hlutverk fjármálajöfurs-
■rrm- ^7 ■ ins Gordons Gekko í Wall Street: Money
I Never Sleeps sem í upphafi myndarinnar
| hefur misst æruna. Sjálfur fór Douglas
bankahruninu í heiminum og
|< i tapaði miklum peningum. Hann ásamt
^WTí M eiginkonu sinni Catherine Zeta Jones
eru sögð vera 213 milljón dollara virði og tapaði hann
35-40% af eignum sínum. í kjölfarið losaði hann sig
við öll hlutabréf og skuldabréf sem voru í eigu hans,
en viðurkennir að hafa haft gaman af því að stunda
hlutabréfamarkaðinn.
5ÖGUHORIMIB
Mad Men
EKKI ER ALLT SEM SÝNIST
Einstaka sinnum koma sjónvarpsseríur sem slá í gegn
vegna þess að þær eru öðruvísi. Ein slík er Mad Men,
sem hefur notið mikilla vinsælda og verið verðlaunuð í
bak og fyrir. Búið er að framleiða þrjár seríur og sú fjórða
í framleiðslu. Tvær þeirra hafa verið sýndar á Stöð 2 og sú
þriðja ervæntanleg. Mad Men geristsnemma á sjöunda áratugn-
um innan auglýsingabransans sem var á mikilli uppleið á þessum
árum. Karlaveldið er allsráðandi, hroki og sjálfsdýrkun er dyggð og
þeir náðu lengst sem best kunnu að Ijúga og blekkja. Dagdrykkja
var hluti af vinnunni og reykingar nauðsynlegur fylgifiskur karl-
mennskunnar. Viðhorfin eru öðruvísi í dag og það hafa margir velt
fyrir sér hvort leikararnir drekki og reyki jafnmikið og persónurnar
gera til að vera trúverðugir. Svarið er nei og ef leikaramir drekka
og reykja þá gera þeir það utan vinnutímans.
Reykingarnar sem voru sjálfsagður hlutur á þessum árum eru
ekki til fyrirmyndar í dag og leikarar kannski ekki tilbúnir að fórna
heilsunni fyrir listina enda er ekki allt sem sýnist í þeim efnum.
Sígaretturnar sem notaðar eru í þáttunum eru sérstaklega gerðar,
innihalda herbal og eru lausar við allt tóbak og nikótín.
Skoskt viskí er drykkurinn sem allir sannir karlmenn drekka í Mad
Men og þeir drekka mikið af skotanum og væru sjálfsagt alltaf
blindfullir ef þeir væru með ekta skota í glösunum. Drykkurinn sem
þeir drekka er hollari, en hann samanstendur af trönuberjasafa,
grapesafa og ístei.
MARLON BRANDO REKUR STANLEY KUBRICK
Marlon Brando leikstýrði aðeins einni
kvikmynd, vestranum One-Eyed
Jacks (1961). Mikið gekk á við gerð
myndarinnar eins og oft þegar
Brando átti hlut að máli. Marlon Brando hafði í
gegnum fyrirtæki sitt keypt handritið að skáldsög-
unni The Authentic Death of Hendry Jones og
réð Rod Serling (The Twilight Zone) til að skrifa
handritið. Brando líkaði ekki og henti handritinu
og fékk Sam Peckinpah, sem þá var ungur og
óreyndur, til að skrifa nýtt handrit. Þetta var árið
1958. Um sama leyti réð Brando ungan og efni-
legan leikstjóra, Stanley Kubrick, til að leikstýra
myndinni. í tvö ár var Peckinpah að endurskrifa
handritið að kröfum Brandos en var loks rekinn.
Calder Willingham tók við og var einnig rekinn
og loks var það Guy Trosper sem skrifaði loka-
handritið ásamt Brando og þá var lítið eftir af
skáldsögunni. Ekki gekk samstarfið við Stanley
Kubrick betur og t.d. réð Brando mótleikara sína
í stærstu hlutverkin án þess að hafa samráð við
Kubrick, sem gekk á fund Brandos rétt áður en
tökur áttu að hefjast og sagðist ekki vita lengur
um hvað þessi kvikmynd væri. Þetta var ekki það
sem Brando vildi heyra og fljótlega eftir þessa
uppákomu rak hann Kubrick og setti sjálfan sig í
leikstjórasætið. Þessi brottrekstur var lán í óláni
fyrir Stanley Kubrick því nú fékk hann tækifæri til
að leikstýra Spartacus þar sem upprunalegi leik-
stjórinn Anthony Mann hafði verið rekinn. Þrátt
fyrir allt fékk One Eyed Jacks fínar viðtökur hjá
gagnrýnendum en ekki mikla aðsókn. SKÝ
Marlon Brando í hlutverki Rios í One Eyed Jacks ásamt mexíkósku leikkonunni Pina Pellicer, en hún framdi sjálfsmorð þremur árum
eftir frumsýningu myndarinnar, aðeins 30 ára gömul.
2010 2. tbl. ský 59