Skinfaxi - 01.01.2020, Síða 39

S K I N FA X I 39
Starri Heiðmarsson hlaupsstjóri var
spurður hvernig hlaupið hefði þróast
undanfarin ár. „Þátttaka í hlaupinu var
lengstum hófleg, 20–35 keppendur.
Mikill áramunur gat þó verið og líklega
spilaði veðrið þar rullu. Síðustu ár hefur
verið rólegur stígandi í þátttöku en alger
sprenging varð í fyrra, 96 þátttakendur,
og tókst flestum að ná markmiði sem
landvættir.“
Starri var spurður hvað væri sérstakt
við Þorvaldsdalsskokkið umfram önnur
víðavangshlaup. „Það er fyrst og fremst
fáir stígar eða leiðir sem hægt er að fylgja
stóran hluta hlaupsins. Upp brekkuna úr
Hörgárdal reyna hlauparar oft að fylgja
kindagötum sem oftar en ekki leiða þá
á villigötur. Þegar upp í Kytru, hápunkt
hlaupsins, er komið eru oft engar kinda-
götur til að fylgja og það sama á við á fleiri
stöðum. Seinni hluti hlaupsins er eftir
ákveðnum stígum og að lokum jeppa-
slóða. Einnig er sérstakt að líta má á Þor-
valdsdal sem „endalausan“,“ segir Starri.
Hlaupið nýhafið 2019 og allur „stígandinn“ fram undan hjá hlaupurunum.
Bjarni E. Guðleifsson, stofnandi hlaupsins, tók á móti hlaupurunum
þegar þeir komu í mark í 25. Þorvaldsdalsskokkinu árið 2018. Hér er
hann ásamt eiginkonu sinni, Pálínu Jóhannesdóttur, og Sigríði, dóttur
þeirra, sem tók þátt í hlaupinu.
Víða er er bratt niður að Ytri-Tunguá og vissara að huga að því hvar stigið er
niður, oft eru þó fjárgötur hlaupurum til hægðarauka, mynd tekin 2010.