Bókatíðindi - 01.12.2021, Qupperneq 45

A Gormabók B Harðspjalda bók C Hljóðbók D Innbundin bók E Kilja F Rafbók G Sveigjanleg kápa I Endurútgáfa B Ó K A T Í Ð I N D I 2 0 2 1
G
Sögur Belkíns
Stofnun Vigdísar Finnbogadóttur
Aleksander Púshkín
Þýð.: Rebekka Þráinsdóttir
Ritstj.: Kristín Guðrún Jónsdóttir
Sögur Belkíns er fyrsta prósaverkið sem Aleksander
Púshkín lauk við. Brugðið er á leik með þekkt stef, s.s.
rómantíska hetju, draugasöguna, hugljúfar ástir og
óvænt endalok. Sögurnar eru fullar lífsgleði, glettni
og umhyggju fyrir sögupersónum og höfðu sumar
ófyrirséð áhrif á rússneskar bókmenntir. Eftirmáli um
verkið fylgir þýðingunni.
160 bls.
Háskólaútgáfan
E
Tsjernobyl-bænin
Framtíðarannáll
Svetlana Aleksíevítsj
Þýð.: Gunnar Þorri Pétursson
Tsjernobyl-slysið er stærsta kjarnorkuslys allra
tíma. Geislunin hafði hörmuleg áhrif á líf hundruði
þúsunda manna til frambúðar en ráðamenn reyndu
að þagga slysið niður. Þetta er vitnisburður þeirra
sem lifðu af, skráður af hvítrússneska rithöfundinum
og blaðamanninum Svetlönu Aleksíevítsj sem hlaut
Nóbelsverðlaunin í bókmenntum árið 2015. Vinsælu
Tsjernobyl-þættirnir eru að hluta til byggðir á þessari
bók.
400 bls.
Angústúra
E
Um endalok einsemdarinnar
Benedict Wells
Þýð.: Elísa Björg Þorsteinsdóttir
Jules og systkini hans tvö eiga örugga æsku þar til
foreldrar þeirra látast af slysförum. Á fullorðinsárum
telja þau sig hafa unnið úr áfallinu. En þá leitar fortíðin
þau uppi, hún verður ekki umflúin. Farsæld framtíðar
þeirra er í húfi. Margverðlaunuð skáldsaga höfundar.
331 bls.
Benedikt bókaútgáfa
E F
Uppruni
Saša Stanišić
Þýð.: Elísa Björg Þorsteinsdóttir
„Uppruni er bók um staðina þar sem ég á heima, þá sem
lifa í minni mínu og þá sem ég hef skáldað. Um sumarið
þar sem afi minn tróð ömmu svo um tær í dansi að litlu
munaði að ég hefði aldrei fæðst. Sumarið sem Angela
Merkel opnaði landamærin ...“
„Stórkostleg bók.“ Sunna Dís, Kiljan
351 bls.
Bjartur
E F
Úti við laugar
Sophie Daull
Þýð.: Jóna Dóra Óskarsdóttir
Skáldkona kynnir bók sína í sjónvarpi. Það kemur
manni nokkrum úr jafnvægi. Hann lifir fábreyttu lífi
eftir að hafa afplánað fangelsisdóm fyrir glæp sem
hann framdi fyrir þrjátíu árum. Nú þarf hann óvænt
að horfast í augu við fortíð sína á ný. Skáldkonan er
nefnilega dóttir fórnarlambs hans. Meistaralega vel ofin
saga um tilfinningarót og eðli fyrirgefningar.
163 bls.
Ugla
E F
Skuggi ástarinnar
Mehmed Uzun
Þýð.: Einar Steinn Valgarðsson
Aðalsöguhetja þessara sögu er frelsisbaráttumaðurinn
Memduh Selîm sem fór fyrir uppreisn Kúrda við Ararat
gegn Tyrkjum á árunum 1927–1930. Memduh stendur
frammi fyrir sígildri glímu – milli persónulegrar
hamingju og hugsjóna, milli ástar til stúlku og
ástarinnar til þjóðar sinnar.
Áhrifarík og ljóðræn söguleg skáldsaga um grimm
örlög og sterkar ástríður.
294 bls.
Ugla
G
Snyrtistofan
Mario Bellatin
Þýð.: Birta Ósmann Þórhallsdóttir
Þegar faraldur herjar á borgina neyðist sögumaður til
þess að breyta snyrtistofunni sinni í Biðstofu dauðans.
Hann reynir að sinna sjúklingunum ásamt skrautfiskum
stofunnar en allt virðist umbreytingum háð og snýst
upp í andhverfu sína.
Höfundur bókarinnar, Mario Bellatin, hefur hlotið
fjölda verðlauna og viðurkenninga og verið þýddur
á yfir annan tug tungumála en Snyrtistofan er hans
þekktasta verk. Hann er talinn einn áhugaverðasti
samtímahöfundur Rómönsku Ameríku.
96 bls.
Skriða bókaútgáfa
G
Sonur minn
Alejandro Palomas
Þýð.: Sigrún Á. Eiríksdóttir
Á bak brosmilt yfirborðið eynist mjög viðkvæmur
heimur, eins og völundarhús sem geymir leyndardóm
sem þarf að leysa. Þrautin inniheldur föður í kreppu,
fjarverandi móður, forvitinn kennara, besta vininn og
sálfræðing sem reynir að púsla saman vísbendingum –
um einhvern sem er í stórhættu.
224 bls.
Drápa
E F C
Spegilmennið
Lars Kepler
Þýð.: Ísak Harðarson
Ung kona hverfur á leiðinni heim úr skólanum og finnst
myrt á hrottalegan hátt fimm árum síðar í miðjum
Stokkhólmi. Eina vitnið glímir við algjört minnisleysi.
Þetta er áttunda bókin um Joona Linna sem á
aðdáendur um allan heim, enda standast fáir Kepler
snúning þegar kemur að æsispennandi og hrollvekjandi
glæpasögum.
566 bls. / H 15:59 klst.
Forlagið - JPV útgáfa
E F
Stúlka, kona, annað
Bernardine Evaristo
Þýð.: Helga Soffía Einarsdóttir
Margradda nútímasaga sem hlaut Booker-verðlaunin
2019 og var útnefnd skáldsaga ársins á British Book
Awards. Hér segir frá lífi og veruleika tólf ólíkra
persóna sem tengjast á einhvern hátt. Í gegnum sögur
af baráttu, rasisma, femínisma, kynvitund, elskendum,
pólitík, velgengni og vandamálum kynnist lesandinn
fortíð og umhverfi persónanna.
486 bls.
Forlagið - Mál og menning
45
Skáldverk ÞÝDD