Bókatíðindi - 01.12.2021, Page 49

A Gormabók B Harðspjalda bók C Hljóðbók D Innbundin bók E Kilja F Rafbók G Sveigjanleg kápa I Endurútgáfa B Ó K A T Í Ð I N D I 2 0 2 1
G
Kona fer í gönguferð
799 kílómetrar – 34 dagleiðir
Hanna Óladóttir
Kona sem komin er í öngstræti í lífi sínu fær tilboð
sem hún getur ekki hafnað: Gönguferð eftir hinum
heilaga Jakobsvegi á Spáni, leið sem fólk hefur gengið
öldum saman í leit að innri ró og svörum við knýjandi
spurningum. Ferðin verður henni lærdómsrík og beinir
huganum á óvæntar brautir. Þetta er önnur ljóðabók
Hönnu Óladóttur.
43 bls.
Forlagið - Mál og menning
G
Kona lítur við
Brynja Hjálmsdóttir
Gáskafullt og femínískt furðuverk í þremur
hlutum, fullt af eftirminnilegum myndum og
ögrandi meiningum. Víða er litið við, svo sem í sjó,
saumaklúbbi, hárgreiðslustofu, bílskúr og fylgsni
undarlegs óramanns. Ferðalaginu lýkur loks í
stórbrotinni útópíu. Eftirtektarvert ljóðverk sem læðist
aftan að lesendum.
80 bls.
Una útgáfuhús
D
Laus blöð
ljóð og textar
Ragnar Helgi Ólafsson
Hér má finna tækifæriskvæði, heilræðavísur,
minnismiða, ættjarðarljóð, eggjanakvæði,
heimsendatexta, jólalög, ádeilukveðskap, ljóð úr fyrri
lífum, ástarsöngva, saknaðarljóð, ferðabálka, athuganir,
vögguvísur, erfiljóð, grafskriftir, heimspekileg kvæði,
gamankvæði í nokkrum tilbrigðum auk lausavísna.
160 bls.
Bjartur
D
Ljóðasafn
Einar Bragi
Einar Bragi (1921–2005) var í fylkingarbrjósti
atómskáldanna svonefndu og átti stóran þátt í þeim
straumhvörfum sem urðu í íslenskri ljóðagerð um og
eftir miðja 20. öld.
Í þessari veglegu tveggja binda útgáfu birtist
meginþorri frumortra ljóða Einars Braga, auk
viðamikils úrvals af ljóðaþýðingum hans sem einnig
spanna rúmlega hálfa öld.
Ástráður Eysteinsson bókmenntafræðingur ritar
ítarlegan inngang þar sem fram kemur ný sýn á feril
skáldsins.
513 bls.
Dimma
A
Ljóðvindar
Magnea Þuríður Ingvarsdóttir
Íslensk alþýðumenning og sjálfsbókmenntir eru
samofin hugtög og í þeim felast allskonar ritun s.s eins
og bréfaskriftir, sjálfsævisögur, ljóðagerð, rímur og fleira
eftir alþýðu manna.
Ljóðin í þessari litlu ljóðabók er ort með þeim hætti.
Efniviðurinn er persónulegur en um leið alþýðulegur og
kallast á við ljóðmenningu Íslendinga.
141 bls.
Magnea Ingvarsdóttir
G
Í einlægni/Sincerely
Þorbjörg Inga Ásbjarnardóttir
Þýð.: Ásbjörn Edgar Waage
Í einlægni geymir ljóð Þorbjargar Ingu og sýnir einlægar
birtingarmyndir í litrófi tilfinninganna. Tilefni ljóðanna
eru sum hver komin beint frá höfundi, önnur hafa vakið
upp spurningu eða setið eftir í huga hennar á einhvern
hátt. Titill bókarinnar er heiti á ljóði sem segir í
barnslegri einlægni frá kostum ljóss og myrkurs. Þannig
má horfa á lífið sjálft- í einlægni þess. Bókin er bæði á
íslensku og ensku.
46 bls.
Þorbjörg Inga Ásbjarnardóttir
G
Í svartnættinu miðju skín ljós
ljóðaviðtöl
Eyrún Ósk Jónsdóttir
„Síðustu mánuði hef ég átt samræður við fjölda ólíkra
einstaklinga, áhugavert fólk sem hefur treyst mér fyrir
sögum sínum, frásögnum sem hreyfðu við hverri taug.
Í þessari bók hef ég reynt að gera þessum
einstöku sögum skil í ljóðaformi. Hvert ljóð er merkt
manneskjunni sem á frásögnina.“
140 bls.
Bjartur
G
Jóðl
Bragi Valdimar Skúlason
Hér er komið úrval kvæða og ljóða eftir Braga Valdimar
sem þjóðinni er að góðu kunnur fyrir snjalla texta sína.
Hér eru gamankvæði, ástarkvæði, lífsspeki og kvæði af
öllu tagi.
160 bls.
Bjartur
G
Klettur
ljóð úr sprungum
Ólafur Sveinn Jóhannesson
Klettur – ljóð úr sprungum er óvenjuleg ljóðabók.
Ólafur Sveinn Jóhannesson missti ungur að árum
foreldra sína og sem elsta barn þeirra tók hann að sér
uppeldi yngri systkina. Hér yrkir hann um sína einstöku
lífsreynslu af einlægni og íhugun sem er áhrifamikil og
lifir lengi með lesandanum.
76 bls.
Bjartur
G
Klón – eftirmyndasaga
Ingólfur Eiríksson
Myndir: Elín Edda Þorsteinsdóttir
Bráðfyndin og nístandi ljóðsaga um ábyrgð mannsins
gagnvart lífi á jörðinni, um dauða og endurfæðingu.
Í bókinni er rakin ævisaga klónahundsins Samsonar
Ólafssonar Moussaieff, sem lætur engan ósnortinn.
80 bls.
Forlagið - Mál og menning
49
Ljóð og leikrit