Bókatíðindi - 01.12.2021, Page 60

A Gormabók B Harðspjalda bók C Hljóðbók D Innbundin bók E Kilja F Rafbók G Sveigjanleg kápa I EndurútgáfaB Ó K A T Í Ð I N D I 2 0 2 1
D
Arfur aldanna I
Handan Hindarfjalls
Aðalheiður Guðmundsdóttir
Hér er fyrsta bindi af fjórum í ritröðinni Arfur aldanna
en ritröðin fjallar um fornaldarsögur, uppruna þeirra,
útbreiðslu og einkenni. Í þessi bindi er dregin upp
heildarmynd af efnivið sagnanna í evrópsku samhengi
utan Norðurlanda fram að ritunartíma þeirra á Íslandi
á 13. og 14. öld. Einkum og sér í lagi er sótt í annála og
aðrar fornar sagnfræðiheimildir en einnig söguljóð og
fornminjar sem kunna að fela í sér myndrænar tilvísanir
í söguefnið.
242 bls.
Háskólaútgáfan
D
Arfur aldanna II
Norðvegur
Aðalheiður Guðmundsdóttir
Norðvegur er annað bindi af fjórum í ritröðinni Arfur
aldanna sem fjallar um fornaldarsögur, uppruna þeirra,
útbreiðslu og einkenni. Í þessu bindi er dregin upp
heildarmynd af efnivið sagnanna í norrænu samhengi
fram að ritunartíma þeirra á Íslandi á 13. og 14. öld.
Einkum er stuðst við fornminjar á borð við myndsteina,
rúnasteina, útskurð í tré og vefnað en við sögu koma þó
einnig sagnaritarar og skáld sem unnu með sagnaefnið í
ritum sínum og kveðskap.
250 bls.
Háskólaútgáfan
G
Á fjarlægum ströndum
Tengsl Spánar og Íslands í tímans rás
Stofnun Vigdísar Finnbogadóttur
Ritstj.: Erla Erlendsdóttir og Kristín Guðrún Jónsdóttir
Safn greina eftir 14 höfunda um samskipti Spánar og
Íslands í tímans rás. Sagt er frá ferðum um Jakobs-
veginn fyrr og nú, hvalveiðum Spánverja við Íslands-
strendur, gömlum orðasöfnum, saltfisksölu, íslenskum
sjálfboðaliðum í spænsku borgarastyrjöldinni,
íslenskum gítarnemum, sólar landaferðum, spænsku-
kennslu á Íslandi, þýðingum bókmenntaverka o.fl.
Einnig eru minningabrot Spánverja og Íslendinga.
422 bls.
Háskólaútgáfan
G
Á réttri leið
Uppbygging og þróun í málefnum fatlaðra á Norðurlandi
eystra 1959 – 1996
Bjarni Kristjánsson og Svanfríður Larsen
Raktar eru hugmyndir um þjónustu við fólk með
þroskahömlun á 20 öld og breytingar á þeim við
aldarlok. Í forgrunni er Vistheimilið Sólborg á Akureyri
og starfsemi þess. Heimilið var lagt niður þegar barátta
fyrir réttarbótum til handa fötluðum hafði skilað sér
í auknum réttindum þeirra og sjálfstæði. Tími hinna
stóru altæku stofnana var að líða undir lok.
379 bls.
Á réttri leið
D F
Á sviðsbrúninni
Hugleiðingar um leikhúspólitík
Sveinn Einarsson
Í þessum hugleiðingum um leikhúspólitík rifjar Sveinn
Einarsson upp starf sitt í leikhúsum, óperuhúsum
og sjónvarpi undanfarna áratugi. Hann veltir fyrir
sér aðferðafræði og vinnubrögðum leikstjórans og
samvinnunni við leikskáld, tónskáld, leikara, söngvara,
höfunda leikmynda, búninga og ljósa ásamt öðrum sem
koma að því að skapa sviðslistaverk.
234 bls.
Ormstunga
G
Almanak Háskóla Íslands 2022
Þorsteinn Sæmundsson og Gunnlaugur Björnsson
Auk dagatals flytur almanakmið margvíslegar
upplýsingar, svo sem um sjávarföll og gang himintungla.
Lýst er helstu fyrirbærum á himni sem frá Íslandi
sjást, stjörnukort, áttavitastefnur á Íslandi og kort sem
sýnir helstu tímabelti heimsins. Einnig er Yfirlit um
hnetti himingeimsins, mælieiningar, veðurfar, stærð
og mannfjölda allra sjálfstæðra ríkja o.fl. Af nýju efni
má nefna grein um útþenslu alheimsins og aðra um
lengingu dagsins eftir vetrarsólhvörf.
96 bls.
Háskólaútgáfan
G
Almanak HÍÞ ásamt árbók
Arnór Gunnar Gunnarsson
Ritstj.: Þorsteinn Sæmundsson og Gunnlaugur Björnsson
Auk dagatals flytur almanakmið margvíslegar
upplýsingar, svo sem um sjávarföll og gang himintungla.
Lýst er helstu fyrirbærum á himni sem frá Íslandi
sjást, stjörnukort, áttavitastefnur á Íslandi og kort sem
sýnir helstu tímabelti heimsins. Einnig er Yfirlit um
hnetti himingeimsins, mælieiningar, veðurfar, stærð
og mannfjölda allra sjálfstæðra ríkja o.fl. Af nýju efni
má nefna grein um útþenslu alheimsins og aðra um
lengingu dagsins eftir vetrarsólhvörf. Að vanda fylgir
árbók ársins 2020.
120 bls.
Háskólaútgáfan
E
Andardráttur
Forn list endurvakin
James Nestor
Þýð.: Urður Snædal
Öndun er mikilvægasti þáttur heilsu okkar en þó höfum
við tapað hæfileikanum að anda rétt.
Blaðamaðurinn James Nestor sýnir okkur að
smávægilegar breytingar á öndun geta lengt lífið, eflt
þrek og þol, endurnært líffærin og komið í veg fyrir
hrotur, astma og ýmsa sjúkdóma.
Metsölubók New York Times og Sunday Times. Bók
ársins hjá Washington Post.
303 bls.
Sögur útgáfa
G F
Andlit á glugga
Úrval íslenskra þjóðsagna með skýringum
Myndir: Halldór Baldursson
Ritstj.: Jón Karl Helgason og Romina Werth
Safn íslenskra þjóðsagna og ævintýra með
nútímastafsetningu og ítarlegum orðskýringum. Í
bókinni eru um 60 sögur þar sem lýst er ástum og
grimmum örlögum, heimsku og útsjónarsemi, hugrekki
og hryllingi.
272 bls.
Forlagið - Mál og menning
G
Andvari 2021
Ritstj.: Ármann Jakobsson
Aðalgrein Andvara 2021 er æviágrip Hermanns
Pálssonar, prófessors í Edinborg, eftir Torfa H. Tulinius.
Einnig er minnst þess að Hið íslenska þjóðvinafélag er
nú 150 ára. Arnór Gunnar Gunnarsson sagnfræðingur
ritar grein um síðustu 50 árin í sögu félagsins.
Aðrar greinar í heftinu eru eftir Guðrúnu Nordal,
Birnu Bjarnadóttur, Hauk Ingvarsson, Þórdísi Eddu
Jóhannesdóttur, Kristínu Ingvarsdóttur, Guðrúnu
Steinþórsdóttur, Hannes Pétursson, Svein Einarsson og
Sigrúnu Júlíusdóttur.
217 bls.
Háskólaútgáfan
60
Fræði og bækur almenns efnis