Bókatíðindi - 01.12.2021, Síða 73

A Gormabók B Harðspjalda bók C Hljóðbók D Innbundin bók E Kilja F Rafbók G Sveigjanleg kápa I Endurútgáfa B Ó K A T Í Ð I N D I 2 0 2 1
G
Þrautseigja og mikilvægi íslenskrar tungu
Um notkun dönsku og erlend áhrif á íslensku
Kristjana Vigdís Ingvadóttir
Árið 1771 skrifaði rektor Skálholtsskóla til danskra
yfirvalda þar sem hann lagði til að íslenska yrði lögð
niður. Íslendingar skyldu taka upp dönsku. Hvað gerði
það að verkum að framtíð íslenskunnar var tryggð?
Við sögu koma baráttumenn íslenskunnar og danskir
áhugamenn um íslensku í þessari fyrstu rannsókn á
tungumálanotkun og dönskum áhrifum á Íslandi á 18.
og 19. öld.
320 bls.
Sögufélag
G
Þú þarft ekki að vera svona mikill aumingi
Þorkell Máni Pétursson
Máni Pétursson, fyrrum útvarpsmaður og starfandi
markþjálfi, kveður sér orðs og skrifar sjálfshjálparbók
fyrir karlmenn sem vita að sjálfshjálparbækur eru bara
fyrir aumingja.
111 bls.
Króníka
E
Þvílíkar ófreskjur
Auður Aðalsteinsdóttir
Bókin er afrakstur rannsóknar á eðli og einkennum
ritdóma í fjölmiðlum, virkni þeirra á íslensku
bókmenntasviði og ógnandi en ótryggu valdi
ritdómarans. Sérstakur gaumur er gefinn að þætti
kvenna í þessari sögu, þar sem hann hefur hingað til
ekki fengið athygli sem skyldi og í lokin er velt upp
spurningum um framtíð ritdóma í nýju, tölvuvæddu
umhverfi. Bókarheitið er sótt í fræga grein Jónasar um
rímur.
586 bls.
Bókaútgáfan Sæmundur
G
Þættir af sérkennilegu fólki
Menning fátæktar
Sigurður Gylfi Magnússon, Anna Heiða Baldursdóttir, Atli
Þór Kristinsson, Daníel Guðmundur Daníelsson, Marín
Árnadóttir og Sólveig Ólafsdóttir
Bókin fjallar um fólk sem var á einhvern hátt hornreka
í samfélögum fyrri tíðar og hvernig það bæði náði að
þrauka þorrann og góuna og um leið að hafa áhrif
á samtíð sína með margvíslegum hætti. Höfundar
bókarinnar leita fanga í fjölbreyttum heimildum. Gerð
er tilraun til að skilja „menningu fátæktar“, þ.e. hvernig
Íslendingar gerðu ráð fyrir að fátækt þrifist hér á landi í
einni eða annarri mynd.
300 bls.
Háskólaútgáfan
G
Ættarnöfn á Íslandi
Átök um þjóðararf og ímyndir
Páll Björnsson
Er það einstæður íslenskur þjóðararfur að kenna barn
til föður eða móður eða íhaldssemi og fornaldardýrkun?
Eru ættarnöfn erlend sníkjumenning sem grefur undan
íslensku máli? Hér er rakin saga deilna um ættarnöfn
á Íslandi allt frá 19. öld og hvernig þær tengjast
sögulegri þróun, svo sem myndun þéttbýlis, uppgangi
þjóðernishreyfinga, hernámi Íslands og auknum
áhrifum kvenna.
324 bls.
Sögufélag
E F
Völundarhús tækifæranna
Bylting á vinnumarkaði, giggarar og aukin lífsgæði
Árelía Guðmundsdóttir og Herdís Pála Pálsdóttir
Þær miklu tæknilegu umbreytingar sem nú þegar eru
farnar að hafa áhrif á daglegt líf okkar munu veita fólki
á vinnumarkaði ný og spennandi tækifæri. Eðli starfa og
vinnustaða er að gjörbreytast og samband starfsfólks og
vinnustaðar mun verða með allt öðrum hætti en áður.
224 bls.
Veröld
G
Það sem kindur gera þegar enginn sér til
Brian Pilkington
Þýð.: Ari Eldjárn
Á hverju vori eru íslenskar kindur sendar út í óbyggðir
í þriggja mánaða sumarfrí frá bændum landsins. Fátt er
vitað hvað á daga þeirra drífur allan þennan tíma en nú
hefur Brian Pilkington rýnt í hvað leynist í ærhausnum
og setur það hér fram á sinn óviðjafnanlega hátt. Bókin
er einnig fáanleg á ensku.
64 bls.
Forlagið - Mál og menning
E
Þessir Akureyringar ...!
Úrval grínsagna um íbúa bæjarins þar sem góða veðrið
var fundið upp
Jón Hjaltason
Uppákomur, spaugsyrði og lögmannsraunir. Gunni
Palli skýtur dýrasta“ hringanóra sögunnar, „ekki
fikta í tökkunum“, Margrét Blöndal grefst fyrir um
Íslandsmetið í golfi, munurinn á Akureyringum og
Reykvíkingum og forsetinn Kiddi frá Tjörn heimsækir
spítalann. Og Ódi eltist við naktar stúlkur. Fyndnasta
bók þessara jóla.
108 bls.
Völuspá útgáfa
G F C
Þjóðarávarpið
Popúlísk þjóðernishyggja í hálfa öld
Eiríkur Bergmann
Þjóðernishugmyndir, popúlismi, upplýsingaóreiða og
samsæriskenningar af ýmsu tagi hafa verið áberandi
í umræðunni. Hvað veldur þessari þróun, hvert
stefnum við? Dr. Eiríkur Bergmann fjallar um bylgjur
þjóðernispopúlisma sem gengið hafa yfir undanfarna
hálfa öld og segir frá helstu hreyfingum og leiðtogum,
bakgrunni þeirra og sögu á aðgengilegan hátt.
400 bls.
Forlagið - JPV útgáfa
D
Þórir Baldvinsson arkitekt
Ólafur J. Engilbertsson, Árni Daníel Júlíusson, Jóhannes
Þórðarson, Ólafur Mathiesen og Pétur H. Ármannsson
Ritstj.: Ólafur J. Engilbertsson
Þórir Baldvinsson (1901–1986) arkitekt var í senn
framúrstefnumaður í anda funksjónalisma og
baráttumaður fyrir bættum húsakosti til sveita. Hann
veitti Teiknistofu landbúnaðarins forstöðu á árunum
1938–1969. Í þessari bók er yfirlit verka Þóris ásamt
greinum um líf hans og starf. Úlfur Kolka sá um
hönnun. Bókina prýða margar ljósmyndir og teikningar.
164 bls.
Sögumiðlun
73
Fræði og bækur almenns efnis