Heima er bezt - 01.03.2006, Page 34

í
f > 1
4 i|
Ej. ■ 'ej *

l S V
1 '■ i 1!
lifllll ÁM

Frú Carlill fær sín
hundrað pund
Vorið 1889 braust út í Rússlandi inflúensufaraldur,
sem áður en árið var á enda breiddist til verulegs hluta
heimsbyggðarinnar. Lundúnaborg varð til dæmis afar
illa úti. Póstur var ekki borinn út, bankar voru lokaðir og
réttvísi varð ekki framfylgt vegna veikinda dómara. Þegar
faraldurinn var í hámarki árið 1892, voru aðeins í einum
af mörgum kirkjugörðum borgarinnar jarðsettir dag
hvern 200 menn. Þeir sem lifðu veikina af voru máttlausir
og lengi að ná sér.
„Rússaflensan“ lagðist jafnt á háa sem lága. Albert Viktor,
sonarsonur Viktoríu drottningar og verðandi konungur
Bretlands, lést úr henni 28 ára 1892, og faraldurinn hjó skörð
í kóngafjölskyldur víðar í Evrópu, auk þess sem hann lagði
að velli biskupa, kardínála, aðalsmenn og annað fyrirfólk.
Fátt var vitað um það af hverju veikin stafaði. Kenningin
um það að smitsjúkdómar orsökuðust af örverum var að
ryðja sér til rúms, en inflúensuveiran var
óþekkt, fannst raunar ekki fyrr en 1933.
Alþýða manna leitaði ýmissa skýringa,
kenndi meðal annars um fúlum dömpum
í lofti, jarðskjálftum, rafmagnsfyrirbærum í
háloftum ellegar halastjörnum. Þar sem engin nýt lyfþekktust,
opnaðist arðvænlegur markaður fyrir gagnslaus skottulyf.
Eitt slíkt, sem mjög var auglýst á Englandi, var „karbólsýru-
reykjarkúlan“ (The Carbolic Smoke Ball), gúmmíkúla, um
5 cm að þvermáli, og gekk út úr henni grannur stútur með
grisju yfír opinu. Inni í kúlunni var duft með karbólsýru, og
notandinn átti að halda stútnum upp að nefínu og anda djúpt
að sér um leið og hann eða hún kreisti kúluna. Þetta átti að
sótthreinsa slímhúðina og bægja hvers kyns sjúkdómum frá
öndunarfærunum. Framleiðandinn ábyrgðist í auglýsingu,
að meðferðin læknaði kvef, astma, hósta, berkjubólgu, hæsi,
inflúensu, barnaveiki, kíghósta, svo fátt eitt sé talið. Ekki nóg
með það. Auglýsingin hélt áfram: „The Carbolic Smoke Ball
Company heitir að greiða hverjum þeim 100 sterlingspund, sem
veikist af þeirri inflúensu sem nú geisar, ellegar af kvefí eða
fylgikvillum þess, eftir að hafa notað karbólsýrureykjarkúluna
samkvæmt meðfylgjandi leiðbeiningu.
Örnólfur Til tryggingar hefur félagið lagt 1000
Thorlacius ■ pund inn á reikning í Alliancebanka við
Regent Street.“
Húsmóðir í Lundúnum, frú Louise
130 Heimaerbezt