Heima er bezt - 01.03.2006, Blaðsíða 36

Kviðlingar
kvæðamál
Umsjón: Auðunn Bragi Sveinsson
Vísnaþáttur
Góðir lesendur. Þá er kominn langi mars, eins og eitt sinn
var sagt við mig, þegar ég stundaði kennslu, og framundan
var þessi langi mánuður, eftir að febrúar sleppti, með sína
28 daga, nema þegar hlaupár er. Þau, sem fædd eru 29.
febrúar, eiga afmæli fjórða hvert ár. Þannig er því varið
með kunningja minn, Einar Baldvin Pálsson, prófessor, sem
fæddur er 29. febrúar 1912. Hann varð stúdent frá M. R.
1930, 18 ára, sonur Páls Einarssonar, sem var fyrsti maður
er bar stöðuheitið borgarstjóri í Reykjavík. Annars var ekki
ætlunin að fræða ykkur, ágætu lesendur, um ættir manna,
heldur að miðla einhverju úr vísnasjóði.
Fyrir nokkrum árum sá Kristján Hreinsson, oft
nefndur Skerjaljarðarskáld, (f. 1957) um útvarpsþátt,
þar sem fólk botnaði vísna-fyrriparta gegnum síma, er
hann varpaði fram. Var þetta hin besta skemmtun. Ég
fylgdist með þáttum þessum og skrifaði margt úr þeim
niður. Fylgir hér á eftir brot úr þessum þáttum. Höfundar
botna eru eftir ýmsa, ekki nafngreinda.
Kristján varpaði fram þessum fyrriparti:
Lipur tunga lærir víst
að láta sitthvað flakka.
Tveir botnar, að mínu vali, fara hér á eftir:
Máski þó sé máttlaust tíst,
má það eflaust þakka.
Orðsnilldin fær okkur nýst,
ýmsir hana þakka.
Fyrri hluti vísunnar hér á eftir fæddi af sér tvo botna:
Senn mun okkur sólin blíð
sælustundir veita.
Þá fara menn um fjöll og hlíð,
fegurðar að leita.
Besta veður bœtir lýð,
bœja jafnt og sveita.
Eftirfarandi fyrriparti varpaði Kristján fram og fékk
botna:
Þegar kona þráir mann,
þarf hún val að hyggja,
að þau megi œ með sann
ástarveröld byggja.
að ekki þurfi o 'ní hann
alla hluti að tyggja.
að ekki fái önnur hann
upp við sig að liggja.
ekkert segja illt um hann
eða nokkuð styggja.
Kristján Hreinsson er eins og kunnugt er, skáld, sem
varðveitir hina fornu arfleifð ríms og stuðla. Hann yrkir:
Að vera Ijós í veröld hér
víst er talinn styrkur,
því hverjum neista ætlað er
að yfirbuga myrkur.
Fyrir áhrif frá þessari vísu Kristjáns, gamals nemanda
míns, varð eftirfarandi staka til :
132 Heima er bezt