Flug : tímarit um flugmál - 01.03.1955, Qupperneq 10

Flugvélaafgreiðslan á Keflavikurflugvelli.
segja, að það er fyrst nú, sem starfsemi sem undir
það heyrir er að komast í fast form, þótt afar mikið
sé ógert. Flugráð og flugmálastjórnin hafa eink-
anlega sinnt þremur stórum verkefnum, en þau
eru öryggismálin, flugvallagerð og starfsemin á
Keflavíkurflugvelli. Enda þótt íslendingar tækju
formlega við Keflavíkurflugvelli árið 1946, var
það eiginlega ekki nema formsatriði, því öll starf-
semi þar var í höndum útlendra aðilja, eða allt
fram til 1951, en frá þeim tíma hefur flugmála-
stjórnin tekið að sér æ meira af verkefnum þar
og er nú svo komið, að flugmálastjórnin sér um
alla starfsemi og þjónustu í sambandi við allt al-
mennt flug um völlinn og hefur auk þess á hendi
alla starfsemi í sambandi við komu herflutninga-
flugvéla."
Vér biðjum flugmálastjóra að segja fyrst nokk-
uð frá öryggismálunum.
„Það hefur verið eitt mesta áhugamál okkar í
flugráði, að koma upp sem fullkomnustu öryggis-
kerfi fyrir allar flugsamgöngur innanlands. Örygg-
ismálin voru af skiljanlegum ástæðum lengi vel
óánægjuefni flugmanna vorra, því mikið vantaði
eðlilega á, að þau væru komin í æskilegt horf. Arið
1951 leituðum við því til alþjóða flugmála-
stofnunarinnar, ICAO, sem við höfum ávallt haft
mikla samvinnu við, allt frá stofnun hennar, enda
ein af stofnþjóðunum, og fórum þess á leit, að
ICAO sendi hingað sérfræðinga í flugöryggismál-
um. Kom hingað verkfræðingur, Goudie að nafni,
ásamt þremur öðrum sérfræðingum í öryggis- og
fjarskiptamálum, og með þeim unnu einnig tveir
íslendingar, sem síðan hafa séð um viðhald fjar-
skiptakerfisins. Þessi öryggismálasendinefnd vann á
tæplega tveimur árum stórmikið starf. Sérfræðing-
arnir unnu baki brotnu við að koma upp fjarskipta-
tækjum, radíóvitum og miðunarstöðvum um land
allt og gera öryggiskerfið eins fullkomið og þá var
fært af fjárhagsástæðum. Þeirra starf er undirstað-
an undir því öryggiskerfi, sem nú er koinið upp og
bætt hefur verið og aukið við síðan sérfræðing-
arnir fóru. Nýjasta framkvæmdin í þessum efnum
er ratsjártækið á Akureyri, sem sett var upp síð-
asta sumar og eykur stórlega allt öryggi í hinum
miklu flugsamgöngum við Akureyri. Næsti áfang-
inn er svo ratsjártæki, sem ætlunin er að koma
upp á Egilsstöðum á þessu ári. Væntanlega er þetta
upphaf enn meiri framkvæmda í öryggismálunum,
því nauðsynlegt er að korna upp fleiri stefnuvit-
um og fleiri ratsjártækjum. — Til öryggismálanna
heyrir einnig eftirlit með lofthæfni flugvélaflota
íslendinga. í fyrstu var þetta starf í höndum ís-
lenzks sérfræðings, en á undanförnum árum eða
frá ársbyrjun 1949 hafa starfað hér tveir brezkir
sérfræðingar frá Air Registration Board, eða Loft-
ferðaeftirlit Bretlands, lengst af R. T. Wall, sem
nú hefur þetta starf á hendi. Er þetta eftirlit mjög
Flugvél flugmálastjórnarinnar
(af Navion-gerð).
8 - FLUG