Flug : tímarit um flugmál - 01.03.1955, Side 18

ur hans um 3 milljónum króna á ári, en þar er
ekki meðtalinn kostnaður við flugstjórnarmiðstöð-
ina vegna alþjóðaflugs. Tekjur af rekstri vallarins
nema um einni milljón króna á ári, og reksturs-
kostnaður anarra flugvalla er um 5—600 þúsund
krónur árlega. Til flugmálanna er veitt tiltölulega
lítið á fjárlögum, eða um 3 millj. kr. á ári nokk-
ur undanfarin ár til rekstursins og til verklegra
framkvæmda í flugvallargerð 1,3 millj. kr., sem
nú hefur verið hækkað í 1,8 milj. kr., og hrekkur
sú fjárveiting skammt til þeirra framkvæmda, sem
nauðsynlegar eru á ári hverju. Þessar fjárveitingar
eru tiltölulega litlar miðað við fjárveitingar til ann-
arra stofnana, sem að samgöngumálum vinna, eða
aðeins þriðjungur af fjárveitingum til vita- og hafn-
armála og aðeins áttundi hluti af fjárveitingu til
vegamála, enda þótt allir viðurkenni nauðsyn flug-
samgangna hérlendis."
Hvar jcer þá flugmálastjórnin annað jé til hinna
miklu framkvcemda sinna?
„Við erum svo heppnir að hafa góðan tekjustofn
þar sem Keflavíkurflugvöllur er. Fyrstu 3—4 árin
höfðum við lítinn kostnað vegna vallarins, en
1951 tók flugmálastjórnin við flugþjónustunni þar
og þá jókst kostnaður okkar. Þar á móti hefur um-
ferðin um Keflavík aukizt stórlega og þá jafn-
framt tekjur af vellinum. Völlurinn gerir miklu
meira en að standa undir sér og skilar verulegum
tekjum, og það er óhætt að segja það, að hefðu þær
tekjur ekki komið til, hefði rekstur flugmálastjórn-
arinnar vart orðið framkvæmanlegur. Flest undan-
farin ár hefur rekstur flugmálanna staðizt áætlun
nokkurn veginn og halli ekki verið meiri en þær 3
millj. kr., sem leyfðar eru. Tekjur hafa farið veru-
lega fram úr áætlun og alþingi hefur heimilað að
nota þær umframtekjur til verklegra framkvæmda.
Segja má t. d., að hinn nýji flugvöllur á Akureyri
sé að verulegu leyti byggður fyrir þetta fé. Á síð-
asta ári námu útgjöld flugmálastjórnarinnar 11,5
til 12 millj. kr., en tekjurnar urðu 9 millj. kr.
Tekjur af Keflavíkurflugvelli hafa farið sívaxandi
og námu tæpl. 5 millj. kr. árið 1952, rúmlega 7,3
millj. 1935 og eru áætlaðar 7,8 millj. kr. á síðasta
ári.“
Ncest spyrjum vér Gunnar um skýrslugerð Flug-
málastjórnarinnar.
„Það verður að teljast mjög mikilvægt að hafa
sem ýtarlegastar skýrslur um alla starfsemina og er
gengið frá ársskýrslu um flugmálin, ekki aðeins um
starfsemi flugmálastjórnarinnar, heldur einnig um
starfsemi íslenzku flugfélaganna. Til marks um
vöxt og viðgang flugsins hérlendis á þeim 10 ár-
um, sem flugmálastjórnin hefur starfað, má geta
þess, að árið 1945 fluttu íslenzku flugfélögin 11.472
farþega, en á síðasta ári um 65 þúsund farþega. Þá
má og geta þess, að árið 1950 voru lendingar á
Keflavíkurflugvelli 1330, en 1945 um 2000. Þá er
það ekki sízt mikilvægt, að geta sent ICAO nákvæm-
ar og sundurliðaðar skýrslur um flugmálin hér-
lendis og sérstaklega um flugfélögin. Hlutdeild okk-
ar í kostnaði vð alþjóðaflugstjórn á Norður-Atlanz-
hafi, sem hefur verið 10—17,5%, er reiknuð út eftir
því hve margar flugferðir eru farnar í millilanda-
flugi íslenzku flugfélaganna.
Hvað er að segja um vörubirgðir flugmálastjórn-
arinnar?
„Um það get ég verið stuttorður og nægir að
geta þess, að árlega eru keyptir inn varahlutir og
ýmsar birgðir og efni til viðhalds fyrir um það bil
eina milljón króna.“
„Hvað er helzt að segja um fjármálin í sambandi
við alþjóða flugþjónustuna?
„Samþykkt um rekstur ílugstjórnarmiðstöðvar-
innar í Reykjavík og flugþjónustu í því sambandi
var gerður 1946 og samningur um fjárhags-
grundvöll þeirrar þjónustu var gerður 1948. ís-
lenzka flugmálastjórnin tekur að sér þessa þjón-
ustu og er kostnaðurinn greiddur af þeim aðildar-
ríkjum ICAO, sem eiga flugvélar í ferðum yfir
Norður-Atlanzthafssvæðið. Er sá kostnaður reikn-
aður út árlega og fer hlutdeild í honum eftir um-
ferð hvers ríkis. í upphafi borguðu íslendingar
17,5% af heildarkostnaði, sem síðan lækkaði nið-
ur í 12% og loks niður í 10%, en verður sennilega
öllu meira á þessu ári vegna aukins millilanda-
flugs. Á þessu ári er áætlaður kostnaður 8,8 millj.
kr., og gert ráð fyrir að við greiðum um 12% eða
sem svarar rúmlega einni milljón króna og eru þá
hreinar gjaldeyristekjur okkar af þessari þjónustu
7,7 milljónir kr. — Samkvæmt sérstökum samningi
frá 1947 reka íslendingar Loran-stöðina á Reynis-
fjalli við Vík í Mýrdal í umboði ICAO og af rekst-
urskostnaði hennar greiðum við 5%, en ICAO 95%.
Á þessu ári er áætlaður kostnaður við rekstur stöðv-
arinnar 860 þúsund kr. og greiða þá íslendingar
43 þúsund krónur, en IGAO 817 þúsund krónur.
Þannig eru gjaldeyristekjur af þessum tveimur lið-
um 8,5 milljónir króna, af Keflavíkurflugvelli 7,8
milljónir og þá beinar gjaldeyristekjur samanlagt
16,3 milljónir kr. Auk þessa eru stórmiklar óbeinar
gjaldeyristekjur af Keflavíkurflugvelli, meðal ann-
ars mismunurinn á innkaupsverði og útsöluverði á
16 - FLUG