Flug : tímarit um flugmál - 01.03.1955, Síða 20

Hver er helzti þátturinn í þessu samstarfi?
„Fyrir okkur íslendinga er veðurþjónustan mjög
mikilvæg vegna millilandaflugsins, því hún hefur
tekið algjörum stakkaskiptum eftir að samstarfið
innan ICAO kom til sögunnar. Nú eru á Norður-
Atlanzhafi II veðurathugunarskip og er kostnaður
okkar í þeirri þjónustu lítilræði eitt. Það má skjóta
því hér inn, að við tökum líka þátt í alþjóðakostn-
aði vegna veðurþjónustu í Grænlandi. en þar eru
20 veðurathugunarstöðvar."
Ncest spyrjum vér um öryggisútbúnað á flug-
völlum.
„Þar er fyrst og fremst um að ræða Ijósaútbúnað
og slökkvitæki. Nú er þegar búið að koma upp
ljósaútbúnaði á flugvöllunum í Reykjavík, á Sauð-
árkróki og á Egilsstöðum og í sumar er ætlunin að
setja fullkominn ljósaútbúnað á flugvellina á Ak-
ureyri og í Vestmannaeyjum. Fullkominn ljósaút-
búnaður er nauðsynlegur til þess að hægt sé að
nota flugvellina þótt dagsbirtu hafi brugðið. Ljós
voru sett á flugvöllinn á Sauðárkróki fyrst og
fremst vegna þess að hann er varaflugvöllur, sem
nota skal þegar flugvellirnir í Keflavík og Reykja-
vík eru lokaðir vegna veðurs. Hefir þetta þegar
komið sér vel og orðið til bjargar.“
Sigfús H. Guðmundsson hefir á hendi yfirstjórn
björgunar- og leitarffugs þegar flugvélar týnast og
vér spvrjum um skipan þeirra mála.
„Að stjórn og skipulagninu slíkrar leitar vinn-
um við Björn Jónsson yfirflugumferðarstjóri, en
starfandi er sérstök nefnd í samráði við Flugbjörg-
unarsveitina til þess að vinna að þessum málum.
Flugbjörgunarsveitin sér nær eingöngu um leitina
á landi, þó að stundum séu fengnir aðrir leitar-
flokkar, þegar þörf krefur. Við leitina úr lofti taka
allir höndum saman, einkaflugmenn úr flugdeild
flugbjörgunarsveitarinnar fara á sínum flugvélum,
flugfélögin lána sínar flugvélar og síðast en ekki
sízt er björgunarflugsveitin á Keflavxkurflugvelli,
sem alltaf er til taks til þess að leita að flugvélum,
skipum eða mönnum. Hefur varnarliðið veitt mikla
aðstoð á þessu sviði og björgunarflugsveit þess lagt
sig alla fram.“
Er ekki mikill kostnaður við slíkt leitarflug?
„Jú, hann er geysimikill og hefur stundum skipt
hundruðum þúsunda. Flugfélögunum til verðugs
hróss skal þess getið, að þau hafa gefið allan kostn-
að vegna flugleitar og sama máli gegnir um Flug-
björgunarsveitina íslenzku. Félagar hennar hafa
unnið mikið og fórnfúst sjálfboðastarf. Hjá mörg-
um þeirra hefur verið um bein peningaútlát að
íæða, því þeir halda ekki kaupi sínu meðan þeir
eru í langri leit. Það má geta þess í þessu sam-
bandi, að þegar varnarliðið hafði kynnt sér starí’-
semi og skipulagningu flugbjörgunarmála hér,
hætti það við þá fyrirætlun, að hafa sérstaka sveit
skíðamanna og fjallamanna hér. Þar á móti hefur
varnarliðið veitt islenzku flugbjörgunarsveitinni
verulega aðstoð við útvegun ýmissa björgunar-
tækja.“
Um flugstjórnarmiðstöðina og alþjóðaflugþjón-
ustuna vísar Sigfús til samtals við Björn Jónsson
hér í ritinu og erum við þá komnir að fjarskipta-
málunum, en um þau hefur Sigfús margt að segja
Akureyrar-radió: Fyrstu fjarskiptatcekin.
18 - FLUG