Flug : tímarit um flugmál - 01.03.1955, Qupperneq 24

FlugumferSarstiórii
í Keykjavík
Viðíal viS Björn /ónsson
yiirílugtunierSarstjóra
Björn Jónsson yfirflugumferðarstjóri á Reykja-
víkurffugvelfi hefir haft mikif afskipti af flugmál-
um aflt frá því að hann lærði svifflug í Þýzkalandi
árið 1937, starfaði hjá Loftvarnanefnd á stríðs-
árunum, gekk síðan í þjónustu Flugfélags Islands
og haustið 1945 hóf hann nám í flugumferðarstjórn
á Reykjavíkurflugvelli hjá Bretum, en til Flug-
málastjórnarinnar réðist Björn 1. febrúar 1946 og
varð yfirflugumferðarstjóri, er íslendingar tóku við
Reykjavíkurflugvelli í júlí 1946. Starfaði Björn þá
fyrst við flugumferðarstjórn í Turninum, en nú er
aðalstarf hans að vera yfirmaður flugstjórnarmið-
stöðvarinnar fyrir flug á Norður-Atlanzhafi, en hún
er á Reykjavíkurflugvelli. Björn starfaði á Kefla-
víkurflugvelli þegar íslendingar tóku við rekstri
hans árið 1951 og var þá framkvæmdastjóri flug-
þjónustunnar þar og starfaði jafnframt sem flug-
umsjónarmaður, en Björn hefir próf bæði sem flug-
umferðarstjóri og flugumsjónarmaður. Flugum-
ferðarstjórn hefir Björn kynnt sér í Danmörku,
Bretlandi, Kanada og í Bandaríkjunum og hann
kynnti sér einnig flugumferðarstjórn í Þýzkalandi
er Vesturveldin héldu uppi „loftbrúnni" til
Berlínar fyrir nokkrum árum. Prófi í flugumsjón
lauk Björn 1950. Hann hefir tvívegis verið meðal
fulltrúa Islands á flugmálaráðstefnum, síðasta
haust á ICAO-ráðstefnu í Montreal og á norrænni
flugöryggismálaráðstefnu í Kaupmannahöfn í sept-
ember síðastliðnum.
Vér byrjum á því að spyrja Björn um starfsem-
ina i Flugturninum.
„Þar starfa 20 rnanns í fjórskiptum vökum og
má segja að starfsemin sé þríþætt. í fyrsta lagi er
vallarstjórn vegna umferðar urn flugvöllinn, en það
eru aðallega flugvélar íslenzku flugfélaganna í inn-
anlands- og utanlandsflugi og einnig er mikil um-
ferð einka- og kennsluflugvéla. Flugstjórnarmið-
stöðin hefir umsjón með öllu innanlandsflugi, en
Björn Jónsson.
það færist nú æ meira í það horf að vera blindflug
og því verður flugumferðarstjórnin að vera ná-
kvæmari og meira þarf að fylgjast með ferðum
hverrar flugvélar en áður. Auk íslenzkra flugvéla
þar einnig að annast flugumíerðarstjórn vegna er-
lendra flugvéla, sem fylgjast þarf með dag hvern fer
sífellt fjölgandi. Þess má geta„ að radíóvitarnir eru
nú orðnir um 30 talsins víða um land og eftir til-
komu þeirra verður öryggi flugsins meira en áður,
en jafnframt þarf að hafa meiri flugumferðarstjórn
eins og ég drap á áðan. Hver flugvél fær ákveðna
flughæð og flugleið og verður að fara í einu og
öllu eftir fyrirmælum flugumferðarstjórnarinnar.
Þetta eru þeir tveir þættir í starfseminni, sem varða
innanlandsflugið.“
Hver er svo þriðji þátturinn?
„Það er umsjón og umferðarstjórn vegna flug-
ferða á Norður-Atlanzhafi. Við þessari þjónustu
tóku íslendingar árið 1946 og síðan hefur það
svæði, sem við höfum stjórn á, verið stækkað tvisv-
ar, síðast á ráðstefnu ICAO í Montreal í haust.
Nú nær þetta flugstjórnarsvæði frá suðurodda
Grænlands að vestan inn yfir hájökul Grænlands
og allt norður á 73. breiddarstig, en síðan aust-
ur að einni gráðu vesturlengdar og allt suður til
Hjaltlands og þaðan vestur um 60 mílum fyrir
sunnan suðurodda Grænlands. Um þetta svæði er
sívaxandi umferð vestur á bóginn, enda er vestur-
flugið alltaf að færast meira yfir á norðurleiðina.
Þá er einnig aukning í flugi austur á bóginn um
þetta svæði og er þar mikið um herflugvélar, oft
koma litlar einkaflugvélar, sem verða að fljúga í
stuttum áföngum, flugvélar, sem verið er að ferja
22 - FLUG