Flug : tímarit um flugmál - 01.03.1955, Side 37

á ílug um Keflavík og spara vélarnar oft rúmar
tvær klukkustundir enda þótt vegalengdin sé meiri.
Auk þess er aðeins ein millifending á leið-
inni Lundúnir — Keflavík — New York en tvær á
suðurleiðinni Lundúnir — Shannon — Gander —
New York. Þetta er einnig skýringin á því, að svo-
til 90% af lendingum á Keflavíkurflugvelli eru flug-
vélar á vesturleið.“
En nú höfurn viö gleymt „FLIGHT PAA 101“
i „lausu lofti,, ef svo mœtti segja.
„Já, við vorum komnir að útreikningi flugáætl-
unar fyrir vesturleiðina héðan. Þarf þá að reikna
út flugtímann, eldsneytisþörf til flugsins á enda-
stöð og einnig til vara-flugvallar ef lendingarskil-
yrði á ákvörðunarstað bregðast. Flugáætlun verð-
ur að vera tilbúin því að ætlazt er til, að ekki þurfi
nema 45 mínútur til fullrar afgreiðslu vélarinnar
hér, og allar tafir eru mjög kosnaðarsamar. Þegar
„FLIGHT PAA 101“ er farin héðan, eru henni
sendar allar veðurupplýsingar og veðurspár, sem
kunna að berast á meðan. Við fáurn tilkynningu
flugstjórans um staðarákvörðun vélarinnar á
klukkustundar fresti og getum við þá fylgzt með því
hvort vélin heldur áætlun og ílugið gangi að ósk-
um. Við höldum slíku sambandi við vélina þar
til hún flýgur inn á næsta flugumsjónarsvæði, og
fyrir „FLIGHT PAA 101“ er það þá Gander."
Þið afgreiðið að sjálfsögðu fleiri flugvélar en
þessa?
„Já, það er langt frá því að þessi sé sú eina. Stund-
um kemur íyrir, að engin lending er vegna veðurs,
en aðra daga koma upp í 25 flugvélar á sólarhring.“
Hvernig er háttað samstarfi við varnarliðið?
„Islenzku flugumsjónarmennirnir annast af-
greiðslu allra almennra flugvéla hinna ýmsu flug-
félaga, en aftur á móti veitir bandaríski flugherinn
sams konar þjónustu öllum hervélum. Er starfsemi
þessara tveggja aðilja algerlega aðskilin þó nokk-
ur samvinna sé að vísu um athugun og hreinsun á
flugbrautum."
Hafa rnargir notið sérmenntunar i þessu starfi?
„Allir starfsmenn okkar við flugumsjón hafa ver-
ið þjálfaðir í Bandaríkjunum og vegna óvenjulegra
tíðra breytinga á starfsaðferðunr og margra nýj-
unga í flugtækni er óhjákvæmilegt að þjálfunin sé
áframhaldandi, menn verða sem sé seint fullnuma
í þessari grein. Þurfa því allir að fara utan árlega
á stutt framhaldsnámskeið.“ h.
----------------------s
FLOG
Vegna þeirra, sem vilja eignast FLUG frá
upphafi, er hér birt yfirlit yfir árganga þess
og tölu hefta hvers áragangs.
1946 1. árg. 1. tölubl. 32 bls. uppselt
— — — 2. - 40 — uppselt
1947 2. — 1. - 32 — fæst
— — — 2. - 32 — fæst
— - - 3. - 32 — uppselt
1949 3. — 1. - 32 — fæst
— — — 2. - 32 — fæst
— — — 3.-4. - 54 — fæst
— — — 5.-6. — 48 — fæst
1953 4, — 1. - 32 — fæst
— — — 2. - 60 — fæst
1954 5. - 1. - 48 — fæst
— — — 2. — 42 — fæst
1954 5. — 1. - 48 — fæst
— — — 2.-3. - 48 — íæst
Meðan upplag endist, fást einstök hefti
keypt hjá afgreiðslumanni á kr. 17,50 hvert.
1. og 2. hefti 1946 og 3. hefti 1947 eru þegar
uppseld.
TÍ MARITIÐ F L U G
Afgreiðsla: Birkimel 6B - Simi 5588.
v---------------------------------------->
FRtTTIR
Aðalfundur Flugvirkjafélags íslands var haldinn
28. janúar síðastliðinn. Fór fram stjórnarkjör og er
hin nýja stjórn skipuð þessum mönnum:
Ólafur A. Jónasson, formaður, Jón H. Júlíusson,
ritari, Jón A. Stefánsson, gjaldkeri.
Varastjórn: Ragnar Þorkelsson, formaður, Bald-
ur Bjarnason, ritari, Gunnar I.oftsson, gjaldkeri.
☆ ☆ ☆
Dr. Hugo Eckener, hinn frægi þýzki brauðryðj-
andi á sviði loftskipa, lézt 14. ágúst í Þýzkalandi,
86 ára að aldri. Dr. Eckener stjórnaði loftskipinu
Graf Zeppelin í flestum ferðum þess, m. a. er það
flaug umhverfis jörðina árið 1929, svo og er það
kom hingað til íslands árin 1930 og 1931.
FLUG - 35