Læknaneminn - 01.04.2010, Side 5

Mikið er þetta nú búið að vera skemmtilegt.
í blaðið í ár skrifa ýmsir sérfræðingar um helstu málefni líðandi
stundar og þökkum við þeim innilega fyrir þeirra framlag.
Erfiðara reyndist að fá almenna lækna til að skrifa í blaðið. Þeir
sem ekki voru uppteknir við að undirbúa fiutning af landi brott
áttu fullt i fangi með að berjast fyrir bættum, eða að minnsta
kosti óbreyttum kjörum. Skemmst er að minnast baráttunnar
gegn night-float kerfinu sem svo eftirminnilega átti að setja á án
samráðs við starfandi almenna lækna. Eins og flestir vita tókst
þeim með glæsilegri samstöðu og baráttuvilja að sporna gegn
þeim breytingum. Óskum við þeim innilega til hamingju með
árangurinn og þökkum þeim fyrir hönd okkar verðandi lækna.
Baráttan um ráðningarkerfið var hávær í vetur. Eins og áður.
Niðurstaðan var ólögmæti kerfisins. Eins og áður. Við okkur
blasir að kerfið verði aldrei notað framar. Eins og áður.
Kreppan hefur líka skollið á spítalanum og ætti það ekki
að hafa farið framhjá neinum. Sameining Bráðamóttöku og
Slysadeildar var liður í sparnaði Landspítalans og skerðir
það verulega námstækifæri læknanema. I hagræðingarskyni
var líka tekinn upp nýr glæsimatseðill í mötuneyti spítalans -
sem eins og glöggir einstaklingar tóku kannski eftir er gamli
matseðillinn skrifaður með skáletri. Yfirstjórnin sá sér leik á
borði og nýtti tækifærið til að hætta að niðurgreiða mat fyrir
nema - á sjálfu háskólasjúkrahúsinu. Kannski fannst þeim við
öll vera orðin svo feit. Eða of rík, maður spyr sig. Af hverju
getum við ekki bara öll verið vinir?
Þrátt fyrir bölsýni og heimsendaspár megum við ekki
bugast og verða lífsleiðir og taugaveiklaðir leiðindapúkar.
Við megum aldrei gleyma því að læknisstarfið er örugglega
skemmtilegasta starf í heiminum - þess vegna völdum við
okkur þetta fag. A hverjum degi fáum við tækifæri til að
hafa áhrif á líf fólks, deila hugmyndum með kollegum sem
margir hverjir eru framúrskarandi hugsuðir og taka þátt í
atburðarás sem fæstir fá að kynnast á lífsleiðinni. í krafti
smæðarinnar höfum við meiri nánd við sérfræðingana og
fáum fleiri tækifæri til að þjálfa okkur í verklegri færni. Við
eigum þess vegna að líta á hvert verk sem tækifæri en ekki
kvöð. Jákvætt viðhorf er einn flötur af fagmennskunni. Þess
vegna skulum við temja okkur gott viðhorf á spítalanum sem
allra fyrst og hafa gaman að þessu - við eigum jú eftir að
verja ríflegum tíma þar í framtíðinni.
Mikið á þetta nú eftir að verða skemmtilegt.
<J>

-•