Læknaneminn - 01.04.2010, Qupperneq 45

Það getur verið erfitt að ákveða til hvaða
lands maður œtlar að fara í sérfrœðinám.
Gegnum árin hafa margar hryllingssögur
af náminu i Bandaríkjunum borist
manni til eyrna. Okkur langaði til að fá
nasaþefinn af því hvernig það er að vera
lœknanemilunglæknir í Bandarikjunum.
Fyrir valinu varð Mayo Clinic í Rochester Minnesota,
að hluta til vegna orðspors spítalans sem talinn er vera
einn sá besti í Bandaríkjunm, en einnig vegna tengsla sem
auðvelduðu okkur leiðina þangað. í Rochester bjuggum við
hjá íslenskum hjónum sem vinna bæði á Mayo og reyndust
okkur einstaklega vel.
Við lentum á Rochester International Airport í -30°C, en
slíkur kuldi hefur þau skemmtilegu áhrif að nasahárin frjósa
saman um leið og maður stígur út fyrir hússins dyr. Rochester
er smáborg í miðvestrinu sem er fræg fyrir einstaka kurteisi og
varð maður svo sannarlega var við það um leið og maður lenti.
Það lá við að fólk bæðist afsökunar á að mætast á förnum vegi!
Þannig voru líka viðtökurnar á Mayo. Allir á bráðamóttökunni
tóku mjög vel á móti okkur og gengum við strax inn í það
prógramm sem ætlað er læknanemum á Mayo Clinic.
Prógrammið var ekki jafn stíft og við bjuggumst við. Við
vorum á um 4 vöktum á viku en siðan voru alltaf tveir fastir
dagar í kennslu. Einna áhugaverðasti þátturinn í kennslunni
var hermikennslan (e. simulation center). Þessi kennsla fer
fram í sérstakri byggingu á Mayo og hefur verið að þróast
hratt síðustu ár. Allir læknanemar og deildarlæknar eru þarna
þjálfaðir í krefjandi aðstæðum í öruggu umhverfi. í okkar
tilfelli talaði einn sérfræðingur fyrir gervisjúkling á meðan
annar var að meta frammistöðu okkar og fylgdust þeir með
okkur í gegnum myndavélar. Einnig var hjúkrunarfræðingur
fenginn til að gera aðstæðurnar enn raunverulegri.
En kennslan fór auðvitað ekki eingöngu fram við tilbúnar
aðstæður. Á deildunum var stöðug kennsla þar sem allir tóku
þátt og mórallinn var virkilega góður. Við þurftum þó oftast
að vera fljót til ef við ætluðum að ná að sjá sjúklinga prímert,
þvi deildarlæknarnir og kandídatarnir reyna að sjá eins marga
sjúklinga og þeir mögulega geta á hverri vakt. Yfirleitt var
sérfræðingurinn líka farinn að skoða sjúklinginn ef enginn
hafði séð hann innan 5 mínútna!
Lífið fyrir utan spítalann í Rochester er rólegt og á þessum
árstíma er lítið hægt að vera utandyra vegna kulda. Við
ákváðum að bæta okkur það upp með því að ljúka dvölinni
á ferðalagi um Kaliforníu. Við keyrðum frá San Francisco
suður þjóðveg eitt sem býður upp á magnað útsýni, en
vegurinn liggur með vesturströnd Bandaríkjanna.
Við gerum okkur grein fyrir því að aðstæðurnar og
kennslan á Mayo eru liklega eins og þær gerast bestar en hvað
hryllingssögurnar varðar þá pössuðu þær ekki alveg við veru
okkar á Mayo Clinic. Við urðum þó vissulega vör við þann
langa vinnutíma sem bandarískir unglæknar vinna við.
Ferðin var vel þess virði, við fengum reynslu af því að vera
á spitala sem er í fararbroddi í heiminum í dag, eignuðumst
vini og gátum ferðast víða um Bandaríkin.
Asgeir Þór Másson
Guðbjörg JónscLóttir
%