Læknaneminn - 01.04.2010, Síða 50

Perukaka
Kökuboð er ekki kökuboð nema með kökum. Ég gef ykkur
þó ekki upp frekari leyndarmál mín nema þó bara eina mest
beisik köku í heimi. Þetta er eitthvað sem enginn getur klúðrað
og eitthvað sem ekki er hægt að þykja vont. Skrefin eru fá og
verkið er einfalt:
1. Þvoðu hendurnar, þær eru drulluskítugar
2. Mundu eftir sálinni sem þú ætlar að setja í baksturinn.
3. Gufubræddu súkkulaðið.
4. Hrærðu saman eggjarauðurnar og sykurinn. ATH:
Best er að skilja að hvítu og rauðu með berum
höndunum.
5. Þeyttu rjómann.
6. Þeyttu eggjarauðurnar og sykurinn saman og bættu út
í rjómann.
7. Helltu bræddu súkkulaðinu út í blönduna hægt og
rólega og hrærðu á meðan, passaðu að það sé ekki of
heitt. ATH: Ekki klóra þér í nefinu á meðan - sama
hversu mikið þig klæjar.
8. Taktu fram svampbotninn. Ef þú notar niðursoðnar
perur skaltu hella safanum úr dósinni yfir svampbotninn
en einnig er ráðið að hella vökva sem inniheldur talsvert
magn etanóls með. Gott dæmi væri sérrí eða romm.
Perukaka Krem:
Einn djúsí svampbotn 50 g súkkulaði
2 stk eggjarauður
Fokking slatti af djúsí perum 2 msk sykur
Örlítið gómsætt bús 1 peli rjómi
9. Leggðu perurnar á botninn, skornar niður og flysjaðar
ef þess er þörf.
10. Helltu kreminu yfir.
11. Omnomnomnomnomnom.
Nú getur þú haldið þitt eigið kökuboð.
Virðingarfyllst,
Þórir Bergsson, stud. med.
Að góðu verki loknu er um að gera að gleðjast ærlega og taka
mynd af tilefninu svo minningin af góðum stundum deyji ekki
vegna minnkaðs LTP í hippocampus vegna ítrekaðra vísindaferða
og meðfylgjandi inntöku toxískra efna."