Læknaneminn - 01.04.2010, Side 64

framgangi náms. Ekki er um afmarkaða námsskrá að
ræða heldur fyrst og fremst deildarvinnu en auk þess er
mikil áhersla lögð á fræðslufundi og endurmenntun á
barnaspítalanum. Má þar nefna vikulega greinafundi,
tilfellafundi og fimmtudagsfundi, en einnig þykir æskilegt
að unglæknar í barnalæknisfræði leggi stund á rannsóknir
samhliða námi. Auk þess að geta fengið ár metið til náms
í barnalæknisfræði, þykir starfsreynsla á barnaspítalanum
prýðilegur undirbúningur í öðrum sérgreinum, svo sem
HNE, lyflæknisfræði og þá sérstaklega smitsjúkdómafræði.
sérfræðinga og fá leiðsögn við úrlestur mynda. Þá er lögð
áhersla á að unglæknarnir nái tökum á úrlestri einfaldari
myndgreiningarrannsókna og öðlist aukið sjálfstæði eftir því
sem fram líða stundir. Deildarlæknar á myndgreiningu hafa
fengið að taka þátt í þeim inngripsmeðferðum sem fram fara
á deildinni, eftir því sem tækifæri gefast. Bókleg kennsla er á
formi vikulegra fræðslufunda. Að jafnaði eru 2-5 deildarlæknar
ráðnir í einu, flestir ráðnir í eitt eða tvö ár, en sumir þrjú. Vitað
er til þess að reynslan á deildinni hafi nýst þeim sem hafa farið
í framhaldsnám innan Evrópusambandsins.
Augnlœknisfrœði
Fyrir þá sem stefna á sérnám í augnlækningum standa til boða
3 deildarlæknastöður á augndeild, en auk þess eru tveggja
mánaða stöður fyrir kandídata. Að jafnaði hafa læknar getað
tekið helming sérnámsins í augnlækningum hér á landi og
hafa þá ráðið sig á augndeildina til tveggja til fjögurra ára.
Sá tími hefur svo fengist metinn á Norðurlöndunum, en lítið
hefur reynt á það annars staðar í Evrópu. Eins og í flestum
öðrum sérgreinum fæst lítið sem ekkert metið ef haldið er til
Bandaríkjanna, en reynslan af deildinni þykir hjálpa til við að fá
stöðu, enda er mikil ásókn í framhaldsnám í augnlækningum.
Ekki þykir nauðsynlegt að hafa starfsreynslu af öðrum
deildum, en vilji menn víkka sjóndeildarhringinn, þá hefur
reynsla á taugadeild oft gagnast augnlæknum.
Deildarlæknar taka þátt í göngudeild augnsjúkdóma, ýmist
með sérfræðingum eða upp á eigin spýtur. Einnig veita þeir
aðstoð á skurðstofum og þekkst hefur að þeir fái sérstaka
kennslu í helstu skurðaðgerðum augndeildarinnar. Bókleg
kennsla á deildinni er töluverð, fræðslufundir eru haldnir
vikulega, unglæknar fá leiðbeiningar með lestri vísindagreina
og ætlast er til þess að deildarlæknar í programi fari á fjögurra
vikna námskeið í fræðilegri augnlæknisfræði í samvinnu við
Stanford háskólann í Bandaríkjunum. Þá stendur til boða að
ljúka PhD námi á augndeild. Nú hefur einn læknir lokið slíku
námi og eru fleiri að sinna slíkum rannsóknum.
Húð- og kynsjúkdómafrœði
Ekki stendur til boða formlegt sérnám i húðlæknis- og
kynsjúkdómafræði hér á landi og ekki hefur tíðkast að starf
á deildinni sé metið inn í prógröm annars staðar. Þó hefur
reynsla á húð- og kynsjúkdómadeildum gagnast unglæknum
þegar sótt er um stöður í framhaldsnám erlendis og kemur þá
tvennt til: Annars vegar er horft í reynsluna sem unglæknar fá
á deildinni hér og hins vegar geta sérfræðingar á húðdeild veitt
meðmæli, en mikil ásókn er í þetta fag og oft erfitt að komast
í góðar stöður.
Myndgreining
Mikið aðhald er með deildarlæknum sem ráða sig til
starfa á myndgreiningardeild og er kennsla á deildinni
umtalsverð, þó að formleg námsskrá liggi ekki fyrir.
Deildarlæknar á myndgreiningu starfa undir vökulu auga
Meinafrœði
A rannsóknarstofu í meinafræði eru stöður fyrir 3 deildarlækna.
Ekki er boðið upp á sérnám í meinafræði hér á landi en þó
hafa sérfræðingar skyldu við að sjá um kennslu í meinafræði
fyrir unglækna sem starfa á deildinni. Deildarlæknar sem hafa
starfað í meinafræði hér hafa því oftast góða reynslu sem nýtist
þeim þegar haldið er út til sérnáms. Einnig hafa sérfræðingar
deildarinnar getað veitt góð meðmæli.
Erfðalœknis- og sameindalíffrœði
Ekki er boðið upp á sérnám í erfðalæknis- og sameindalíffræði
á Islandi og einungis sérfræðingar starfa á erfðalæknis- og
sameindalíffræðideild. Sérfræðingar deildarinnar eru þó
boðnir og búnir að leiðbeina unglæknum um stöður erlendis
hyggi þeir á sérnám í erfðalækningum og geta boðið upp á
rannsóknarstöður í erfðalækningum.
Þegar á heildina er litið má segja að flest það framhaldsnám
sem stendur til boða hér á landi byggist á reynslu á deildum
og er það undir hverjum og einum komið að halda utan um
þá reynslu og koma á framfæri þegar út er haldið. Þá er það
á ábyrgð hvers og eins að ráða sig á deildir sem nýtast honum
sem best í því fagi sem stefnan er tekin á. Þó að sjaldnast
sé um fastskorðaðar námsstöður með tilheyrandi aðhaldi að
ræða þá veitir þetta fyrirkomulag í raun gott svigrúm til að
raða saman námstækifærum eftir því sem hverjum og einum
þykir fýsilegast.
Þegar áfangastaður er valinn fyrir framhaldsnám, virðist
tilhneigingin vera sú að þeir sem halda til Norðurlanda fá
flestir reynslu sína metna, ýmis önnur lönd í Evrópu meta
reynsluna, en yfirleitt fæst ekkert metið í Bandaríkjunum.
Að lokum má nefna að vönduð vinnubrögð, dugnaður og
gott orðspor vegur þungt þegar umsókn um framhaldsnám er
tekin til skoðunar og því mikilvægt að temja sér snemma góða
siði.
Anna Lind
Kristjánsdóttir