Læknaneminn - 01.04.2010, Qupperneq 74

fyrir ítrekuð boð félagsins um slíkt. Ljóst er nú að skilningur
heilbrigðisráðuneytisins á ráðningafyrirkomulaginu var rangur.
FL gerir ráð fyrir að orðalag ráðningarreglnanna ráði þar
einhverju um, en það er á margan hátt meingallað og stagbætt
auk þess sem sumar greinar reglnanna eru hreinlega úreltar
og hafa ekki verið virkar um árabil. Fulltrúar FL fengu
síðan loksins 19.apríl 2010 að koma því á framfæri við heil-
brigðisráðuneytið hvernig ráðningakerfið virkar í raun og veru.
Heilbrigðisráðuney tið hefur áréttað að heilbrigðisstofnunum
sé óheimilt að framselja ráðningarvald til Félags læknanema**.
Það hefur þó alltaf verið ljóst af hálfu Félags læknanema að
félagið hefur ekkert ráðningarvald. Heilbrigðisráðuneytið telur
þó ekkert mæla gegn því að heilbrigðisstofnanir leiti aðstoðar
Félags læknanema við að annast afmarkaða þætti við undir-
búning ráðningar starfsmanna**.
Sú staða sem upp er komin krefst þess samt að hafinn verði
vinna við endurskoðun ráðningarreglnanna. Landlæknir hefur
óskað eftir aðkomu að þeirri vinnu. Stefnan er sett á að nýtt
fyrirkomulag muni þjóna læknanemum og stöðuveitendum jafn
vel og það fyrra. Óþarfi er því að örvænta enn sem komið er.
Barátta um hvern bita.
Við lifum nú á niðurskurðartímum og ekki er séð fyrir
endann á niðurskurðinum hvorki í Háskólanum né á LSH.
Félag læknanema hefur unnið að hugmyndum um hvernig
viðhalda megi gæðum kennslunnar á krepputímum og skilað
fyrstu niðurstöðum til deildarráðs læknadeildar. Ljóst er að
mikil vinna er framundan og mun FL taka höndum saman
með öðrum nemendafélögum á heilbrigðisvísindasviði enda
sameiginlegra hagsmuna að gæta. Það átta sig allir á þeim
sparnaði í ríkisútgjöldum sem þarf að fara fram en það er okkar
verk að benda á að framtíð heilbrigðiskerfis með fáliðuðum og
illa menntuðum starfsmönnum er ekki björt. Leggi allir sitt af
mörkum má koma í veg fyrir slíka framtíð.
Að lokum vil ég þakka þeim stóra hópi sem komið hefur að
starfi félagsins þetta frábæra starfsár.
Dagur Ingi Jónsson
Formaður Félags lceknanema
*Samkvœmt skilningi undirritaðs á áliti Umboðsmanns Alþingis
(mál nr. 5858/2009).
**Samkvœmt bréfi Heilbrigðisráðuneytisins tilforstöðu-manna
heilbrigðisstofnanna dagsett 21.april 2010 (HBR09060037/
07.20.00). Bréfið er birt i heild sinni hér að neðan.
Berist til forstöðumanna heilbrigðisstofnana
Reykjavík 21. apríl 2010
Tilv.: HBR09060037/07.20.00
í framhaldi af bréfi ráðuneytisins, dags. 13. apríl sl., vegna ráð-
ningar læknanema vill ráðuneytið koma eftirfarandi skýringum
á framfæri:
Almennt ber að auglýsa laus störf hjá hinu opinbera, þó er ekki
skylt að auglýsa störf við afleysingar enda sé henni ekki ætlað
að standa lengur en í 12 mánuði samfellt. Sé laust sumarstarf
ekki auglýst telst ákvörðun um ráðningu í starfið engu að síður
stjórnvaldsákvörðun og ber að fylgja málsmeðferðarreglum
stjórnsýslulaga.
Forstjórum heilbrigðisstofnana ber að meta þær umsóknir sem
berast sjálfstætt og taka ákvarðanir um ráðningu starfsmanna
stofnunarinnnar. Þeim er óheimilt að framselja þetta vald til
Félags læknanema eða annarra aðila utan stofnananna. Ekkert
mælir þó gegn því að heilbrigðisstofnanir leiti aðstoðar Félags
læknanema til að annast afmarkaða þætti við undirbúning að
ráðningu starfsmanna.
Heilbrigðisstofnun þarf að leggja mat á þær umsóknir sem
berast og velja til starfans þann umsækjanda sem hæfastur
verður talinn. Forstjóri heilbrigðisstofnunar ber ábyrgð á þessu
mati og að jafnræðis sé gætt við réðningu. Þegar ákvörðun
hefur verið tekin ber að tilkynna umsækjendum um niðurstöðu
og benda þeim á rétt til rökstuðnings.
Að lokum vill ráðuneytið leggja áherslu á að ákvörðun um
ráðningu læknanema sé byggð á heildstæðu mati heilbrigðis-
stofnunar á þeim umsóknum sem berast og að umsækjendum
sé ekki mismunað eftir því hvort þær berast fyrir milligöngu
Félags læknanema eða beint frá umsækjanda.
Fyrir hönd réöherra
Guðríður Þorsteinsdóttir
Ásiaug Einarsdóttir