Goðasteinn - 01.09.1968, Side 19

Breiðabólsstaður í Fljótsblið.
hann liprar gáfur, fékk gott orð og var búmaður í betra lagi,
segir dr. Páll Eggert Ólason um hann. Hann bætti staðinn mjög
að húsakosti og cndurbyggði kirkjuna að innan og vandaði mjög
til þess verks. Næstur situr Breiðabólsstað sr. Skúli Gíslason, er
áður hafði verið prestur að Stóra-Núpi í þrjú ár. Fékk hann
brauðið 1859 og hélt til æviloka, 1888. Á prestsskaparárum hans
eða árið 1879, voru Fljótshlíðarþing sameinuð Breiðabólsstað.
Voru það Tcigs- og Eyvindarmúlasóknir, sem scinna voru sam-
einaðar í eina sókn og kirkja byggð að Hlíðarenda. Sr. Skúli var
prófastur frá 1880 til æviloka. Hann var og amtráðsmaður frá
1878-88. Hann var ræðumaður góður og hagmæltur og hinn mesti
skörungur að allri gerð. Hann var fræðimaður mikill og þjóð-
sagnaritari einn hinn afkastamesti.
Þá tekur við staðnum 1889 sr. Eggert Pálsson og hélt til ævi-
loka 1926, og eftir hann sr. Sveinbjörn Högnason frá 1927-63.
Báðir voru þeir afkomendur sr. Högna prestaföður, og hafa nú
alls fimm afkomcndur hans setið Breiðabólsstað eftir hann. Báðir
Goðasteinn
17