Goðasteinn - 01.09.1968, Side 60

Líf hans ailt var: vaka, vinna,
vörn og sigur réttra saka.
Bezti vörður vina sinna.
Versti fjandi gríðarsnaka.
Samur í vörn og sóknum var hann.
Sigur af hverjum hólmi bar hann.
Það mun enginn þora að telja
Þórstrú fyrir Kristni framan.
Þorgeiri var þraut að velja.
Þær voru góðar báðar saman.
Þjóðin bæði þá og missti,
er Þór vék fyrir Hvíta-Kristi.
Þórstrú fyrir þúsund árum
þokaði fyrir nýrri kenning,
roðinni blóði, rakri af tárum,
- ríkir þó enn í vorri menning -
Mörg af vænstu verkum andans
vuxu af rótum heiðna andans.
Hún er góð in kristna kenning,
ef klerkar þið viljið aftur laga
helvíti og helga þrenning -
og hitt sem þið hafið skekkt - til baga -
En íslenzk þjóð skal alla daga
einnig blóta Þór og Braga.
58
Goðasteinn