Goðasteinn - 01.09.1968, Qupperneq 85

allgott. Ég skildi eina kú eftir í Arabæ, þegar ég fór en tók með
mér 4 kýr að Brekkum og 20 kindur veturgamlar og 13 hross. Sláttu-
vélina seldi ég líka, því ég hafði ekki not fyrir hana á Brekkum,
þar var ekkert af véltæku landi. Kristrún tcngdamóðir mín fór
með tveimur dætrum sínum til Reykjavíkur. Þar keyptu þær hús
og bjuggu í félagi í því við góða afkomu. Litla Kristrún mín fór
með okkur að Brekkum og var hún þá fimm ára gömul. Einnig fór
með okkur unglingspiltur, sem komið var fyrir hjá mér. Var hann
frá Stokkseyri, átti fáa að og var á hreppsframfæri. Ég tók lítið
með honum, enda farinn að vinna ýmislegt.
Nú fór að koma að því að ég færi að færa mig að Brekkum,
og var það dálítið erfitt, vegna þess hvað vegasambandið var langt
og leiðin krókótt. Ekki var kominn akfær vegur frá Arabæ til
Stokkseyrar, en ég varð að fara þá leið, síðan að Selfossi og það-
an austur yfir Flóann. Hefur það verið um 70 km aðra leiðina og
lítið hægt að láta á vagnana, enda fór ótrúlega langur tími í þetta.
Það er öðruvísi að færa sig úr stað á þessum árum.
Það var kominn fyrsti maí og að nálgast sá tími, sem ég þurfti
að fara að færa mig austur yfir Þjórsá. Varð ég að byrja á kon-
unni, vegna þess að það var von á, að hún fæddi barn og fengi að
vera á Berustöðum fram yfir þann tíma hjá forcldrum mínum. Ég
fór því upp að Ncsi, en þar var flutt yfir ána. Ég fékk lánaðan bát,
og fórum við yfir ána að Sandhólaferju. Fékk ég þar hesta og fór
með Margréti að Berustöðum um kvöldið, síðan til baka og því
næst til Reykjavíkur til að ná í vörur fyrir búið á Brekkum. Frá
Reykjavík fór ég til baka og austur aftur, og þegar ég kom að
Lögbergi, hringdi ég að Meiri-Tungu til að fá fréttir af Margréti.
Var mér þá sagt, að það liði vel og að fæddur væri drengur. Þetta
var 7. maí. Voru þau mæðgin á Berustöðum, þangað til búið var
að skíra drenginn, og var hann látinn heita Sigurður. Næstu ferð
að Brekkum fór ég frá Árbæ 16. maí og færði þá áburð á hestum
fram að Þjórsárbrú. Þaðan gat ég flutt á vögnum austur Holtaveg-
inn, en að vísu var vegurinn ekki fær vögnum vegna holklaka og
forarbleytu. í þessari ferð fór ég með öll hrossin, 13 að tölu. Næst
var að sækja kýrnar. Gerði ég það í byrjun júní. Var það mjög
seinlegt og fór mikill tími í það.
Goðasteinn
83