Ársrit Torfhildar - 01.11.1990, Blaðsíða 14

Afleiðingin er sú að hún bætir engu við þann mikla
trúarskáldskap sem biblían og eldri skáld bjóða upp á.
Fyrir utan það að skrifa slæma ritdóma hefur Erlendur tekið
upp á þeim ósóma að taka tvö eða fleiri skáld fyrir í einu. Hvert
skáld fær þá umfjöllun upp á 20-30 línur. Síðan er birt brot úr
ljóði ef eitthvað pláss er eftir. Þessi aðferð er hrein og bein
móðgun við höfundinn og lesendur og gegnir engum tilgangi. Það
kemur málinu hreint ekkert við hvort bókin er góð eða vond. Ef
ritdómari ákveður að skrifa um einhverja bók þá ber honum
skylda til að gefa lesendum einhverja innsýn inn í hana. En látum
Erlend dæma sig sjálfan:
Þögn Ólafs Haraldssonar inniheldur minni íhugun en stefnir því
meir í átt til skáldlegra tilþrifa. Að hætti margra nútímahöfunda
rýnir Ólafur í hið tímalausa andartak og leitast við að draga upp
raunsannar myndir úr hversdagsleik nútíma manneskjunnar.
Eins og margur ungur höfundur bregður hann á leik annað veifið
til að sanna að hann sé hvorki klassískur né gamaldags heldur töff
og svalur. Annars er texti hans með köflum kunnáttulegur og að
mínum dómi skemmtilegur. Sér í lagi getur Ólafi tekist að skrifa
samtöl sem sum hver eru nöturlega raunsönn n
Lengri er umsögnin um bók Ólafs ekki. Og er lesandinn
einhverju nær?
Þekktasti gagnrýnandi Morgunblaðsins er vafalaust Jóhann
Hjálmarsson. Til eru þeir sem kafna næstum í blótsyrðum þegar
nafn hans ber á góma. Svo eru aðrir sem hafa ekkert nema gott
eitt um ritdómana að segja. Með öðrum orðum þá er hann
umdeildur maður.
Dómar Jóhanns eru nær undantekningarlaust stuttir og
yfirvegaðir. Sjaldan skammast og sjaldan hrifist. Stundum læðist
reyndar að mér sá grunur að Jóhanni leiðist starf sitt og skrifi
dómana út frá ákveðinni formúlu; fyrst fáein orð um skáldið,
næst tvær til þrjár setningar um bókina, þá stutt ljóðadæmi og
loks lokaorð. Þessi formúla Jóhanns gefst misvel. Oftar en ekki
situr lesandinn eftir og er litlu nær um bókina. Og ekki bætir það
að sjaldan eru dómarnir ritaðir af ástríðu; tilfinningar Jóhanns
12