Ársrit Torfhildar - 01.11.1990, Síða 17

En Jóhann er nú ekki alslæmur. Maðurinn er skáld og skilar
það sér að einhverju leyti út í stflinn. Ég man ekki eftir að hafa
rekist á klúðurslega setningaskipan hjá honum. En mikið vildi ég
sjá meira líf í dómunum; blásið þið vindar. Lífleysi stflsins helst í
hendur við skoðanaleysið og er það alls ekki nógu góður kokteill.
Það kemur þó fyrir að Jóhann hvessir röddina. Misgóðar bækur
Stefáns Snævars hræra í tilfinningum ritdómara. 1988 gefur hann
út bókina Stefánspostilla og virðist bókin vera það slæm að
jafnvel Jóhann sýnir viðbrögð:
Af Stefánspostillu má ráða eins og reyndar fleiri bókum Stefáns
Snævars að hann skortir nokkuð dómgreind og þyrfti að fá sér
góða leiðbeinendur með áframhaldandi útgáfu í huga ... Galli á
ekki stærra kveri er að prófarkalestur ber hirðuleysi vitni. 16
Jóhann Hjálmarsson mætti einnig fá sér góða leiðbeinendur
með áframhaldandi gagnrýni í huga. Og það væri við hæfi að
hann dreypti af bikar ástríðna fyrir hvern dóm.
Fyrir um það bil ári síðan eignaðist Morgunblaðið nýjan
ritdómara, Inga Boga Bogason. Ég læt hann sjálfan um að kynna
sig:
Stíll þessarar litlu ljóðabókar er talmálslegur og óupphafinn. Á
móti vegur ríkuleg myndvísi sem oftast er fólgin í beinum
myndum sem þó samsvara ekki endilega ytri veruleika. Fantasían
er ekki Qarri. 17
Þetta er byrjunin á dómi hans um bók Rögnu Sigurðardóttur. Ef
menn eru að skrifa texta sem þeir ætlast til að ókunnugt fólk útí
bæ lesi, þá er nauðsynlegt að hefja mál sitt á þann hátt að
lesandinn vilji halda áfram. Annaðhvort gleymir Ingi Bogi þessu
yfirleitt eða getur það ekki: "myndum sem þó samsvara ekki
endilega ytri veruleika" verður að teljast ljót setning og ekki
góður inngangur. Það má þó réttlæta hana með því að benda á
að í heild sinni er dómurinn ekki góður:
15