Ársrit Torfhildar - 01.11.1990, Qupperneq 29

fyrri bókunum. Síðan fer hann út í Tvö tungl og er vægast sagt
jákvæður. Það er að vísu ekki vítavert, langt í frá, enda Gyrðir
með fína bók. En það er eins og einhver sagði við mig; Hrafn sér
ekki út fyrir hrifningarmóðuna:
Af öllum bókum jólavertíðarinnar beið ég nýrrar ljóðabókar
Gyrðis Elíassonar með mestri eftirvæntmgu... eftirvænting mín
var... sprottin af því, að ég þóttist vita að í nýrri bók myndi Gyrðir
fara aðrar slóðir en áður.
Og mikið rétt, Gyrðir fór aðrar slóðir og Hrafn í skýjunum, missir
allt jarðsamband. Afleiðingin er lofsöngur, skemmtilega
skrifaður að vísu, en óneitanlega einlitur. Svo virðist sem bókin
sé gallalaus og lokaorð dómsins eftir því: "Þessi bók er tvö tungl,
þrjár sólir og fjórar stjörnur." Ráðlegg Hrafni að staldra stundum
við og flýta sér aðeins hægar en mjög hratt. Heimurinn breytist
ekkert voðalega mikið dag frá degi.
Nú er ég búinn að skamma Hrafn, en hann má ekki taka það
persónulega. Og það sama gildir um mishæfileikaríka kollega
hans.
Heimildaskrá:
1. Örn Ólafsson: "Að risi gangi um garð". DV, 13. janúar 1989. Um "Lágt
muldur þrumunnar".
2. Örn Ólafsson: "Bjartur dagur", DV, 8. desember 1989.
3. Örn Ólafsson: "Flatneskja", DV, 6. september 1986.
4. Örn Ólafsson: "Flogið frá skáldskapnum", DV, 4. mars 1988. Um "Hraðar
en ljóðið"
5. Kjartan Árnason: "Við lífsins blá haf', DV, 14. október 1989. Um "Vogrek"
6. Kjartan Árnason: "Svanasöngur á heiði", DV, 6. október 1989. Um
"Steiktir svanir"
7. Kjartan Árnason: "Feðgin kveðja", DV, 21. maí 1990.
8. Kjartan Árnason: "Ást, þögn og von". DV, 31. október 1989. Um "Stundir
úr lífi stafrófsins"
9. Erlendur Jónsson: "Draumur um borg", Morgunblaðið, 19. ágúst 1986.
10. Erlendur Jónsson: "Eftir komu páfa”, Morgunblaðið, 1. október 1989.
Um "Stjörnurnar í hendi Maríu"
11. Erlendur Jónsson: "Skoðanir og skáldleg tilþrif', Morgunblaðið, 5.
desember 1989.
12. Jóhann Hjálmarsson: "Andleysið verður yrkisefni". Morgunblaðið, 18.
febrúar 1989.
27