Upp í vindinn - 01.05.2011, Síða 25

Saga verkfræðináms við Háskóla íslands
(
einn doktorsnemandi birtist í deildinni, oft
útlendingar, og styrktn þær rannsóknir sem verða
að vera undirstaða góðrar verkfræðimenntunar. Á
2007 árunum, þegar allt þjóðfélagið var komið á
hvolf í taumlausri græðgi og óráðsíu, var erfítt að
halda í nemendur að loknu BS prófí. Bankarnir
sóttust eftir beztu nemendum deildarinnar
vegna stærðfræðikunnáttu þeirra til að gera þá að
fjármálamönnum.
Framtíð verkfræðimenntunar og
lokaorð
Árið 2008 urðu miklar breytingar á stjórnskipan
og starfsemi Háskóla Islands. Gömlu
háskóladeildirnar voru lagðar niður og mynduð
svoköllu fræðasvið með tiltölulega sjálfstæðri
yfirstjórn. Má líkja þeim við sjálfstæða skóla
undir regnhlíf háskólans, en slíkt fyrirkomulag
tíðkast við mjög marga erlenda háskóla.
Nokkar deilur urðu innan verkfræðideildar
og raunvísindadeildar um skipan mála, en svo
fór að lokum, að raunvísindin og verkfræðin
voru sameinuð í hinu nýja verkfræði- og
náttúruvísindasviði. Sviðinu er skipt niður í
sex deildir. Þar eru verkfræðideildirnar þrjár,
en tölvunarfræðin sameinaðist iðnaðar- og
vélaverltfræðideild. Aðrar deildir eru jarðvísinda-,
umhverfís- og lífvísinda-, og raunvísindadeild.
Þannighöfðu hjónin, verkfræðin og raunvísindin,
sem skildu vegna ósamkomulags 1985, náð
saman aftur. Þeim sem þetta skrifar, hugnast vel
sú breyting. Eg sá alltaf eftir raunvísindadeild
eftir skiptin 1985, því að án traustrar undirstöðu
raunvísindanna er verkfæðimenntun ein og sér
innihaldslítil.
I kjölfar þessara breytinga kom hrunið. I einni
svipan gufuðu störf flestra verkfræðinga upp,
sérstaldega í byggingariðnaði og hjá bönkunum.
Hefur þetta leitt til þess, að mikil gróska er
komin í meistaranámið. Nemendur halda nú
áfram námi eftir BS próf, þar sem störf eru ekki
lengur á hverju strái. Fyrir hrun var ástandið
orðið þannig, að nemendur voru ,,grabbaðir“
af fyrirtækjum og bönkum strax efdr að prófum
var lokið. Þá hefur doktorsnámið tekið mikinn
kipp, og fjöldi nemenda stundar nú slíkt nám
við verkfræðideildirnar, margir þeirra erlendir.
Þannig er framtíðin nokkuð björt, en viðvarandi
húsnæðisskortur og naumar fjárveitingar til
starfseminnar eru þó áhyggjuefni.
Á þeim 40 árum sem liðin eru, síðan verkfræði-
og raunvísindadeild varð ein af höfuðdeildum
Háskóla Islands, hafa orðið miklar og jákvæðar
breytingar á íslenzku þjóðfélagi. Þær má aðallega
rekja til þeirra fjölmörgu raunvísindamanna og
verkfræðinga sem útskrifazt hafa frá deildinni.
Fyrir 1970 voru einungis nokkrir tugir
raunvísindamanna starfandi á Islandi og fáein
hundruð verkfræðinga. Yfir 4000 vel menntaðir
raunvísindamenn og um 2000 verlcfræðingar
hafa haldið til starfa á þessum áratugum,
útskrifaðir frá H.I. Það munar um minna í litlu
þjóðfélagi. Stjórnvöld landsins virðast hins vegar
ekki átta sig enn á því hvað borgar sig bezt til að
tryggja áframhaldandi hagsæld og betra Island.
Það verða verkfræðingar og náttúruvísindamenn
sem munu leiða okkur inn í hagkerfi sjálfbærrar
þróunar, en ekki stjórnmálamenn, lögfræðingar
og fjármálafræðingar, þótt slíkir menn hafi einnig
mikilvægu hlutverki að gegna í nútíma þjóðfélagi.
Júlíus Sólnes
OMEGA-3
FJÖLVÍTAMÍN
STEINEFNI