Upp í vindinn - 01.05.2016, Qupperneq 30

uppbyggingu vindorku. Samræma
þarf reglur á milli sveitarfélaga, til að
koma í veg fyrir undirboð á jörðum
og landareignum og umfram allt að
tryggja gæði en ekki magn.
Tækifæri
Verkferlið sjálft er langt, allt
frá forskoðun og rannsóknum,
frumhönnun og mælingum,
mati á umhverfisáhrifum,
skipulagsbreytingum og loks til
verkhönnunar, framkvæmda og
viðhalds. Góðar og gildar ástæður eru
fyrir því þar sem mikil verðmæti eru
í húfi, hvort sem um ræðir náttúruna
og víðernin, samfélagsleg áhrif eða
fjárhagslega afkomu. Því er nokkuð
ljóst að ríki og sveitarfélög þurfa í
sameiningu að leggja nákvæmar línur
til að tryggja að samfélagið sé búið
undir ásókn frá áhugasömum aðilum
sem ráðast vilja í undirbúningsvinnu
og framkvæmdir.
Tækifærin liggja ekki síst í að
útbúa öfiugt regluverk svo að
ríki og sveitarfélög geti unnið
stefnu um nýtingu vindorku og
annarra orkugjafa og innleitt inn
í skipulagsáætlanir sínar, t.d.
aðalskipulag. Með því móti má
vonandi tryggja að vinnan sé
unnin út frá réttum upphafspunkti
til enda.
Eðlilegt er að fólki sé umhugað um
umhverfið sitt og þyki óæskilegt að
raska ásýnd landsins. Því er brýnt
að ráðast í þá vinnu að leggja grunn
að skynsamlegri og ásættanlegri
nýtingu vindorku fyrir fjöldann.
Skipuleggja þarf vandlega hvar
vindmyllur eru æskilegar, með
tilliti til orkuframleiðslu og áhrifa
á náttúru, lífríki og samfélag. Ein
leiðin er að móta stefnu um hvar
við viljum ekki hafa vindmyllur og
skapa þannig vandaða um&jörð um
frekari uppbyggingu á þessu sviði
frá upphafi. Skotar hafa valið að fara
þessa leið og meðal annars skilgreint
svæði þar sem vindmyllur eru ekki
taldar fýsilegar út frá margvíslegum
þáttum, s.s. svæði á náttúruminjaskrá,
víðerni þar sem ásýnd er mikil o.fl.
Stíga þarf varlega til jarðar þegar
kemur að því að taka ákvarðanir
um þessa nýju tegund orku- og
landnýtingar hérlendis og undirbúa
stjórnvöld, sveitarfélög, almenning
og aðra sem eiga hlut að máli til að
takast á við áskoranirnar sem felast í
þessu nýja viðfangsefni. Hafa skal þó
hugfast að ávinningurinn getur einnig
verið mikill, bæði fyrir umhverfið
og samfélagið.
EFLA og vindorka
EFLA hefur verið brautryðjandi
í hönnun vindlunda hér á landi.
Undanfarin misseri hefur fyrirtækið
komið að þó nokkrum verkefnum
í tengslum við vindorku. Má þar
nefna frumhönnun og verkhönnun
á Búrfellslundi fyrir Landsvirkjun,
sem og ýmsar frumathuganir á
hugsanlegri vindorkunýtingu
víðsvegar um landið. EFLA býður
upp á heildarþjónustu við mat
á vindorku, allt frá frummati á
orkugetu svæða, mati á hagkvæmni
og mögulegum umhverfisáhrifum,
til útboðs- og lokahönnunar.
Auk þess býður fyrirtækið
upp á framkvæmdaeftirlit. Þá
aðstoðar EFLA einstaklinga,
fyrirtæki, stofnanir og sveitarfélög
við stefnumótun og gerð
skipulagsáætlana í tengslum
við vindorku.
EFLA hefur unnið að því að
kynna fyrir sveitarfélögum
hvernig þau geti undirbúið sig
fyrir framtíðarþróun í vindorku
með áherslu á stefnumörkun um
landnotkun og hagsmunagæslu
fyrir íbúa og sveitarfélagið að
leiðarljósi. Ávinningur samfélagsins
af slíkri stefnumótun er mikill. Slík
skipulagsvinna stuðlar að samræmdri
og vandaðri nýtingu allra auðlinda
sveitarfélags og samfélagsins í heild.