Bergmál - 01.02.1948, Blaðsíða 65

1 9 4 8 -------------------------------------------- B E R G M Á L
en St. Pierre og Bateese voru þeir einu, sem höfðu heyrt hvað Davíð
sagði.
„Syntuð þér yfir til flekans?" spurði St. Pierre með tortryggni í
málrómnum. „Þér horfðuð inn um gluggann og sáuð. . . .“
Davíð kinkaði kolli. Hann gat ekki dulið fyrirlitningu sína á
manninum, sem hann var að tala við. „Já, ég sá í gegnum gluggann,
yður og vesælustu konuna í öllu Three-Rivers-héraðinu, systir
mannsins, sem ég sendi í gálgann. Ég .. .
„Hættið!“
Rödd St. Pierres hljómaði sem þruma. Hann gekk feti framar,
hann var öskugrár í framan og augun skutu gneistum. Með herkju-
brögðum tókst honum að stilla sig. Hann reyndi að brosa og sam-
stundis tók Davíð eftir að Bateese brosti gleiðu brosi. Breytingin á
St. Pierre líktist því þegar sólin brýzt fram gegnum dimm ský.
Það fór að rymja í honum og varð það að niðurbældum hlátri,
jafnframt horfði hann yfir til íbúðarprammans.
„Hr. minn, yður finnst það synd hennar vegna? Þér viljið
berjast ....?“
„Fyrir heiðarlegustu og göfugustu konu, sem fyrirfinnst í heim-
inum, — konuna yðar!“
„Þetta er skringilegt", sagði St. Pierre. Hann talaði lágt við
sjálfan sig og horfði aftur á prammann. „Já, þetta er í meira lagi
fyndið kæra Marie-Anna mín. Hann hefur sagt að hann sé hrifinn
af þér, hann hefur kysst hár þitt, þegar hann hélt þér í örmum sín-
um, — en þrátt fyrir það vill hann lumbra á mér af því að hann
heldur að ég sé stórsyndari, og til að koma mér til að berjast við
sig í stað Bateese, kallaði hann Carmin mína vesæla konu. Hvað
get ég nú gert annað en að berjast við hann og lúskra honum þangað
til hann getur ekki staðið á fótunum? Og þá sendi ég hann aftur til
þín Marie-Anna, svo að þú getir hjúkrað honum aftur. Ég hugsa
að hann þoli refsingu sína með glöðu geði þegar hann á von á því!
Ekki satt hr. minn?“
Hann brosti þegar hann sneri sér að Davíð og var alveg orðinn
rólegur.
„Herra minn, ég ætla að berjast við yður, og veðmálið skal standa
óbreytt. Við skulum tala hreinskilnislega hvor við annan. Þér elskið
63