Bergmál - 01.02.1948, Qupperneq 41

KURT SINGER:
Maðurinn, sem sökkti
ROYAL OAK
Maðurinn, sem sökkti brezka beitiskipinu var
ekki hetjan, sem hyllt var að sigri loknum.
Styrjöldin hafði ekki staðið lengi. Það var í október árið 1939,
á öðrum mánuði hildarleiksins, sem átti eftir að verða langur og
blóði drifinn. í meir en viku hafði Canaris aðmíráll dvalizt stöðugt
á skrifstofu sinni í Bendelstrasse 14. Þar hélt hann til nótt sem dag
og gaf sér aðeins nokkurra stunda hvíld annað slagið og hallaði sér
þá á sófa í skrifstofunni. Starf hans var miklu meira en eins manns
verk, en Canaris var illa við að hafa nána aðstoðarmenn og nú sízt
af öllu.
Fyrstu vikurnar voru honum lang erfiðastar, því að þá streymdu
að skýrslur í þúsundatali. Ráðabrugg og áætlanir, sem um mörg ár
höfðu verið í undirbúningi voru nú að bera ávöxt. Margar upplýs-
inganna voru þýðingarmiklar en margar voru líka gagnlausar. Þær
komu frá öllum hlutum jarðskorpunnar, sendar í bréfum, símtöl-
um, á dulmáli og útvarpi. Hverja smáupplýsingu varð að athuga
gaumgæfilega, hvaða gildi hún kynni að hafa í nútíð og framtíð.
Það var eftir miðnætti dag nokkurn í þessum októbermánuði,
að dulmálsskeyti kom# — skeyti, sem hafði haldið aðmírálnum
andvaka um skeið. Loksins var það komið. Það hljóðaði á þessa
39