Goðasteinn - 01.09.2009, Síða 67

Goðasteinn 2009
a. Reykholt er einn helsti sögu- og minjastaður á íslandi. Staðurinn hefur
aðdráttarafl jafnt fyrir almenning sem fræðimenn, íslendinga og
útlendinga. Erlendis er nafn Reykholts þekkt.
b. Virtar rannsóknarstarstofnanir staðsettar fjarri háskólamiðstöðvum og
stórborgum eru víða til enda oft talinn góður kostur fyrir ýmsa fræði-
lega starfsemi að vera fjarri skarkala og ýmsu ónæði borga og háskóla-
þorpa. Vegna nútímatækni og stöðugt öflugri samgangna verður
tæpast sagt að staðsetning Snorrastofu standi rannsóknarstarfsemi
hennar fyrir þrifum. Má jafnvel fullyrða að staðsetning hennar á
hinum sögufræga stað hjálpi frekar til heldur en hitt við að skapa henni
nafn erlendis og styrkja alþjóðleg bönd. Er óhætt að segja að alþjóðleg
samskipti Snorrastofu hafi vakið eftirtekt enda hafa vel á annað
hundrað erlendir fræðimenn komið í Reykholt á umliðnum árum,
ýmist vegna þátttöku í rannsóknarverkefnum, ráðstefnum Snorrastofu
eða til dvalar í fræðimannsíbúðum við rannsóknir.
c. Aðstaða í nýju húsnæði stofnunarinnar er góð fyrir fyrirlestra- og
ráðstefnuhald, auk sýninga í sal undir Reykholtskirkju og í móttökusal
í tengiálmu milli kirkjunnar og Snorrastofu. Þá er íbúð fyrir gest-
komandi fræðimenn í Snorrastofu. Húsnæði gamla Héraðsskólans í
Reykholti er einnig í umsjá stofnunarinnar en þar er ráðstefnusalur og
vönduð fundaraðstaða ásamt gistiaðstöðu fyrir fræðimenn.
d. I Reykholti er nú fyrir hendi á heilsárshóteli gisti- og samkomurými
fyrir nokkurn fjölda fólks.
e. I Snorrastofu er góð vinnuaðstaða fyrir fræðimenn og stórt bókasafn
sem hefur að geyma ýmis höfuðrit íslenskra og evrópskra miðalda-
fræða. í bókasafninu voru um 8.000 bindi árið 1998 en telja nú um
40.000.
f. Samgöngur við Reykholt hafa stórbatnað. Eftir að Hvalfjarðargöngin
urðu að veruleika sumarið 1998 er unnt að aka á milli Reykjavíkur og
Reykholts á innan við einni og hálfri klukkustund. Þá mun vegalengd-
in styttast enn meira með tilkomu Sundabrautar.
Frá árinu 1999 hefur Snorrastofa komið að ýmsum rannsóknarverkefnum.
Langtímamarkmiðið er að gera stofnunina að öndvegissetri um íslensk og evrópsk
miðaldafræði en til að svo geti orðið þarf stofnunin á töluvert meiri fjárhagslegum
stuðningi að halda. Stofnunin þarf sjálf að fjármagna einstök verkefni þar sem
grunnframlög frá menntamálaráðuneyti og sveitarfélögum duga einungis fyrir
grunnrekstri, þ.e. fyrir rekstri skrifstofu, gestamóttöku, fasteignum og bókasafni.
Þá duga þau einnig að hluta til fyrir hirðu Reykholts sem einnig er á könnu
65